ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵡⴻⵀⵕⴰⵏ ⵏ ⵓⵙⴰⵔⵓ ⴰⵄⵕⴰⴱ: ⵜⴻⴱⴷⴰ ⵜⴻⵎⵙⵉⵣⵡⴻⵔⵜ ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ

ⵡⴻⵀⵕⴰⵏ – ⵜⵉⵎⵙⵉⵣⵡⴻⵔⵜ ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵜⴻⴱⴷⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵣⴻⵖⵖⴰ ⵏ ⵜⵙⵉⵏⵉⵎⴰⵜⵉⴽⵜ ⵏ « ⵡⴰⵔⴻⵙⵏⵉⵙ » ⴷⴻⴳ ⵡⴻⵀⵕⴰⵏ, ⴷⴻⴳ ⵓⴽⴰⵜⴰⵔ ⵏ ⵜⴻⵥⵔⵉⴳⵜ ⵜⵉⵙ 8 ⵏ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵡⴻⵀⵕⴰⵏ ⵏ ⵓⵙⴰⵔⵓ ⴰⵄⵕⴰⴱ (ⴼⵉⵧⴼⴰ), ⵢⴻⵔⵏⴰ ⵉ ⵍⵎⴻⵏⴷ ⵏ ⵡⴰⵢⴰ, ⵙⵄⴻⴷⴷⴰⵏ-ⴷ ⵙⵉⵏ ⵏ ⵢⵉⵙⵓⵔⴰ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵎⵙⵉⵣⵡⴻⵔⵜ-ⴰ.

ⴰⵙⴰⵔⵓ ⴰⵎⴻⵣⵡⴰⵔⵓ ⴷ « ⵎⴰⴻ ⵡⴰ ⴷⴰⵎ » (ⴰⵎⴰⵏ ⴷ ⵢⵉⴷⴰⵎⵎⴻⵏ) ⵏ ⵢⵉⵎⵙⴻⴹⵔⵓ ⴰⵎⴻⵕⵕⵓⴽⵉ ⴰⴱⴷⴻⵍⵉⵍⴰⵀ ⴻⵍ ⴷⵊⵧⵀⴰⵔⵉ, ⵎⴰ ⴷ ⵡⵉⵙ ⵙⵉⵏ, ⵉⵙⴻⵎ-ⵏⵏⴻⵙ « ⴻⵍ ⵉⵎⴰⵔⴰ » (ⵍⵉⵎⴰⵕⴰ) ⵏ ⵢⵉⵎⵙⴻⴹⵔⵓ ⴰⵍⵉⴱⵉ ⵎⵧⵓⴰⵢⴻⴷ ⵣⴰⴱⵜⵉⵢⴰ.

ⴰⴷ ⴷ-ⵉⵍⵉⵏ ⵢⵉⵙⴽⴰⵙⵉⵢⴻⵏ ⵙⴷⴻⴼⴼⵉⵔ ⵓⵙⵄⴻⴷⴷⵉ ⵏ ⵢⵉⵙⵓⵔⴰ, ⵢⴻⵔⵏⴰ ⴰⴷ ⵃⴻⴷⵕⴻⵏ ⴷⴻⴳ-ⵙⴻⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵜⵥⴻⵓⵔⵉ, ⵉⴳⴻⵏⵙⴰⵙⴻⵏ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴷ ⵢⵉⵎⴰⵔⴰⵢⴻⵏ ⵏ ⵜⵥⵓⵔⵉ ⵜⵉⵙ 7, ⵍⴰⴷⵖⴰ ⵡⵉⴷ ⴰⵢ ⵉⵃⴻⵎⵎⵍⴻⵏ ⵉⵙⵓⵔⴰ ⵉⵡⴻⵣⵍⴰⵏⴻⵏ.

