Asebter amenzawi

Tafaska tis 9 n udiwan n Beccaṛ gar 8 d 13 Yunyu

LDZAYER TAMANEƔT – Tamdint n Beccaṛ ad temmager gar 8 d 13 Yunyu Tafaska taɣelnawt tis 9 n uẓawan n udiwan.

Tafaska-a tjebbed-d aṭas n lɣaci ay iḥemmlen aẓawan yerna tettili-d yal aseggas. Tin n useggas-a ad ttekkint deg-s tegrawin seg temnaḍin yemgerraden n tmurt, gar-asent « Djmawi Africa », « Ifriqya Spirit » d « Les Jaristes ».

Tinebgit n yiseɣ deg teẓrigt-a d Tagduda taɛṛabt taṣeḥrawit tamegdayt (Aneẓruf Utrim), yerna d tagrawt taṣeḥrawit n « El Amel » ara ireẓmen tafaska-a deg usarir n Ennasr.

Am deg yiseggasen yezrin, tafaska-a ad d-tili deg-s temsizwert gar 12 n tegrawin n udiwan. Tigrawin-a usant-d seg utaram (lɣerb) n tmurt, seg ugafa n Uneẓruf, seg Qsenṭina, Leblida d temnaḍin niḍen, yerna tid ara d-yezgen deg 3 n yimukan imezwura ad zemrent ad ttekkint deg Tfaska tagraɣlant n uẓawan n udiwan ara d-yilin deg Ldzayer Tamaneɣt seg 25 Yunyu d asawen.

Tafaska-a ad ttekkin deg-s daɣ wid ay irebḥen sendilindi, d tegrawin n temnaḍt-a ay yeqqlen mechuṛit mliḥ ama deg temnaḍt-a, ama anda niḍen, gar-asent tagrawt n « Essed ».

Ad d-ilin daɣ yisaragen ara d-gen yimnadiyen n Wammas aɣelnaw n unadi deg uzarmezruy, tasnemdant d umezruy (CNRPAH) d yisdawanen d timzikkent n wallalen n uẓawan ay sseqdacen deg udiwan.