ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴰⵖⴻⵏ ⴳⴰⵔ ⵍⴷⵣⴰⵢⴻⵔ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵎⴰⵣⴰⵍ-ⵉⵜⴻⵏ ⵍⵀⴰⵏ (ⴰⵏⵎⴰⵀⴰⵍ)

ⵇⵙⴻⵏⵟⵉⵏⴰ – ⴰⵙⵙⴰⵖⴻⵏ ⴳⴰⵔ ⵍⴷⵣⴰⵢⴻⵔ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵎⴰⵣⴰⵍ-ⵉⵜⴻⵏ ⵍⵀⴰⵏ ⴰⵎ ⵣⵉⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ ⵓⵏⵎⴰⵀⴰⵍ ⴰⵙⴰⵄⵓⴷⵉ ⴷⴻⴳ ⵍⴷⵣⴰⵢⴻⵔ, ⵎⴰⵀⵎⵧⵓⴷ ⴱⴻⵏ ⵀⵧⵛⵉⵏⴻ ⵇⴰⵜⴰⵏ.

ⴰⵙⵙⴰⵖⴻⵏ-ⵏⵏⴻⵖ ⵎⴰⵣⴰⵍ-ⵉⵜⴻⵏ ⵍⵀⴰⵏ ⴰⵎ ⵣⵉⴽ ⵢⴻⵔⵏⴰ ⴰⵛⴻⵎⵎⴰ ⵓⵔ ⵢⴻⵣⵎⵉⵔ ⴰⴷ ⵜⴻⵏ-ⵉⵛⴻⵡⵡⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵀⴰⵍ ⴰⵙⴰⵄⵓⴷⵉ ⴷⴻⴳ ⵍⴷⵣⴰⵢⴻⵔ ⵎⵉ ⴷ-ⵢⴻⴼⴼⴻⵖ ⵙⴻⴳ ⵜⵣⴻⵖⵖⴰ ⵏ ⵢⵉⵀⴰⵏⴰⵢⴻⵏ ⵏ ⴰⵀⵎⴻⴷ-ⴱⴻⵢ ⴰⵏⴷⴰ ⴰⵢ ⵔⴻⵥⵎⴻⵏ ⴷⴷⵓⵕⵜ ⵜⴰⴷⴻⵍⵙⴰⵏⵜ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴷⴻⴳ ⵇⵙⴻⵏⵟⵉⵏⴰ.

ⵎⵉ ⵜ-ⵜⵜⵔⴻⵏ ⵖⴻⴼ ⵓⵙⵙⴻⵏⵇⴻⵙ ⵏ ⵓⵎⴹⴰⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⴷ-ⴰⵡⵉⵏ ⵍⵄⵓⵎⵕⴰ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵎⴰⵙⵙ ⵇⴰⵜⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵙⵙⴻⵏⵇⴻⵙ ⵢⴻⵔⵏⴰ ⵜⵉⵖⴰⵡⵙⵉⵡⵉⵏ ⴰⴷ ⴷⴷⵓⵏⵜ ⴰⴽⴽⴻⵏ ⴽⴰⵏ ⴰⵢ ⵏⵏⵓⵎⴻⵏⵜ ⵙⴻⴳ ⵣⵉⴽ.

ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⵖ ⴷⴻⴳ ⵜⴻⵎⵙⴰⵍⵜ-ⴰ ⴷⴰⴽⴽⴻⵏ ⵜⵉⵖⵉⵎⵉⵜ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵓⵉⵔ ⵜⴻⵜⵜⵄⴻⴷⴷⵉ ⴰⵔⴰ ⵉ 15 ⵏ ⵡⵓⵙⵙⴰⵏ ⴷⴻⴳ ⵜⴰⵍⵍⵉⵜ ⵏ ⵍⵄⵓⵎⵕⴰ, ⵢⴻⵔⵏⴰ ⴰⵃⴻⵣⵣⵉⴱ-ⴰ ⴷⴷⵎⴻⵏ-ⵜ ⴰⴽⴽⴻⵏ ⴰⴷ ⵊⵊⴻⵏ ⵍⵖⴰⵛⵉ ⵏⵉⴹⴻⵏ ⴰⵢ ⴷ-ⵢⴻⵜⵜⴰⵙⴻⵏ ⵙⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ, ⴰⴷ ⴷ-ⴰⵡⵉⵏ ⵍⵄⵓⵎⵕⴰ ⵓⵍⴰ ⴷ ⵏⵉⵜⵏⵉ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴰⵖⴻⵏ ⵉⴷⴻⵍⵙⴰⵏⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵎⴰⵙⵙ ⵇⴰⵜⴰⵏ ⵢⴻⵏⵏⴰ-ⴷ ⴷⴰⴽⴽⴻⵏ ⴷⴷⵓⵕⵜ ⵜⴰⴷⴻⵍⵙⴰⵏⵜ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴷⴻⴳ ⵇⵙⴻⵏⵟⵉⵏⴰ ⴷ ⵜⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴻⵍⵇⴻⵢ ⵏ ⵡⴰⵙⵙⴰⵖⴻⵏ ⵉⴷⴻⵍⵙⴰⵏⴻⵏ ⴷ ⵢⵉⵏⵎⴻⵜⵜⵉⵢⴻⵏ ⴳⴰⵔ ⵢⵉⵖⴻⵔⴼⴰⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ.

ⵚⵚⴻⵏⴼ-ⴰ ⵏ ⵜⵜⵉⵄⴰⴷⴰⵜ ⴷ ⵡⵉⵏ ⴰⵢ ⵢⴻⵜⵜⴰⵊⵊⴰⵏ ⵜⵉⵎⵎⴻⵕⴽⴰⵏⵜⵉⵜ ⴷ ⵜⴻⵏⴹⴰ ⵜⴰⴷⴻⵍⵙⴰⵏⵜ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴰⴷ ⵜⵜⵡⴰⵙⵙⵏⴻⵏⵜ ⵓⴳⴰⵔ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⴷ ⴰⵢⴰ ⴰⵔⴰ ⵢⴻⵊⵊⴻⵏ ⵉⴷⵣⴰⵢⵔⵉⵢⴻⵏ ⴰⴷ ⴷ-ⵙⴽⴻⴼⵍⴻⵏ ⵉⵃⵔⵉⵛⴻⵏ ⵙ ⵡⴰⵣⴰⵍ-ⵏⵙⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⴳⴻⵍⴷⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵇⴰⵜⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⵉⵔⵣⵉ-ⴰ ⵖⴻⴼ ⵇⵙⴻⵏⵟⵉⵏⴰ ⴷ ⴰⵢⴻⵏ ⴰⵢ ⵢⴻⵊⵊⴰⵏ ⴰⵎⴰ ⴷ ⵉⴷⵉⵒⵍⵓⵎⴰⵜⵉⵢⴻⵏ, ⴰⵎⴰ ⴷ ⵉⵎⴰⵙⵍⴰⴹⴻⵏ ⵏ ⵜⵎⴰⴳⵍⴰ ⵜⴰⵙⴰⵄⵓⴷⵉⵜ ⴰⴷ ⵙⵙⵏⴻⵏ ⵜⴰⵎⴷⵉⵏⵜ-ⴰ ⴷ ⵓⵎⴻⵣⵔⵓⵢ-ⵏⵏⴻⵙ, ⴷ ⵜⵉⵎⵎⴻⵕⴽⴰⵏⵜⵉⵜ ⴷ ⵜⴻⵏⴹⴰ ⵏ ⵜⴳⴻⵎⵎⵉ ⵜⴰⴷⵣⴰⵢⵔⵉⵜ.