ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙ ⵏ ⵙⵙⴻⴱⵜ ⴰⴷ ⴷ-ⴱⴷⵓⵏⵜ ⵍⵅⴻⴹⴱⴰⵜ ⵏ ⵜⴻⵎⵃⴰⴷⴷⵉⵜ: ⵇⵔⵉⴱ ⴰⴷ ⵉⴼⴰⴽ ⵛⵛⵕⴻⵄ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ
ⵍⴷⵣⴰⵢⴻⵔ – ⵛⵛⵕⴻⵄ ⵏ ⵓⵙⴻⵏⴷⵓⵇ ⴰⴳⴻⵊⴷⴰⵏ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴰⴷ ⴷ-ⵢⴻⴱⴷⵓ ⵜⴰⴳⴰⵔⴰ-ⵏⵏⴻⵙ ⴰⵙⵙ ⵏ ⵙⵙⴻⴱⵜ, ⵉⵎⵉ ⴰⵔⴰ ⴷ-ⴱⴷⵓⵏⵜ ⵍⵅⴻⴹⴱⴰⵜ ⵏ ⵜⴻⵎⵃⴰⴷⴷⵉⵜ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙⴷⴻⴼⴼⵉⵔ ⵏ ⵡⴰⵛⵃⴰⵍ ⵏ ⵡⵓⵙⵙⴰⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⵎⴻⵙⵍⵉⵡⵜ ⵏ ⵢⵉⵎⴻⵜⵜⵀⵓⵎⴻⵏ ⴷ ⵢⵉⵏⴰⴳⴰⵏ.
ⵛⵛⵕⴻⵄ-ⴰ ⵢⴻⴱⴷⴰ-ⴷ ⴰⵙⵙ ⵏ 4 ⵎⴰⵢⵓ ⵢⴻⵣⵔⵉⵏ ⵙ ⵜⵖⵓⵔⵉ ⵏ ⵕⵕⴰⵢ ⵏ ⵓⵡⴻⵅⵅⴻⵔ. ⴷⴻⴳ ⵡⴰⵙⵙ ⵡⵉⵙ 3, ⵜⴻⵍⵍⴰ-ⴷ ⵜⵎⴻⵙⵍⵉⵡⵜ ⵏ ⵓⵎⴻⵜⵜⵀⵓⵎ ⴰⴳⴻⵊⴷⴰⵏ, ⴰⴱⴷⴻⵍⵎⵧⵓⵎⴻⵏⴻ ⵔⴰⴼⵉⴽ ⴽⵀⴻⵍⵉⴼⴰ, ⴰⵢ ⵢⴻⵍⵍⴰⵏ ⵉⵖⴰⴱ ⴷⴻⴳ ⵛⵛⵕⴻⵄ-ⵏⵏⵉ ⴰⵎⴻⵣⵡⴰⵔⵓ ⵏ 2007 ⴰⵢⴷⴻⴳ ⴰⵢ ⴰⵙ-ⵃⴻⴽⵎⴻⵏ ⵙ ⵓⵖⴰⴱⵉ.
ⴽⵀⴻⵍⵉⴼⴰ ⵢⴻⵜⵜⵡⴰⵛⴰⵕⴻⵄ ⵖⴻⴼ ⵡⴰⵟⴰⵙ ⵏ ⵜⵜⴻⵀⵎⴰⵜ, ⴳⴰⵔ-ⴰⵙⴻⵏⵜ « ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵉ ⵓⵙⵙⴻⴼⵙⴻⴷ, ⵜⵓⴽⴻⵔⴹⴰ, ⴰⴼⵍⴰⵙ ⵏ ⵜⴽⴻⵍⵍⴰⵅ, ⴰⴷⵖⴰⵍ ⵏ ⵍⴻⴽⵡⴰⵖⴻⴹ ⴷ ⵓⵙⵙⴻⵇⴷⴻⵛ ⵏ ⵍⴻⴽⵡⴰⵖⴻⴹ ⵏ ⵜⴻⴷⴱⴻⵍⵜ ⴷ ⵍⵇⴰⵏⵓⵏ ⵏ ⵍⴽⴻⵍⵍⴰⵅ », ⵢⴻⵔⵏⴰ ⵢⴻⵏⵏⴰ-ⴷ ⵓⵎⴻⵜⵜⵀⵓⵎ-ⴰ, ⵙⴷⴰⵜ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ, ⴷⴰⴽⴽⴻⵏ ⵎⵉ ⵢⴻⴼⴼⴻⵖ ⵙⴻⴳ ⵍⴷⵣⴰⵢⴻⵔ ⴷⴻⴳ 2003, ⵢⴻⵊⵊⴰ-ⴷ ⵜⴰⴳⵔⴰⵡⵜ-ⵏⵏⴻⵙ « ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵓⵔ ⵜⵜ-ⵅⵓⵚⵚⴻⵏ ⴰⵔⴰ ⵢⵉⴷⵔⵉⵎⴻⵏ ».
