ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵏⴷⵓⴼ: ⴰⵔⵥⴰⵎ ⵏ ⵙⵏⴰⵜ ⵏ ⵜⵏⴻⵎⵙⴰⵍⵉⵏ ⵏ ⵓⵙⵙⴻⵍⵎⴻⴷ ⵏ ⵚⵚⴻⵏⵄⴰ ⵉ ⵜⵍⴰⵡⵉⵏ (ⵜⵉⴷⴷⵓⴽⵍⴰ)

ⵜⵉⵏⴷⵓⴼ – ⵙⵏⴰⵜ ⵏ ⵜⵏⴻⵎⵙⴰⵍⵉⵏ ⵏ ⵓⵙⵙⴻⵍⵎⴻⴷ ⵏ ⵚⵚⴻⵏⵄⴰⵜ ⵏ ⵜⵅⴻⵢⵢⴰⴹⵜ ⴷ ⵜⵜⴻⵙⴹⵉⵍⴰ ⵉ ⵜⵍⴰⵡⵉⵏ ⴰⵢ ⵉⵔⴻⵥⵎⴻⵏ ⴷⴻⴳ ⵜⵉⵏⴷⵓⴼ, ⵙ ⵕⵕⴰⵢ ⵏ ⵜⵉⴷⴷⵓⴽⵍⴰ ⵜⴰⴷⵉⴳⴰⵏⵜ ⵏ ⵡⴰⵔⵔⴰⵡ ⵏ ⵓⵏⵥⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵍⴻⵅⵎⵉⵙ ⵓⵎⴰⵔⵓ ⴰⵎⴰⵜⵓ ⵏ ⵜⵉⴷⴷⵓⴽⵍⴰ-ⴰ.

ⵜⵉⵏⴻⵎⵙⴰⵍⵉⵏ-ⴰ ⵔⴻⵥⵎⴻⵏ-ⵜⴻⵏⵜ ⴰⵙⵙ ⵏ ⵍⴰⵕⴻⴱⵄⴰ ⵢⵉⴷⵓⴱⴰ ⵉⴷⵉⴳⴰⵏⴻⵏ ⵏ ⵜⵡⵉⵍⴰⵢⵜ, ⵢⴻⵔⵏⴰ ⴳⴰⵏⵜ-ⵜⴻⵏⵜ-ⵉⴷ ⵙ ⵢⵉⴷⵔⵉⵎⴻⵏ ⵏ ⵢⵉⵡⴻⵜ ⵏ ⵍⴻⵎⵄⴰⵡⵏⴰ ⴰⵢ ⴷ-ⵜⴻⴼⴽⴰ ⵜⴽⴻⴱⴱⴰⵏⵉⵜ ⵏ ⵜⴻⵎⵙⴰⵡⵍⴰ ⵜⴰⵣⵉⵔⴰⵣⵜ ⵎⵧⴱⵉⵍⵉⵙ. ⵉⵎⵓⴽⴰⵏ-ⴰ ⵏ ⵓⵙⵙⴻⵍⵎⴻⴷ ⴰⴷ ⵅⴻⴷⴷⵎⴻⵏ ⴷⴻⴳ-ⵙⴻⵏ 6 ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⴰⴷ ⵙⵙⴻⵍⵎⴰⴷⴻⵏ ⴷⴻⴳ-ⵙⴻⵏ ⵚⵚⴻⵏⵄⴰ ⵉ ⵜⵍⴰⵡⵉⵏ ⵢⴻⵍⵍⴰⵏ ⴷⴻⴳ ⵓⵅⵅⴰⵎ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵙⵙⴻⴽⵛⴻⵎ ⵓⵙⵙⴻⵍⵎⴻⴷ-ⴰ ⵛⵡⵉⵟ ⵏ ⵢⵉⴷⵔⵉⵎⴻⵏ ⵉ ⵜⵉⴷⴷⵓⴽⵍⴰ-ⴰ ⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⵅⴻⴷⴷⵉⵎ-ⵏⵏⴻⵙ ⵏ ⵜⴻⵎⵙⴻⵜⵍⴻⵍⵜ ⴷ ⵓⵄⴰⵡⴻⵏ ⵏ ⵢⵉⵎⴷⴰⵏⴻⵏ ⵉⵅⵓⵚⵚⴻⵏ ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵀⴰⵎⵎⴰ ⵙⵧⵓⴷⴰⵏⵉ.

