ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 200 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⴱⵔⵉⴷⴻⵏ ⴷⴻⴳ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⴷⴻⴳ ⵜⵖⴻⵔⴷⴰⵢⵜ

ⵜⴰⵖⴻⵔⴷⴰⵢⵜ – ⵓⴳⴰⵔ ⵏ 200 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⴱⵔⵉⴷⴻⵏ ⵏ ⵜⴼⴻⵍⵍⴰⵃⵜ ⴰⵢ ⴷ-ⴳⴰⵏ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵜⵏⴻⴼⵍⵉⵜ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵍⴻⵅⵎⵉⵙ ⵓⵎⴰⴳⴰⵥ ⵏ ⵜⵥⴻⴳⵡⴰ ⵏ ⵜⵡⵉⵍⴰⵢⵜ-ⴰ.

ⴰⵀⵉⵍ-ⴰ ⴰⴷ ⵢⴻⵊⵊ ⵉⵎⴻⵣⴷⴰⵖⴻⵏ ⵏ ⵜⵎⵉⵡⴰ ⵜⵓⵄⵣⵉⵍⵉⵏ ⴰⴷ ⵜⵜⴰⵡⴹⴻⵏ ⵙ ⵡⵓⴳⴰⵔ ⵏ ⵜⴻⴼⵙⴻⵙ ⵖⴻⵔ ⵜⴻⵎⵏⴰⴹⵉⵏ-ⵏⵙⴻⵏ ⵏ ⵜⴼⴻⵍⵍⴰⵃⵜ ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ ⵜⵏⴻⴼⵍⵉⵜ ⵜⴰⵏⵎⴻⵜⵜⵉⵜ-ⵜⴰⴷⴰⵎⵙⴰⵏⵜ ⵏ ⵜⵡⵉⵍⴰⵢⵜ-ⴰ ⵢⴻⵔⵏⴰ ⴰⴷ ⵜⵜ-ⵔⵔⴻⵏ ⴷ ⵜⴰⵎⵏⴰⴹⵜ ⴰⵢ ⴷ-ⵉⵊⴻⴱⴱⴷⴻⵏ ⵉⵎⵙⴻⴼⵜⵉⵢⴻⵏ ⵏ ⵜⴼⴻⵍⵍⴰⵃⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵧⵀⴰⵎⴻⴷ ⴰⴱⴱⴰⵙ.

ⴰⵀⵉⵍ-ⴰ ⵀⴻⵢⵢⴰⵏ-ⵜ-ⵉⴷ ⵙ ⵓⵎⵛⵉⵡⴻⵕ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⴼⴻⵍⵍⴰⵃⴻⵏ, ⵉⵎⴻⴽⵙⴰⵡⴻⵏ ⴷ ⵢⵉⵎⴻⵣⴷⴰⵖⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⴷⴰⵖ ⴷⴻⴳ-ⵙ ⵍⴻⴱⵏⵉ ⵏ 27 ⵏ ⵍⴻⴱⵢⵓⵔ ⵏ ⵜⴽⴻⵙⵙⴰⵡⵜ, ⵉⵎⴻⵙⵡⴻⵏ (ⴰⵏⴷⴰ ⴰⵔⴰ ⵜⵜⴻⵙⵙⴻⵏ ⵍⵎⴰⵍ) ⴷ ⵜⵔⴻⴳⵡⴰ ⵏ ⵓⵙⵙⵡⴰⵢ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵖⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, ⵍⵍⴰⵏⵜ ⴷⴰⵖ 8 ⵏ ⵜⴻⵏⵇⵉⴹⵉⵏ ⵏ ⵡⴰⵎⴰⵏ ⴷⴻⴳ ⵜⵎⵉⵡⴰ ⵏ ⵜⴽⴻⵙⵙⴰⵡⵜ ⴳⴰⵏ-ⴰⵙⴻⵏⵜ ⵜⵜⴰⵡⵉⵍ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ, ⴰⵎ ⵡⴰⴽⴽⴻⵏ ⴰⵢ ⵙⵇⴻⵄⴷⴻⵏ ⵙⵏⴰⵜ ⵏ ⵜⴻⵏⵇⵉⴹⵉⵏ ⵏⵉⴹⴻⵏ ⵏ ⵡⴰⵎⴰⵏ ⴷⴻⴳ ⵎⴻⵜⵍⵉⵍⵉ ⴷ ⴷⴰⵢⴰ ⴱⴻⵏ ⴷⴻⵀⵡⴰ, ⵢⴻⵔⵏⴰ ⴱⵏⴰⵏ ⵙⵉⵏ ⵏ ⵢⵉⵃⴻⴱⴱⴰⵙⴻⵏ ⵏ ⵡⴰⵎⴰⵏ.