ⵜⴰⵖⴷⴻⵎⵜ ⵜⵃⵓⵙⴻⴱ ⴽⵀⴻⵍⵉⴼⴰ ⵎⵉ ⴰⵢ ⵅⵓⵚⵚⴻⵏ 3,2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵙⴻⴳ ⵓⵙⴻⵏⴷⵓⵇ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵎⴰⵛⴰ ⴰⵎⴻⵜⵜⵀⵓⵎ-ⴰ ⵢⴻⵍⵍⴰⵏ ⴷ ⴰⵎⴻⵕⴽⴰⵏⵜⵉ ⴰⵎⴻⵇⵔⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵎⵉ ⴰⵢ ⵢⴻⴼⴼⴻⵖ, ⵢⴻⵊⵊⴰ ⵜⴰⴱⴰⵏⴽⴰ-ⴰ ⵙ 97 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵙⴻⵏⴷⵓⵇ-ⵏⵏⴻⵙ, ⴷ 7 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⴰⵢ ⴷ-ⵜⴻⵙⵙⴰⴷⴻⴼ ⵜⴽⴻⴱⴱⴰⵏⵉⵜ-ⵏⵏⴻⵙ ⵏ ⵡⴰⴼⴼⵓⴳ, ⴽⵀⴰⵍⵉⴼⴰ ⴰⵉⵔⵡⴰⵢⵙ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵖⴰⵍ ⴷⴻⴳ ⵓⵙⵙⴻⴱⴷⴻⴷ ⴷ ⵓⵙⵙⴻⴷⴷⵓ ⵏ ⴽⵀⴰⵍⵉⴼⴰ ⴱⴰⵏⴽ, ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵢⴻⵏⴽⴻⵕ ⴷⴰⴽⴽⴻⵏ ⵢⴻⴷⵖⴻⵍ ⵍⴻⵄⵇⵓⴷⴰⵜ ⵏ ⴹⴹⵎⴰⵏⴰ ⵏ ⵜⴻⴷⵡⵉⵔⵜ-ⵏⵏⴻⵙ ⴷⴻⴳ ⵃⵉⴷⵕⴰ ⴷ ⵜⵃⴰⵏⵓⵜ-ⵏⵏⴻⵙ ⴷⴻⴳ ⵛⵛⵔⴰⴳⴰ, ⴷ ⵓⵙⵙⴻⵇⴷⴻⵛ ⵏ ⵢⵉⵎⵓⴽⴰⵏ-ⴰ ⴰⴽⴽⴻⵏ ⴰⴷ ⵢⴻⴽⵙⴻⴱ ⵜⴰⴱⴰⵏⴽⴰ-ⴰ, ⵉⵎⵉ, ⵖⴻⴼ ⵍⴻⵃⵙⴰⴱ-ⵏⵏⴻⵙ ⵍⴻⴽⵡⴰⵖⴻⴹ-ⴰ ⵢⴻⵜⵜⵡⴰⴷⴻⵖⵍⴻⵏ ⵓⵔ ⵙⵄⵉⵏ ⴰⵔⴰ ⴹⴹⴰⴱⴻⵄ-ⵏⵏⴻⵙ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵜⵜⵓⵏⴻⴼⴽ-ⴰⵙ-ⴷ ⵓⵣⵎⴰⵎ ⵏ ⵜⵏⴻⵣⵣⵓⵜ (ⵜⵜⵊⴰⵕⴰ) ⵓⵇⴱⴻⵍ ⵎⴰ ⵢⴻⵙⵙⴻⴱⴷⴻⴷ-ⴷ ⵜⴰⴱⴰⵏⴽⴰ-ⵏⵏⴻⵙ, ⵢⴻⵔⵏⴰ ⵜⴰⴱⴰⵏⴽⴰ-ⴰ ⵡⴻⵔⵊⵉⵏ ⵜⴻⴼⴼⵉⵖ ⵉ ⵍⵇⴰⵏⵓⵏ ⵏ ⵓⵃⴽⴰⵎ ⵏ « ⵓⴱⴻⴷⴷⴻⵍ ⵏ ⵢⵉⴷⵔⵉⵎⴻⵏ ».
ⴷ ⴰⵛⵓ ⴽⴰⵏ, ⴰⵎⴻⵜⵜⵀⵓⵎ ⵢⴻⵙⵜⴻⵄⵕⴻⴼ ⴷⴰⵖ ⴷⴰⴽⴽⴻⵏ ⵓⵔ ⵉⵅⴻⴱⴱⴻⵔ ⴰⵔⴰ ⵜⴰⴱⴰⵏⴽⴰ ⵏ ⵍⴷⵣⴰⵢⴻⵔ ⵖⴻⴼ ⵓⴱⴻⴷⴷⴻⵍ ⵏ ⵓⵥⴰⵢⴻⵔ ⵏ ⵜⴱⴰⵏⴽⴰ-ⵏⵏⴻⵙ ⴷⴻⴳ ⵛⵜⴻⵎⴱⴻⵕ ⵏ 1998, 3 ⴽⴰⵏ ⵏ ⵡⴰⵢⵢⵓⵔⴻⵏ ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵜⴱⴰⵏⴽⴰ-ⴰ ⴰⵅⴻⴷⴷⵉⵎ, ⵢⴻⵔⵏⴰ ⴰⵢⴰ ⵢⴻⵍⵍⴰ-ⴷ ⴷ ⵜⵓⴼⴼⵖⴰ ⵉ ⵍⵇⴰⵏⵓⵏ.