ⵉ ⵍⵎⴻⵏⴷ ⵏ ⵡⴰⵢⴰ, ⵜⵉⴷⴷⵓⴽⵍⴰ ⵜⵜⵓⵏⴻⴼⴽⴻⵏ-ⴰⵙ-ⴷ 500.000 ⵏ ⵢⵉⴷⵉⵏⴰⵕⴻⵏ, ⴷ ⴰⵃⵔⵉⵛ ⵙⴻⴳ ⵢⵉⵡⴻⵜ ⵏ ⵜⵊⴻⵍⵍⴰⴱⵜ ⴰⵢ ⴷ-ⵜⵃⴰⵣ ⵎⵧⴱⵉⵍⵉⵙ ⴰⴽⴽⴻⵏ ⴰⴷ ⵜⵄⴰⵡⴻⵏ 10 ⵏ ⵜⵉⴷⴷⵓⴽⵍⵉⵡⵉⵏ ⴷⴻⴳ ⵜⵉⵏⴷⵓⴼ ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵃⵔⵉⵛⴻⵏ ⵏ ⵓⵄⴰⵡⴻⵏ, ⵉⴷⵍⴻⵙ ⴷ ⵡⴰⴷⴷⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴽⵔⴰ ⵙⴻⴳ ⵢⵉⵙⵡⴰⵏ ⵏ ⵜⵉⴷⴷⵓⴽⵍⴰ-ⴰ ⴷ ⴰⴼⵔⴰⵇ ⵏ ⵜⵖⴰⵡⵙⵉⵡⵉⵏ ⵏ ⵓⵖⴻⵔⴱⴰⵣ, ⴰⵙⵙⴻⴹⵀⴻⵔ ⵉ ⵡⴰⵔⵔⴰⵡ ⵏ ⵜⵡⴰⵛⵓⵍⵉⵏ ⵜⵉⴳⴻⵍⵍⵉⵍⵉⵏ ⴷ ⵓⵙⵃⵓⵍⴼⵓ ⵏ ⵎⴻⴷⴷⴻⵏ ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵧⵓⴷⴰⵏⵉ.

ⵜⵉⴷⴷⵓⴽⵍⴰ-ⴰ ⵍⴰ ⵜⴻⵙⵙⴻⴼⵔⴰⵢ, ⵙⴻⴳ-ⴰ ⵖⴻⵔ ⵙⴷⴰⵜ, ⴰⴷ ⴷ-ⵜⴻⴳ 4 ⵏ ⵢⵉⵙⴻⵏⴼⴰⵔⴻⵏ: ⴰⴷ ⵜⴻⵔⵥⴻⵎ ⵜⴰⵣⴻⵖⵖⴰ ⵏ ⵜⵎⴻⵖⵔⵉⵡⵉⵏ ⵉ ⵡⵉⴷ ⵉⵅⵓⵚⵚⴻⵏ, ⴰⵎⴽⴰⵏ ⵉ ⵜⴰⵔⴷⴰ ⵏ ⵢⵉⵛⴻⴹⴹⵉⴹⴻⵏ, ⵜⴰⵎⴽⴰⵔⴹⵉⵜ ⵜⵓⵎⴹⵉⵏⵜ ⵉ ⵢⵉⴳⴻⵔⴷⴰⵏ ⴷ ⵜⴻⴽⵔⵉⵛⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵣⴰⵍ ⵏ 120 ⵏ ⵍⴻⵛⵖⴰⵍ ⵏ ⵜⴻⵎⵙⴻⵜⵍⴻⵍⵜ ⴰⵢ ⵜⴳⴰ ⵜⵉⴷⴷⵓⴽⵍⴰ-ⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⴷⴻⴳ 1977, ⵙ ⵓⵎⵄⴰⵡⴻⵏ ⴷ ⵡⴰⵟⴰⵙ ⵏ ⵢⵉⵎⴻⴳⴳⵉⵢⴻⵏ, ⴳⴰⵔ-ⴰⵙⴻⵏ ⵜⴰⴷⴱⴻⵍⵜ ⵜⴰⴷⵉⴳⴰⵏⵜ, ⵉⵃⵔⵉⵛⴻⵏ ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ, ⵏ ⵢⵉⵍⴻⵎⵥⵉⵢⴻⵏ, ⴰⴷⴷⴰⵍ ⴷ ⵓⵙⵙⴻⴳⵎⵉ, ⵜⴰⵏⴻⴳⴳⴰ ⵏ ⵜⵏⴻⴼⵍⵉⵜ ⵜⴰⵏⵎⴻⵎⵎⵉⵜ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ ⵏ ⵜⴻⴽⵏⵓⵙⵙⵏⵉⵡⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ ⵜⴰⵏⴻⵎⴳⴰⴳⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.