ⴰⵣⴰⵍ ⵏ 144 ⵏ ⵜⴻⴳⵔⵓⵎⵎⵉⵡⵉⵏ ⵏ ⵜⵔⵉⵙⵉⵜⵉ ⵏ ⵜⴰⴼⵓⴽⵜ ⴰⵢ ⵢⴻⵜⵜⵡⴰⴼⴻⵔⵇⴻⵏ ⵖⴻⴼ ⵜⵡⴰⵛⵓⵍⵉⵏ ⵏ ⵢⵉⴼⴻⵍⵍⴰⵃⴻⵏ ⴷⴻⴳ ⵡⴰⴽⴽ ⵜⵉⵎⵉⵡⴰ ⵏ ⵜⵡⵉⵍⴰⵢⵜ-ⴰ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵎⴻⴷⴷⵓⵔⵜ ⵏ ⵓⵖⴻⵔⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⴳⴰⵥ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴱⵏⴰⵏ 60 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵢⵉⵙⵙⴻⴼⵔⴰⴳ ⵢⴻⵜⵜⵃⵓⴷⴷⵓⵏ ⵙⴻⴳ ⵡⴰⴹⵓ. ⴳⴰⵏ ⴷⴰⵖ ⵍⴻⵛⵖⴰⵍ ⵍⴻⵛⵖⴰⵍ ⵉ ⵓⵙⵙⴻⵔⴽⴻⴷ ⵏ ⵢⵉⴳⵉⴷⴰⵏ ⵏ ⵢⵉⵊⴷⵉ ⴷⴻⴳ 78 ⵏ ⵢⵉⵇⴻⵟⵟⴰⵔⴻⵏ, ⴰⵎ ⵡⴰⴽⴽⴻⵏ ⴰⵢ ⵥⵥⴰⵏ 263 ⵏ ⵢⵉⵇⴻⵟⵟⴰⵔⴻⵏ ⵏ ⵢⵉⵙⴻⴽⵍⴰ ⵏ ⵍⴼⴰⴽⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵎⴰⵙⵙ ⴰⴱⴱⴰⵙ.

ⴰⵀⵉⵍ-ⴰ ⵏ ⵓⵄⴰⵡⴻⵏ ⵉ ⵓⵙⵙⴻⵏⵇⴻⵙ ⵏ ⵓⵄⵣⴰⵍ ⵏ ⵜⵎⵉⵡⴰ ⵏ ⵜⵎⵓⵔⵜ ⴷ ⵡⵉⵏ ⵢⴻⵙⵄⴰⵏ ⵉⵙⵡⵉ ⵏ ⵓⵙⵙⴻⵍⵀⵓ ⵏ ⵜⴻⴳⵏⴰⵜⵉⵏ ⵏ ⵜⵓⴷⴻⵔⵜ ⵏ ⵢⵉⵎⴻⵣⴷⴰⵖⴻⵏ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵙⵙⵉⴷⴻⵔ ⴰⵢⴰ ⵜⵉⵎⵏⴰⴹⵉⵏ ⵏ ⵜⴼⴻⵍⵍⴰⵃⵜ ⴰⴽⴽⴻⵏ ⵓⵔ ⴷ-ⵔⴻⵡⵡⵍⴻⵏ ⴰⵔⴰ ⵎⴻⴷⴷⴻⵏ ⵙⴻⴳ-ⵙⴻⵏⵜ ⵖⴻⵔ ⵜⴻⵎⴷⵉⵏⵉⵏ.