ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵎⵓⵜⴻⵏ ⵙⵉⵏ ⵢⴻⵔⵏⴰ ⵊⴻⵔⵃⴻⵏ ⵙⵉⵏ ⵏⵉⴹⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵓⴱⵔⵉⴷ ⴷⴻⴳ ⵜⵉⵙⴻⵎⵙⵉⵍⵜ

ⵜⵉⵙⴻⵎⵙⵉⵍⵜ – ⵙⵉⵏ ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ, ⵎⴰ ⴷ ⵙⵉⵏ ⵏⵉⴹⴻⵏ ⵊⴻⵔⵃⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵓⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ 14 ⴳⴰⵔ ⵜⴻⵎⴷⵉⵏⵜ ⵏ ⵜⵙⴻⵎⵙⵉⵍⵜ ⴷ ⵜⵍⵉⵙⴰ ⵏ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵍⵊⴻⵎⵄⴰ ⵢⵉⵎⴽⴻⵍⵍⴻⴼ ⵏ ⵓⵙⵙⴻⵍⵖⵓ ⵏ ⵜⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⵓⵃⵓⴷⴷⵓ ⴰⵖⴰⵔⵉⵎ.

ⴰⵙⴻⵀⵡⵓ-ⴰ ⵢⴻⵍⵍⴰ-ⴷ ⵎⵉ ⵎⵢⴻⵡⵡⴰⵜⴻⵏⵜ ⵙⵏⴰⵜ ⵏ ⵜⴽⴻⵕⵕⵓⵙⵉⵏ –ⵢⴰⵍ ⵢⵉⵡⴻⵜ ⵜⴻⵜⵜⴻⴷⴷⵓ-ⴷ ⵖⴻⵔ ⵜⴰⵢⴻⴹ. ⴷⴻⴳ ⵓⵎⵢⴻⵡⵡⴰⵜ-ⴰ, ⵙⵉⵏ-ⵏⵏⵉ ⵏ ⵢⵉⵎⴻⵕⵃⵓⵎⴻⵏ ⵎⵎⵓⵜⴻⵏ ⵉⵎⵉⵔ-ⵏⵏⵉ ⴽⴰⵏ (ⵢⵉⵡⴻⵏ ⵏ ⵓⵔⴳⴰⵣ ⵏ 40 ⵏ ⵢⵉⵙⴻⴳⴳⴰⵙⴻⵏ ⴷ ⵢⵉⵡⴻⵜ ⵏ ⵜⴻⵇⵛⵉⵛⵜ ⵏ 8 ⵏ ⵢⵉⵙⴻⴳⴳⴰⵙⴻⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵙⵉⵏ-ⵏⵏⵉ ⵏ ⵢⵉⵎⴻⵊⵔⴰⵃ, ⵢⵉⵡⴻⵏ ⵢⴻⵙⵄⴰ 53 ⵏ ⵢⵉⵙⴻⴳⴳⴰⵙⴻⵏ, ⵎⴰ ⴷ ⵡⴰⵢⴻⴹ, 81 ⵏ ⵢⵉⵙⴻⴳⴳⴰⵙⴻⵏ, ⵔⴻⴽⴱⴻⵏ-ⴷ ⴷⴻⴳ ⵜⴽⴻⵕⵕⵓⵙⵜ-ⵏⵏⵉ ⵜⵉⵙ ⵙⵏⴰⵜ, ⵢⴻⵔⵏⴰ ⵍⵍⴰⵏ ⵜⵜⴻⴷⴷⵓⵏ ⵖⴻⵔ ⵜⵙⴻⵎⵙⵉⵍⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵜⵉⴼⴻⴽⴽⵉⵡⵉⵏ ⵏ ⵢⵉⵎⴻⵕⵃⵓⵎⴻⵏ ⵡⵡⵉⵏ-ⵜⴻⵏⵜ ⵖⴻⵔ ⵢⵉⵎⵙⵉⵙⵎⴻⴹ ⵏ ⵓⵙⴱⵉⵟⴰⵔ ⵏ ⵜⵙⴻⵎⵙⵉⵍⵜ.

ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴱⴷⴰⵏ-ⴷ ⴰⵃⵜⴰⵛ ⴰⴽⴽⴻⵏ ⴰⴷ ⵥⵔⴻⵏ ⴷ ⴰⵛⵓ-ⵜⵜ ⵙⵙⴻⴱⴱⴰ ⵏ ⵓⵙⴻⵀⵡⵓ-ⴰ.