Asebter amenzawi

Assaɣen gar Ldzayer d Tgelda Tasaɛudit mazal-iten lhan (anmahal)

QSENṬINA – Assaɣen gar Ldzayer d Tgelda Tasaɛudit mazal-iten lhan am zik, ɣef wakken ay d-yenna ass n ssebt deg Qsenṭina unmahal asaɛudi deg Ldzayer, Mahmoud Ben Hocine Qatan.

Assaɣen-nneɣ mazal-iten lhan am zik yerna acemma ur yezmir ad ten-icewwel, ɣef wakken ay d-yenna unmahal asaɛudi deg Ldzayer mi d-yeffeɣ seg tzeɣɣa n yihanayen n Ahmed-Bey anda ay reẓmen dduṛt tadelsant n Tgelda Tasaɛudit deg Qsenṭina.

Mi t-ttren ɣef ussenqes n umḍan n Yidzayriyen ay yebɣan ad d-awin lɛumṛa deg wayyur n Remḍan, Mass Qatan yenna-d dakken ur d-yettili ara ussenqes yerna tiɣawsiwin ad ddunt akken kan ay nnument seg zik.

D acu kan, yenna-d daɣ deg temsalt-a dakken tiɣimit deg Tgelda Tasaɛudit uir tettɛeddi ara i 15 n wussan deg tallit n lɛumṛa, yerna aḥezzib-a ddmen-t akken ad jjen lɣaci niḍen ay d-yettasen seg wakk timnaḍin n umaḍal, ad d-awin lɛumṛa ula d nitni deg wayyur n Remḍan.

Deg wayen yerzan assaɣen idelsanen gar snat-a n tmura, Mass Qatan yenna-d dakken dduṛt tadelsant n Tgelda Tasaɛudit deg Qsenṭina d tin ay d-yesskanayen telqey n wassaɣen idelsanen d yinmettiyen gar yiɣerfan n snat-a n tmura.

Ṣṣenf-a n ttiɛadat d win ay yettajjan timmeṛkantit d tenḍa tadelsant n Tgelda Tasaɛudit ad ttwassnent ugar deg Ldzayer, yerna d aya ara yejjen Idzayriyen ad d-skeflen iḥricen s wazal-nsen deg umezruy n Tgelda-a, ɣef wakken ay d-yenna Mass Qatan, am wakken ay d-iwekked dakken tirzi-a ɣef Qsenṭina d ayen ay yejjan ama d idiplumatiyen, ama d imaslaḍen n tmagla tasaɛudit ad ssnen tamdint-a d umezruy-nnes, d timmeṛkantit d tenḍa n tgemmi tadzayrit.