ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵎⴻⵙⵙⴰⵀⴻⵍ : ⴰⴽⴽⴻⵏ ⴰⴷ ⵢⵉⵍⵉ ⵓⵏⴰⴱⴰⴹ ⵏ ⵜⴷⵓⴽⵍⵉ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⴽⴽⵉⵏ ⴰⴽⴽ, ⵢⴻⵙⵙⴻⴼⴽ ⴰⴷ ⵎⵎⵉⵙⵎⴰⵃⴻⵏ.

ⵍⴻⵣⵣⴰⵢⴻⵔ (ⵜⴰⵏⴻⴳⴳⴰ) – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⴻⴼⵔⵉⵇⵜ ⵏ ⵓⴳⴰⴼ, ⵏ ⵜⴷⵓⴽⵍⵉ ⵜⴰⴼⵔⵉⵇⴰⵏⵜ ⴷ ⵜⴻⵎⵖⵓⵏⵜ ⵜⴰⵄⵔⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⴰⵔⵓⵙⵉ ⵏ ⵓⵏⴰⴱⴰⴹ ⴰⵖⴻⵍⵏⴰⵡ ⵏ ⵜⴷⵓⴽⵍⵉ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⴽⴽⵉⵏ ⴷⴻⴳ-ⵙ ⴰⴽⴽ ⵉⵍⵉⴱⵉⵢⴻⵏ ⴷ ⵜⵉⵍⵉⵏ ⵏ ⵓⵎⵙⴻⵎⵎⴻⵃ ⴳⴻⵔ-ⴰⵙⴻⵏ.

‘’ⵜⵉⴼⵔⴰⵜ ⵉ ⵖⴻⵔ ⵏⴻⵙⵙⴰⵡⴻⴹ ⵉ ⵍⵎⴻⵏⴷ ⵏ ⵍⵎⴻⴵⵀⵓⴷ ⵏ ⵓⴳⴻⵏⵙⴰⵙ ⵏ ⵜⵓⴷⴷⵙⴰ ⵏ ⵢⵉⵖⵍⴰⵍⴻⵏ ⵢⴻⴷⴷⵓⴽⵍⴻⵏ (ⵧⵏⵓ) ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵉ ⵢⴻⴱⵏⴰⵏ ⵖⴻⴼ ⵓⵎⴻⵏⵣⴰⵢ ⵏ ⵜⵔⵓⵙⵉ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⴻⵃⵡⴰⴵ ⵜⵉⴽⴽⵉⵏ ⵏ ⵢⴰⴽⴽ ⴰⵜⵎⴰⵜⴻⵏ-ⵏⵏⴻⵖ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵏⴻⴷⴷⵓ ⴷ ⵛⵛⵓⵔⵓⵟ ⵉⵛⵓⴷⴷⴻⵏ ⵙ ⴰⵢⴰ’’, ⵉ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵏ ⵜⴻⵍⴷⴰⵢⵜ ⵏ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⴷⵉⵡⴻⵏⵏⵉ ⴰⴳⴻⵔ-ⵉⵍⵉⴱⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ.

ⵢⴻⵏⵏⴰ-ⴷ ⴱⴻⵍⵍⵉ ‘’ⴰⴽⴽⴻⵏ ⴱⵖⵓⵏ ⵡⴻⵣⵏⴻⵏ-ⵜ, ⴰⵎⴰ ⴷ ⵡⵉ ⵏⴻⵖ ⴷ ⵡⵉⵢⴰⴹ, ⴰⵎⵙⴻⵎⵎⴻⵃ ⴰⵔⴰ ⴷ-ⵢⵉⵍⵉⵏ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵙ ⵉⵙⵡⵉ-ⴰ, ⵜⵓⴵⴵⵉⵜ ⵙⴻⴳ ⵍⵃⴻⵇ-ⵏⵙⴻⵏ ⵎⴰⵛⵉ ⴷ ⵜⴰⵖⴰⵡⵙⴰ ⵉⵡⴻⵄⵔⴻⵏ ⵖⴻⴼ ⵢⵉⵍⵉⴱⵉⵢⴻⵏ ⵉ ⴷ-ⵢⴻⵣⵣⴰⴽⵏⴻⵏ, ⴽⵔⴰ ⵢⴻⴽⴽⴰ ⵓⵎⴻⵣⵔⵓⵢ, ⵉⵎⴻⴷⵢⴰⵜⴻⵏ ⵓⵔ ⵏⴻⵍⵍⵉ ⴰⵏⴷⴰ ⵏⵏⵉⴹⴻⵏ’’.

‘’ⵏⴻⴽⵏⵉ ⴷⴰ, ⴷⴻⴳ ⵍⴻⵣⵣⴰⵢⴻⵔ, ⵓⵍⴰⵛ ⴷⵉⵏ ⵛⵛⴻⴽ, ⴱⴻⵍⵍⵉ ⴰⵜⵎⴰⵜⴻⵏ-ⵏⵏⴻⵖ ⵉⵍⵉⴱⵉⵢⴻⵏ, ⴰⴽⴽⴻⵏ ⵜⴻⴱⵖⵓ ⵜⵉⵍⵉ ⵜⵎⵓⵖⵍⵉ-ⵏⵙⴻⵏ, ⵙⵄⴰⵏ ⵜⴰⵎⵓⵙⵏⵉ, ⴰⵃⴻⵣⵣⴻⴱ ⴷ ⵜⴻⴱⵖⴻⵙⵜ ⴰⴽⴽⴻⵏ ⴰⴷ ⵉⵍⵉⵏ ⴷⴻⴳ ⵓⵙⵡⵉⵔ ⵏ ⵜⵎⴰⵙⵉⵜ ⵉ ⴰⵖ-ⴷ-ⵜⴻⵣⵣⵓⴱⴻⵜ ⵜⴻⵙⵡⵉⵄⵜ ⵉⴷⴻⴳ ⵜⴻⵍⵍⴰ ⵜⵎⵓⵔⵜ’’, ⵉ ⵢⴻⵔⵏⴰ ⵢⴻⵏⵏⴰ.

ⵢⴻⵙⵎⴻⴽⴰ-ⴷ ⵎⴰⵙⵙ ⵎⴻⵙⵙⴰⵀⴻⵍ ⴱⴻⵍⵍⵉ ⵍⴻⵣⵣⴰⵢⴻⵔ ‘’ⵜⴻⵙⵙⴰⵔⴰⵎ ⴰⴷ ⵜⵓⵖⴰⵍ ⵍⵉⴱⵢⴰ ⵙ ⴰⵔⴽⴰⴷ ⴰⴽⴽⴻⵏ ⴰⴷ ⵏⴻⵍⵀⵓ ⵊⵎⵉⵄ ⴷ ⵡⴰⵢⴻⵏ ⵉⵛⴻⵖⴱⴻⵏ ⴰⵜⵎⴰⵜⴻⵏ-ⵏⵏⴻⵖ ⴷ ⵜⴰⵎⵓⵔⵜ-ⵏⵙⴻⵏ.