ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⴰⵏⴰⴱⴰⴹ ⴷ ⵢⵉⵅⵚⵉⵎⴻⵏ-ⵏⵏⴻⵙ ⵇⴻⴱⵍⴻⵏ ⴰⴷ ⴱⴷⵓⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴷⴻⴳ ⴳⴻⵏⴻⵠⴻ
ⴷⵓⴱⴰⵉ – ⴰⵏⴰⴱⴰⴹ ⴰⵢⴰⵎⴰⵏⵉ ⵉⵎⴻⵏⵏⴻⵊⵍⵉ ⴷ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ (ⵙⵉⵏ ⵏ ⵢⵉⵅⵚⵉⵎⴻⵏ ⵉⵎⴻⵇⵔⴰⵏⴻⵏ ⴷⴻⴳ ⵟⵟⵔⴰⴷ ⵏ ⵢⴰⵎⴰⵏ) ⵇⴻⴱⵍⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷ ⵍⴻⵎⵛⴰⵡⵕⴰⵜ ⴰⵔⴰ ⵢⴻⴱⴷⵓⵏ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⵙⵙ ⵏ 14 ⵢⵓⵏⵢⵓ ⴷⴻⴳ ⴳⴻⵏⴻⵠⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⴰⵙⵙ ⵏ ⵍⵊⴻⵎⵄⴰ.
« ⴰⵏⴰⴱⴰⴹ ⵢⴻⵇⴱⴻⵍ ⴰⴷ ⵢⴻⵜⵜⴻⴽⴽⵉ ⴷⴻⴳ ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴻⵣⵣⴻⴷⵉⵏⴻ ⴰⵍ-ⵉⵙⴱⴰⵀⵉ, ⴰⵏⴻⵖⵍⴰⴼ ⵏ ⵓⵙⵙⴻⵍⵖⵓ ⵏ ⵓⵏⴰⴱⴰⴹ ⴰⵢⴰⵎⴰⵏⵉ ⵉⵎⴻⵏⵏⴻⵊⵍⵉ (ⵢⴻⵍⵍⴰⵏ ⴷⴻⴳ ⵔⵉⵢⴰⴹ), ⵢⴻⵔⵏⴰ ⴷ ⵜⴰⵏⴻⴳⴳⴰ ⵏ ⴰⴼⵒ ⴰⵢ ⴷ-ⵢⴻⵙⵙⴰⵡⴹⴻⵏ ⴰⵡⴰⵍ-ⴰ.
ⵎⴰⵙⵙ ⴰⵍ-ⵉⵙⴱⴰⵀⵉ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵎⵛⵉⵡⴻⵕ-ⴰ ⴰⴷ ⴷ-ⵢⵉⵍⵉ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵜⵏⴻⵖⵜⵓⵙⵜ 2216 » ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵍⴰ ⵢⴻⵙⵙⴻⴼⵔⴰⵢⴻⵏ ⴰⴷ ⵊⴻⴱⴷⴻⵏ ⵢⵉⵃⵓⵜⵉⵢⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵡⴰⴽⴰⵍ ⴰⵢ ⴷ-ⵃⴻⵕⵕⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⵓⵎⵎⵖⴰ-ⵏⵙⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⵉⴼⴰⵍⵍⴰⵀ ⴰⵍ-ⵙⵀⴰⵎⵉ, ⴷ ⴰⵎⴰⵙⵍⴰⴹ ⴷⴻⴳ ⵜⵏⴰⵔⵉⵜ (ⵍⴱⵉⵔⵓ) ⵜⴰⵙⴻⵔⵜⵉⵜ ⵏ ⵓⵎⵓⵙⵙⵓ ⵏ ⴰⵏⵙⴰⵔⵓⴰⵍⵍⴰⵀ (ⵢⴻⵜⵜⵏⴰⵖⴻⵏ ⵙ ⵢⵉⵙⴻⵎ ⵏ ⵢⵉⵃⵓⵜⵉⵢⴻⵏ) ⵢⴻⵏⵏⴰ-ⴷ ⴷⴰⴽⴽⴻⵏ ⵉⵖⴻⵡⵡⴰⵖⴻⵏ « ⵇⴻⴱⵍⴻⵏ ⴰⵏⴻⵄⵔⵓⴹ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ ⵡⴰⵔ ⵛⵛⴻⵔⴹ ».
ⵢⴰⵎⴰⵏ ⵢⴻⵏⴽⴻⵔ ⴷⴻⴳ-ⵙ ⵢⵉⵎⴻⵏⵖⵉ ⵙⴻⴳ ⵡⴰⵙⵎⵉ ⴰⵢ ⴷ-ⵓⴷⴼⴻⵏ ⵢⵉⵃⵓⵜⵉⵢⴻⵏ ⵖⴻⵔ ⵜⵎⴰⵏⴻⵖⵜ ⵏ ⵜⵎⵓⵔⵜ-ⴰ, ⵚⴻⵏⵄⴰ, ⴷⴻⴳ ⵛⵜⴻⵎⴱⴻⵕ, ⵢⴻⵔⵏⴰ ⴽⴻⵎⵎⵍⴻⵏ ⴰⵔⵎⵉ ⴷ ⵄⴰⴷⴻⵏ (ⴷⴻⴳ ⵓⵏⵥⵓⵍ) ⴷⴻⴳ ⵢⵉⵎⴻⵏⵖⵉ-ⵏⵙⴻⵏ ⵎⴳⴰⵍ ⵢⵉⵖⴰⵍⵍⴻⵏ ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ, ⴰⵢ ⵉⵔⴻⵡⵍⴻⵏ ⴷⴻⴳ ⵎⴻⵖⵔⴻⵙ ⵖⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.
ⵓⴳⴰⵔ ⵏ 3 ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵙⵙⴻⴱⴷⴻⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵢⵉⵡⴻⵜ ⵏ ⵜⴻⵎⵙⵉⵙⵉⵜ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⵢⴻⵔⵏⴰ ⵜⴰⵎⵙⵉⵙⵉⵜ-ⴰ ⵍⴰ ⵜⴻⴽⴽⴰⵜ ⵇⵔⵉⴱ ⵢⴰⵍ ⴰⵙⵙ ⵙⴻⴳ ⵢⵉⴳⴻⵏⵏⵉ ⵉⵃⵓⵜⵉⵢⴻⵏ ⴷ ⵡⵉⴷ ⵢⴻⴷⴷⴰⵏ ⵢⵉⴷ-ⵙⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵢⴰⵎⴰⵏ.
ⵜⴰⵍⵓⴼⵜ-ⴰ ⵜⴻⴳⵍⴰ ⵙ 2000 ⵏ ⵜⵎⴻⴷⴷⵓⵔⵉⵏ ⵢⴻⵔⵏⴰ ⵜⵃⴻⵜⵜⴻⵎ 545.000 ⵏ ⵢⵉⵎⴷⴰⵏⴻⵏ ⴰⴷ ⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
