ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵏⴼⴰⵔ ⵏ ⵙⵙⵓⵇ ⵏ ⵜⵥⵓⵔⵉ ⴷⴻⴳ ⵜⵍⴻⵎⵙⴰⵏ (ⵉⵎⴹⴻⴱⴱⴻⵔ)
ⵜⵍⴻⵎⵙⴰⵏ – ⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ ⵏ ⵢⵉⴷⵍⴻⵙ ⵍⴰ ⵙⵙⴻⴼⵔⴰⵢⴻⵏ ⴰⴷ ⴷ-ⴳⴻⵏ ⵙⵙⵓⵇ ⵏ ⵜⵥⵓⵔⵉ ⴰⵔⴰ ⵉⵄⴻⵎⵎⵕⴻⵏ ⵢⴰⵍ ⴷⴷⵓⵕⵜ ⵙⴻⴳ ⵡⴰⵙⵙ ⵏ 8 ⵢⵓⵏⵢⵓ ⴷ ⴰⵙⴰⵡⴻⵏ ⴷⴻⴳ ⵓⴷⴻⴳ ⴰⵎⴻⵣⵔⵓⵢⴰⵏ ⵏ ⵍⵎⴻⵛⵡⴰⵕ, ⴷⴻⴳ ⵜⵍⴻⵎⵙⴰⵏ, ⵉ ⵍⵎⴻⵏⴷ ⵏ ⵡⴰⵙⵙ ⵏ ⵓⵏⴰⵥⵓⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵡⴰⵎⵎⴰⵙ ⵏ ⵜⵥⵓⵔⵉⵢⵉⵏ ⴷ ⵜⴻⵎⵣⵉⴽⴽⵏⵉⵏ ⵏ ⵜⵡⵉⵍⴰⵢⵜ.
ⵙⵙⵓⵇ-ⴰ ⴰⴷ ⴷ-ⵢⵉⵍⵉ ⴷⴰⵖ ⴷ ⴰⵎⴽⴰⵏ ⵡⵓⵖⵓⵔ ⴰⵔⴰ ⴷ-ⵜⵜⴻⵎⵍⵉⵍⵉⵏ ⵢⵉⵏⴰⵥⵓⵔⴻⵏ ⵙⴻⴳ ⵢⴰⵍ ⵚⵚⴻⵏⴼ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵔⵥⴻⵎ ⵡⴰⵢⴰ ⴰⴱⵔⵉⴷ ⵉ ⵓⵙⵙⴻⵊⵀⴻⴷ ⵏ ⵜⵥⵓⵔⵉ ⴷ ⵢⵉⴷⵍⴻⵙ ⴷⴻⴳ ⵜⵍⴻⵎⵙⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
ⴰⵙⵏⵓⵍⴼⵓ ⵏ ⵙⵙⵓⵇ-ⴰ ⴷⴻⴳ ⵓⵎⴽⴰⵏ ⴰⵎⴻⵣⵔⵓⵢⴰⵏ ⴰⵎ ⵍⵎⴻⵛⵡⴰⵕ ⴷ ⴰⵢⴻⵏ ⴰⵔⴰ ⵢⴻⵊⵊⴻⵏ ⵡⵉⴷ ⵉⵃⴻⵎⵎⵍⴻⵏ ⵜⴰⵥⵓⵔⵉ ⴷ ⵢⵉⵏⴰⵥⵓⵔⴻⵏ ⴰⴷ ⴷ-ⵜⵜⴻⵎⵍⵉⵍⵉⵏ, ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⵡⴰⵢⴰ ⴷⴻⴳ ⵓⵙⴷⵓⵇⵇⴻⵙ ⵏ ⵜⵥⵓⵔⵉ ⴻⴷ ⵢⵉⴷⵍⴻⵙ.
ⴰⵙⴼⵓⴳⴻⵍ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵥⵓⵔ ⴰⴷ ⴷ-ⵢⴻⵙⵙⴻⵎⵍⵉⵍ ⴰⴽⴽ ⵉⵏⴰⵥⵓⵔⴻⵏ (ⵉⵎⴰⵙⴷⴰⴳⴻⵏ, ⵉⵎⵙⴻⴹⵔⴰ ⵏ ⵢⵉⵙⵓⵔⴰ, ⵉⵙⴻⴳⴱⴰⵔⴻⵏ, ⵉⵎⴻⵙⴽⴻⵏⵡⴻⵏ, ⵉⵎⴻⴽⵍⴰ, ⵉⵎⵥⴰⵡⴰⵏⴻⵏ, ⴰⵜⴳ.) ⴷⴻⴳ ⵢⵉⵡⴻⵏ ⵏ ⵓⵎⴽⴰⵏ ⵉⵔⴻⵥⵎⴻⵏ ⴰⵢⴷⴻⴳ ⴰⵔⴰ ⵉⵍⵉⵏⵜ ⵙⵏⴰⵜ ⵏ ⵜⵇⴰⵄⵜⵉⵏ ⴰⵢⴷⴻⴳ ⴰⵔⴰ ⵣⴻⵎⵔⴻⵏ ⵢⵉⵏⴰⵥⵓⵔⴻⵏ ⴰⴷ ⴷ-ⵇⴻⴷⴷⵎⴻⵏ ⵉⵀⴰⵏⴰⵢⴻⵏ-ⵏⵙⴻⵏ ⵙⵔⵉⴷ ⵙⴷⴰⵜ ⵢⵉⵏⴻⵔⵣⴰⴼⴻⵏ.
ⵉⵙⵔⴻⵇⵇⴰⵜⴻⵏ, ⵉⵎⵙⵓⵏⵖⴻⵏ, ⵉⵎⴻⵙⴽⴻⵏⵡⴻⵏ, ⵉⵎⵥⴰⵡⴰⵏⴻⵏ ⴷ ⵢⵉⵏⴰⵥⵓⵔⴻⵏ ⵏⵉⴹⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵏⴻⵎⵙⴰⵍⵉⵏ ⵙⴷⴰⵅⴻⵍ ⵓⴷⴻⴳ-ⵏⵏⵉ ⵏ ⵍⵎⴻⵛⵡⴰⵕ ⵏⴻⵖ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ, ⴰⴽⴽⴻⵏ ⴰⴷ ⵊⵊⴻⵏ ⴰⴳⴷⵓⴷ, ⵍⴰⴷⵖⴰ ⵉⵎⴰⵔⴰⵢⴻⵏ ⵏ ⵜⵥⵓⵔⵉ, ⴰⴷ ⵙⵙⵏⴻⵏ ⵉⵏⴰⵥⵓⵔⴻⵏ ⵏⴻⵖ ⴰⴷ ⵣⵀⵓⵏ ⴷ ⵡⵉⴷ ⴰⵢ ⵃⴻⵎⵎⵍⴻⵏ ⵢⴰⴳⵉ.
ⴰⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵥⵓⵔ ⴰⴷ ⴷ-ⵢⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵡⴰⴽⴽ ⵉⵏⴰⵥⵓⵔⴻⵏ ⴷ ⵡⴰⴽⴽ ⵜⵉⵥⵓⵔⵉⵢⵉⵏ ⵏ ⵜⵎⴰⵏⴻⵖⵜ ⵏ ⵢⵉⵣⴻⵢⵢⴰⵏⵉⵢⴻⵏ (ⵜⵍⴻⵎⵙⴰⵏ) ⴰⴷ ⵎⵎⴻⵥⵔⴻⵏ ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵓⵙⴼⵓⴳⴻⵍ ⴰⵢ ⵡⴻⵔⵊⵉⵏ ⴷ-ⵢⴻⵍⵍⵉ ⵓⵇⴱⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
