ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴰⵎⴰⵏ: ⵜⵜⴻⵡⵜⴻⵏ ⴰⵟⴰⵙ ⵏ ⵢⵉⵎⵓⴽⴰⵏ ⴰⵓ ⴹⴹⴼⴻⵏ ⵢⵉⵃⵓⵜⵉⵢⴻⵏ
ⵚⴻⵏⵄⴰ – ⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⵜⴰⵄⵕⴰⴱⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵡⵜⴻⵏ ⴰⵟⴰⵙ ⵙⴻⴳ ⵢⵉⵎⵓⴽⴰⵏ ⵉⵙⴻⵔⴷⴰⵙⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⴷⴻⴳ ⵚⴻⵏⵄⴰ ⵜⵜⴻⵡⵜⴻⵏ ⵙ ⵍⴱⵓⵎⴱⴰⵜ ⴰⵙⵙ ⵏ ⵍⵃⴻⴷⴷ, ⵖⴻⴼ ⵍⴻⵃⵙⴰⴱ ⵏ ⵢⵉⵏⴰⴳⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵅⴻⴱⴱⵔⴻⵏⵜ ⵜⵏⴻⴳⴳⵉⵡⵉⵏ ⵏ ⵢⵉⵙⴰⵍⴰⵏ.
ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⵜⵡⴻⵜ, ⵜⴰⵚⴻⴱⵃⵉⵜ ⵏ ⵡⴰⵙⵙ ⵏ ⵍⵃⴻⴷⴷ, ⴰⵎⴰⵣⵉⵔ ⵏ ⵊⵓⵎⴰⵉⵏⴻⵀ ⴷⴻⴳ ⵡⴻⴳⵎⵓⴹ ⵏ ⵚⴻⵏⵄⴰ, ⴷ ⵡⵉⵏ ⴰⵢ ⵢⴻⵜⵜⴻⵡⵜⴻⵏ 7 ⵏ ⵜⵉⴽⴽⴰⵍ, ⵜⴻⵔⵏⴰ ⵜⵡⴻⵜ ⵍⵅⴻⵣⵏⴰ ⵏ ⵍⴻⵙⵍⴰⵃ ⴷ ⵔⵔⵚⴰⵚ ⵏ ⴰⵍ-ⵏⴰⵀⴷⴰⵉⵏ (ⴷⴻⴳ ⵡⴻⵏⵥⵓⵍ), ⴷ ⵡⵉⵏ ⴰⵢ ⴷ-ⵢⴻⵣⴳⴰⵏ ⴷⴻⴳ ⵢⵉⵡⴻⵜ ⵏ ⵜⵉⵖⵉⵍⵜ ⵏⵏⵉⴳ ⵜⵎⴰⵏⴻⵖⵜ, ⴰⵎ ⵡⴰⴽⴽⴻⵏ ⴰⵢ ⵜⵡⴻⵜ ⵍⴻⵇⵚⴻⵔ ⵏ ⵓⵙⴻⵍⵡⴰⵢ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵣⴷⴰⵖⴻⵏ.
ⴰⵎⵎⴰⵙ ⵏ ⵢⴻⵎⴹⴻⴱⴱⵔⴻⵏ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ, ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⴰⵏⴻⵖⵜ ⵢⴻⵔⵏⴰ ⴹⴹⴼⴻⵏⵜ ⵢⵉⵖⴻⵡⵡⴰⵖⴻⵏ, ⵡⵜⴻⵏ-ⵜ ⴷⴰⵖ ⵢⵉⵙⴰⴼⴰⴳⴻⵏ ⵏ ⵜⴻⵎⵙⵉⵙⵉⵜ ⴷⴻⴳ ⵜⴼⴻⵊⵔⵉⵜ ⵏ ⵡⴰⵙⵙ ⵏ ⵍⵃⴻⴷⴷ, ⵢⴻⵔⵏⴰ ⵎⵉ ⵢⴻⵟⵟⴻⵔⴹⴻⵇ, ⵓⵍⴰ ⴷ ⵉⵅⵅⴰⵎⴻⵏ ⴰⵢ ⴷ-ⵉⵇⴻⵔⴱⴻⵏ ⵖⴻⵔ-ⵙ ⵜⵜⵡⴰⵖⴻⵏ, ⵢⴻⵔⵏⴰ ⵔⴻⵡⵍⴻⵏⵜ-ⴷ ⵜⵡⴰⵛⵓⵍⵉⵏ ⵖⴻⵔ ⵢⵉⵣⴻⵏⵇⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⴼⵒ.
