Asebter amenzawi

Taɣdemt-Tamsalt n Sonatrach 1: beddu n ccṛeɛ s uḥdaṛ n waṭas n lɣaci

LDZAYER TAMANEƔT – Yebda-d ass n lḥedd ɣef 9s30 n tṣebḥit ccṛeɛ n temsalt n Sonatrach 1 deg uxxam n ccṛeɛ n tejrimin n Ldzayer tamaneɣt, d tamsalt aydeg ttwattehmen 15 n yimdanen d 4 n tkebbaniyin tibeṛṛaniyin ɣef tjuɛal, ɣef wakken ay d-nettwaxebber.

Ccṛeɛ yebda-d mi d-yeɣra lqaḍi i yimetthumen, ibugaṭuten d yinagan deg yiwet n tzeɣɣa yeccuṛen armi d ayen kan. Lɣaci-a ay d-yusan akken ad ḥedṛen deg ccṛeɛ-a llan deg-s yibugaṭuten, ineɣmasen, udmawen yettwassnen deg unrar n yiweẓla d yimdanen n menwala.

Seg yidis niḍen, gar 108 n yinagan, 26 ɣaben ula ma teffeɣ-d lewṣaya akken ad ten-id-awyen, ma d yiwen n unagi yewweḍ leɛfu n Ṛebbi.

Gar yimetthumen, yella uselway-anemhal aqbur n tegrawt n Sonatrach, Meziane Mohamed, d 8 n yinemhalen islekmanen n tegrawt-a, gar-asen Amar Zenasni, ay d-yelhan d ussiweḍ n yiserɣa s yiqudas d Belkacem Boumediene, anemhal n yirmuden n « usawen ».

Deg wumuɣ n yimetthumen, llant daɣ 4 n tkebbaniyin tibeṛṛaniyin umi ttunefken « s tin n tḥilet » leɛqudat, yerna aya iḍurr Sonatrach.