ⵜⵉⵎⵙⵉⵣⵣⴻⵍⵜ ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵏ ⵜⴻⵥⵔⵉⴳⵜ-ⴰ ⵏ ⴼⵉⵧⴼⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ 14 ⵏ ⵢⵉⵙⵓⵔⴰ ⵙⴻⴳ 11 ⵏ ⵜⵎⵓⵔⴰ. ⵍⴷⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⵙ 3 ⵏ ⵢⵉⵙⵓⵔⴰ, ⴳⴰⵔ-ⴰⵙⴻⵏ « ⵏⵙⵉⴱⵉ » (ⴰⴹⴻⵡⵡⴰⵍ-ⵉⵏⵓ) ⵏ ⵀⴰⵙⵙⴰⵏ ⴱⴻⵍⴰⵉⴷ, « ⵔⵉⵙⴰⵍⴰ ⵉⵍⴰ ⵧⴱⴰⵎⴰ » (ⵜⴰⴱⵕⴰⵜ ⵉ ⵧⴱⴰⵎⴰ) ⵏ ⵎⵧⵀⴰⵎⴻⴷ ⵎⵧⵀⴰⵎⵎⴻⴷⵉ, ⴷ « ⴻⵍ ⵎⴰⵎⴰⵔ » (ⴰⵣⵔⵓⴳ) ⵏ ⴰⵏⵉⵙ ⴷⵊⴰⴰⴷ.

ⵉⵙⵓⵔⴰ ⵏⵉⴹⴻⵏ ⵙⴻⴳ ⵜⵎⵓⵔⴰ ⵏ ⵎⴰⵚⴻⵔ, ⵜⵓⵏⴻⵙ, ⴱⴻⵃⵕⵉⵏ, ⵍⵓⴱⵏⴰⵏ, ⵎⵓⵔⵉⵟⴰⵏⵢⴰ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ ⴷ ⴼⴰⵍⴻⵙⵟⵉⵏ ⴰⵔⴰ ⵢⴻⵜⵜⴻⴽⴽⵉⵏ ⵙ ⵓⵙⴰⵓ ⵏ « ⴰⵏⴻⵖⵎⴰⵙ ⵉⵍⴻⵍⵍⵉ ».

ⴷ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵏ ⵢⵉⵏⴻⴼⵔⴰⵢⴻⵏ ⴰⵔⴰ ⵉⴼⴻⵔⵏⴻⵏ ⴰⵙⴰⵔⵓ ⴰⵔⴰ ⵉⵔⴻⴱⵃⴻⵏ, ⵢⴻⵔⵏⴰ ⴰⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ-ⴰ ⴷ ⵉⵎⵙⴻⴹⵔⵓ ⵏ ⵜⵍⵉⵥⵔⵉ ⵏ ⵍⴷⵣⴰⵢⴻⵔ ⵎⵧⵀⴰⵎⴻⴷ ⵀⴰⵣⵧⵓⵔⵍⵉ. ⵜⴰⵙⴻⵇⵇⴰⵎⵓⵜ-ⴰ ⴰⴷ ⵉⵍⵉⵏ ⴷⴻⴳ-ⵙ ⴷⴰⵖ ⴰⵀⵎⴻⴷ ⵛⵀⴰⵡⴽⵉ, ⴷ ⴰⵎⴻⵣⵖⴰⵏ ⴰⵎⴰⵚⵔⵉ ⵏ ⵙⵙⵉⵏⵉⵎⴰ, ⵜⴰⵏⴻⵖⵎⴰⵙⵜ-ⵜⴰⵎⴻⴷⵢⴰⵣⵜ ⵎⴻⵔⵉⴻⵎ ⵀⴰⵉⴷⴰⵔⵉ ⵙⴻⴳ ⵉⵕⴰⵏ, ⵉⵎⵙⴻⴹⵔⵓ ⴷ ⵓⵎⴰⵔⵓ ⵏ ⵢⵉⵙⵉⵏⴰⵕⵢⵓⵜⴻⵏ ⴰⵎⴻⵕⵕⵓⴽⵉ ⵀⴰⵙⵙⴰⵏ ⴱⴻⵏⵊⴻⵍⵍⵧⵓⵏ, ⴷ ⵜⴳⴻⵏⵙⴰⵙⵜ ⵏ ⵙⵙⵉⵏⵉⵎⴰ ⵏ ⵓⵙⵓⴷⵓ ⴰⵄⵕⴰⴱ ⵏ ⵒⴰⵔⵉⵙ, ⵜⴰⵙⵓⵔⵉⵜ ⵍⵉⴰⵏⴻ ⵛⵀⵧⵓⴰⴼ.