ⴰⵟⴰⵙ ⵏ ⵢⵉⴷⴻⴳⴳⴻⵏ ⴰⵢ ⴹⴹⴼⴻⵏ ⵢⵉⵖⴻⵡⵡⴰⵖⴻⵏ ⴷ ⵡⵉⴷ ⵢⴻⴷⴷⴰⵏ ⵢⵉⴷ-ⵙⴻⵏ ⴷⴻⴳ ⵓⴳⴰⴼⴰ ⵏ ⵢⴰⵎⴰⵏ, ⵍⴰⴷⵖⴰ ⴷⴻⴳ ⵜⵏⴻⴱⴹⵉⵢⵉⵏ ⵏ ⵀⴰⵉⵊⴰ, ⴰⵎⵔⴰⵏⴻ ⴷ ⵙⴰⴰⴷⴰ (ⵓⵍ ⵏ ⵜⴻⵎⵏⴰⴹⵜ ⵏ ⵢⵉⵃⵓⵜⵉⵢⴻⵏ) ⴰⵢ ⵢⴻⵜⵜⴻⵡⵜⴻⵏ ⵙ ⵍⵀⴻⵊⴷ ⴷⴻⴳ ⵢⵉⴹ ⴷ ⵜⴼⴻⵊⵔⵉⵜ ⵏ ⵍⵃⴻⴷⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⴰⴳⴰⵏ.
ⴷⴻⴳ ⵡⴻⵏⵥⵓⵍ, ⵉⵙⴰⴼⴰⴳⴻⵏ ⵡⵜⴻⵏ ⴰⵟⴰⵙ ⵙⴻⴳ ⵢⵉⵎⵓⴽⴰⵏ ⴰⵢ ⴹⴹⴼⴻⵏ ⵢⵉⵖⴻⵡⵡⴰⵖⴻⵏ ⴷⴻⴳ ⵢⵉⴳⵎⴰⵏⴻⵏ ⵏ ⴹⴹⴻⵔⴼ ⵏ ⵜⴻⵎⴷⵉⵏⵜ ⵏ ⵄⴰⴷⴻⵏ (ⴷⴻⴳ ⵓⴳⴰⴼⴰ ⴷ ⵓⵜⴰⵔⴰⵎ), ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵏⴰⴱⴰⴹ ⴰⵢ ⵍⴰ ⵉⵄⴻⵔⵔⴹⴻⵏ ⴰⴷ ⵃⴻⴱⵙⴻⵏ ⵜⵉⴷⴷⵉⵜ ⵏ ⵢⵉⵃⵓⵜⵉⵢⴻⵏ ⴷ ⵢⴻⵎⵙⵉⵙⴰⵏ-ⵏⵙⴻⵏ ⴰⴽⴽⴻⵏ ⵓⵔ ⵜⵜⴰⴷⴼⴻⵏ ⴰⵔⴰ ⵖⴻⵔ ⴰⵍ-ⵎⴰⵏⵙⵧⵓⵔⴰ, ⴷⴰⵔ ⵙⴰⴰⴷ, ⵛⵀⴻⵉⴽⵀ ⵧⵜⵀⵎⴰⵏ ⴷ ⴰⵍ-ⴱⵓⵔⴰⵉⵇⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⴼⴰⴷⵀⵍ ⴱⴰⴻⵛⵀ, ⴷ ⵢⵉⵡⴻⵏ ⵙⴻⴳ ⵢⴻⵎⴹⴻⴱⴱⵔⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵢⵉⵖⴰⵍⵍⴻⵏ ⵢⴻⴷⴷⴰⵏ ⴷ ⵓⵏⴰⴱⴰⴹ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⴰⴼⵒ.
« ⵎⵎⵓⵜⴻⵏ ⵢⴻⵔⵏⴰ ⵊⴻⵔⵃⴻⵏ ⴰⵟⴰⵙ ⵏ ⵢⵉⵃⵓⵜⵉⵢⴻⵏ ⴷ ⵢⴻⵎⵙⵉⵙⴰⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ, ⵡⴰⵔ ⵎⴰ ⵜⴻⴱⴷⴻⵔ-ⴷ ⴰⵛⵃⴰⵍ.
