ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵍⵎⴻⴷ ⵉ ⵡⵉⴷ ⴰⵔⴰ ⵉⴱⴻⴷⴷⴻⵏ ⵉ ⵢⵉⵎⵓⴹⵉⵏⴻⵏ ⵢⴻⵍⵍⴰⵏ ⴷⴻⴳ ⵡⵓⵙⵓ (ⵜⵉⴷⴷⵓⴽⵍⴰ)

ⵄⵉⵏ ⵜⵉⵎⵓⵛⴻⵏⵜ – ⵜⵉⴷⴷⵓⴽⵍⴰ « ⴻⵍ ⵔⴰⴼⵉⴽ » ⵏ ⴱⵏⵉ ⵚⴰⴼ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⴱⴷⵓ ⴰⵙⵙⵉⵍⴻⵖ ⵉ ⵡⵉⴷ ⴰⵔⴰ ⵉⴱⴻⴷⴷⴻⵏ ⵉ ⵢⵉⵎⵓⴹⵉⵏⴻⵏ ⵢⴻⵍⵍⴰⵏ ⴷⴻⴳ ⵡⵓⵙⵓ ⴷⴻⴳ ⵢⵉⵅⵅⴰⵎⴻⵏ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⵓⴼⴼⵖⴰ ⵉ ⵓⵎⴻⵔⵔⴻⵃ ⵉ ⵍⴼⴰⵢⴷⴰ ⵏ ⵢⵉⵎⵓⴹⵉⵏⴻⵏ ⵖⴻⵔ ⵜⴻⵥⴳⴰ ⵏ ⵛⴰⵎⴻⵔⴰⵜⴰ.

« ⴰⵙⵙⵉⵍⴻⵖ-ⴰ ⴷ ⵡⵉⵏ ⴰⵔⴰ ⵢⴻⵊⵊⴻⵏ 60 ⵙⴻⴳ ⵢⵉⵎⵓⴹⵉⵏⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵉⴷⴷⵓⴽⵍⴰ-ⴰ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵍⴻⵎⵄⴰⵡⵏⴰ ⵏ ⵢⵉⵎⴷⴰⵏⴻⵏ ⴰⵔⴰ ⴰⵙⴻⵏ-ⵉⴱⴻⴷⴷⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴻⵣⴷⴻⴳ, ⴰⵜⵀⴻⵍⵍⵉ ⴷ ⵡⵓⵛⵛⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⵧⵓⵉⵙⵙⵉⴼⵉⴰ, ⵢⴻⵜⵜⴻⴽⴽⴰⵏ ⴷⴻⴳ ⵜⵏⴰⵔⵉⵜ ⵜⴰⵙⵍⴻⴽⵎⴰⵏⵜ ⵏ ⵜⵉⴷⴷⵓⴽⵍⴰ-ⴰ.

ⵜⴰⴼⵔⴻⵎⵍⵉⵜ-ⴰ ⴰⵢ ⵢⴻⵡⵡⵉⵏ ⵜⴰⵙⵜⴰⵖⵜ (ⵍⴰⵏⵜⵔⵉⵜ) ⴰⵜⵜⴰⵏ ⵉⵎⵉⵔ-ⴰ ⴷ ⵜⵓⴼⵔⵉⵏⵜ ⴷⴻⴳ ⵜⵖⵉⵡⴰⵏⵜ ⵏ ⴱⵏⵉ ⵚⴰⴼ, ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵄⵉⵏ ⵜⵉⵎⵓⵛⴻⵏⵜ ⵜⴻⴼⴽⴰ-ⴷ ⵜⵜⴻⵙⵔⵉⵃ-ⵏⵏⴻⵙ ⴰⴽⴽⴻⵏ ⵜⵉⴷⴷⵓⴽⵍⴰ-ⴰ ⴰⴷ ⵜⴻⴳ ⴰⵢⴰ, ⵢⴻⵔⵏⴰ ⴰⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⴰⵏⵎⴻⵜⵜⵉ (ⵛⵏⴰⵙ), ⵜⴰⵖⵉⵡⴰⵏⵜ ⴷ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵏ ⴱⵏⵉ ⵚⴰⴼ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵙⴻⵔⴱⴻⵃ ⵏ ⵓⵙⴻⵏⴼⴰⵔ-ⴰ ⵢⴻⵙⵄⴰⵏ ⴰⵣⴰⵍ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵎⴷⴰⵏⴻⵏ-ⴰ ⴰⵔⴰ ⵉⴱⴻⴷⴷⴻⵏ ⵉ ⵢⵉⵎⵓⴹⵉⵏⴻⵏ ⵢⴻⵍⵍⴰⵏ ⴷⴻⴳ ⵡⵓⵙⵓ ⴷ ⵉⵡⵉⵣⵉⵡⴻⵏ, ⵢⴻⵔⵏⴰ ⴰⵍⵎⴰⴷ-ⵏⵙⴻⵏ ⴰⴷ ⵢⴻⴹⴹⴻⴼ ⴳⴰⵔ 8 ⴷ 12 ⵏ ⵡⴰⵢⵢⵓⵔⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵏ-ⵢⴻⵊⵊ ⴰⴷ ⴱⴻⴷⴷⴻⵏ ⵉ ⵢⵉⵎⵓⴹⵉⵏⴻⵏ ⵓⵔ ⵢⴻⵣⵎⵉⵔⴻⵏ ⴰⵔⴰ ⴰⴷ ⵏⴻⴽⵔⴻⵏ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ, ⵢⴻⵔⵏⴰ ⵜⴻⵔⵏⴰ-ⴷ ⴷⴰⴽⴽⴻⵏ ⴰⵙⵙⵉⵍⴻⵖ-ⴰ ⵢⴻⵍⵍⴰ ⴷⴰⵖ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵡⴻⵀⵕⴰⵏ.