Asebter amenzawi

Tinduf: arẓam n snat n tnemsalin n usselmed n ṣṣenɛa i tlawin (tiddukla)

TINDUF – Snat n tnemsalin n usselmed n ṣṣenɛat n txeyyaḍt d ttesḍila i tlawin ay ireẓmen deg Tinduf, s ṛṛay n tiddukla tadigant n warraw n Unẓul, ɣef wakken ay aɣ-d-ixebber ass n lexmis umaru amatu n tiddukla-a.

Tinemsalin-a reẓmen-tent ass n laṛebɛa yiduba idiganen n twilayt, yerna gant-tent-id s yidrimen n yiwet n lemɛawna ay d-tefka tkebbanit n temsawla tazirazt Mobilis. Imukan-a n usselmed ad xeddmen deg-sen 6 n yimdanen, yerna ad sselmaden deg-sen ṣṣenɛa i tlawin yellan deg uxxam, am wakken ara d-yessekcem usselmed-a cwiṭ n yidrimen i tiddukla-a akken ad tkemmel axeddim-nnes n temsetlelt d uɛawen n yimdanen ixuṣṣen deg temnaḍt-a, ɣef wakken ay d-yenna Hamma Soudani.

I lmend n waya, tiddukla ttunefken-as-d 500.000 n yidinaṛen, d aḥric seg yiwet n tjellabt ay d-tḥaz Mobilis akken ad tɛawen 10 n tiddukliwin deg Tinduf ay ixeddmen deg yiḥricen n uɛawen, idles d waddal, ɣef wakken ay d-yenna.

Kra seg yiswan n tiddukla-a d afraq n tɣawsiwin n uɣerbaz, asseḍher i warraw n twaculin tigellilin d usḥulfu n medden deg yiḥricen yemgerraden, ɣef wakken ay d-yenna Mass Soudani.

Tiddukla-a la tessefray, seg-a ɣer sdat, ad d-teg 4 n yisenfaren: ad terẓem tazeɣɣa n tmeɣriwin i wid ixuṣṣen, amkan i tarda n yiceḍḍiḍen, tamkarḍit tumḍint i yigerdan d tekrict, ɣef wakken ay d-yenna.

Azal n 120 n lecɣal n temsetlelt ay tga tiddukla-a seg wasmi ay d-tennulfa deg 1977, s umɛawen d waṭas n yimeggiyen, gar-asen tadbelt tadigant, iḥricen n tigawt tanmettit, n yilemẓiyen, addal d ussegmi, Tanegga n tneflit tanmemmit d tkebbaniyin ay ixeddmen deg unrar n teknussniwin n usselɣu d teɣwalt tanemgagt, ɣef wakken ay d-yenna.