Asebter amenzawi

CAN-2017 (timliliyin n uɛeddi): ass amezwaru n tegrawt J: taɣlamt taɣelnawt n Ldzayer tebda-d ass-nnes n uḥeṛṛeb wis sin yerna d aneggaru uqbel ma turar d Seychelles

LDZAYER TAMANEƔT – Taɣlamt taɣelnawt tadzayrit n tkurt n uḍar tebda-d, ass n lḥedd, ass-nnes wis sin n wannan deg wammas atekni aɣelnaw n Sidi Musa (tawilayt n Ldzayer) uqbel ma turar d teɣlamt n Seychelles, ass n ssebt deg Leblida (8s30 n tmeddit) deg ukatar n wass amezwaru n tegrawt J i uɛeddi ɣer Teqbuct n Tefriqt n yiɣlanen CAN-2017.

Taɣlamt taɣelnawt n Ldzayer tga annan gar 31 d 4 Yunyu, d win aydeg ttekkan, ladɣa, yimariren la yetturaren deg tmurt.

Deg wannan-a wis sin, asnefran n teɣlamt taɣelnawt, Christian Gourcuff, yeḍḍef 23 n yimariren, gar-asen 7 tturaren deg telɣuɣa n Ldzayer n Temɣunt 1ut.

Umuɣ n 23-a n yimariren d win ayseg ɣaben kra n yimariren uẓwiren am Yacine Brahimi (FC Porto), Djamel Mesbah (Samdoria), Medhi Lacen (Getafe) d uɛessas n yiswi Rais M’bolhi (Philadelphia), d win ay isuɛef usleɣmay, ma d amḥaddi Rafik Halliche (SC Qaṭar) d Abdelmoumen Djabou (Club Africain) atni jerḥen.

Seg yidis niḍen, Gourcuff yeɣra-d i tikkelt tamezwarut i Hichem Belkaroui (Club Africain) d Hocine Benayada (ASM Wehṛan).

Menɣir Seychelles, Ldzayer ad turar daɣ d Ityupya d Lesotho.

Timlilit n uɛeddi tis snat ad tt-turar teɣlamt taɣelnawt ass n 6 Ctembeṛ deg Maseru mgal Lesotho.