ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵡⴻⵍⴷ ⵅⵍⵉⴼⴰ ⵢⴻⵜⵜⴻⵔ ⵙⵖⴻⵔ ⵓⵙⴻⵍⵡⴰⵢ ⵏ ⵜⴻⵔⴱⴰⵄⵜ ⵏ ⵜⵉⴷⴷⵓⴽⴽⵍⴰ ⵜⴰⵎⴰⵜⵓⵜ ⵏ ⵍ’ⵧⵏⵓ ⴰⴷ ⵍⴻⵣⵎⴻⵏⵜ ⴰⵟⴻⴱⴱⴻⵇ ⵏ ⵢⵉⵙⴻⵏⴷⴰⵀ ⵏ ⴷⴷⵡⴻⵍ ⴰ ⵜ-ⵉⴹⴻⴼⴼⵕⴻⵏ
ⵍⴻⵣⵣⴰⵢⴻⵔ - ⵢⴻⵜⵜⴻⵔ ⵓⵙⴻⵍⵡⴰⵓ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵎⴰⵙⵙ ⵎⵓⵃⴰⵎⴻⴷ ⴰⵍⵄⴰⵔⴱⵉ ⵡⴻⵍⴷ ⵅⵍⵉⴼⴰ ⴰⵙⵙ-ⴰ ⵏ ⵍⵃⴻⴷⴷ ⴷⵉ ⴷⵣⴰⵢⴻⵔ ⵜⴰⵎⴰⵏⴻⵖⵜ ⵙⵖⴻⵔ ⵓⵙⴻⵍⵡⴰⵢ ⵏ ⵜⴻⵔⴱⴰⵄⵜ ⵏ ⵜⵉⴷⴷⵓⴽⴽⵍⴰ ⵜⴰⵎⴰⵜⵓⵜ ⵏ ⵍ’ ⵧⵏⵓ ⵎⴰⵙⵙ ⵙⴰⵎ ⴽⵓⵜⴻⵙⴰ ⴽⴰⵀⴰⵎⴱⴰ ⴰⴷ ⵅⴻⴷⵎⴻⵏ ⵍⴻⵊⵀⵓⴷ ⵄⴻⵔⵔⴻⵎⴻⵏ ⵢⴻⵍⵍⴰⵏ ⴰⴷ ⵍⴻⵣⵎⴻⵏⵜ ⴰⵟⴻⴱⴱⴻⵇ ⵏ ⵢⵉⵙⴻⵏⴷⴰⵀ ⵏ ⴷⴷⵡⴻⵍ ⴰ ⵜ-ⵉⴹⴻⴼⴼⵕⴻⵏ ⵙ ⵍⴻⵅⵚⵓⵚ ⵜⵉⵎⵙⴰⵍⵉⵏ ⵏ ⴼⴰⵍⴰⵙⵟⵉⵏ ⴷ ⵚⵚⴻⵃⵔⴰ ⵜⴰⴹⴻⵀⵕⵉⵜ ⵡⴰⵢ ⴰⵎⴻⴽ ⵉ ⴷ-ⵢⵓⵙⴰ ⴷⴻⴳ ⵡⴰⵍⵖⵓ ⵏ ⵓⵙⴻⵇⵇⴰⵎⵓ.
ⵎⴰⵙⵙ ⵎⵓⵃⴰⵎⴻⴷ ⴰⵍⵄⴰⵔⴱⵉ ⵡⴻⵍⴷ ⵅⵍⵉⴼⴰ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵉⴷ ⵏ ⵎⴰⵙⵙ ⵙⴰⵎ ⴽⵓⵜⴻⵙⴰ ⴽⴰⵀⴰⵎⴱⴰ « ⵉⵡⴻⴽⴽⴻⴷ ⵖⴻⴼ ⵓⵙⴻⵏⵏⴻⴷ ⵏ ⴷⵣⴰⵢⴻⵔ ⵖⴻⵔ ⵢⵉⵎⴻⵏⵣⴰ ⵏ ⵡⴻⵏⵜⵀⴰⵍⵍⵉ ⴷ ⵓⵇⴰⴷⴻⵔ ⴷ ⵓⵟⴻⴱⴱⴻⵇ ⵏ ⵉⵙⴻⵏⵏⴷⴰⵀ ⵏ ⵍ’ⵧⵏⵓⵙ ⵍⴻⵅⵚⵓⵚ ⵜⴰⵎⵙⴰⵍⵜ ⵏ ⴼⴰⵍⴰⵙⵟⵉⵏ ⴷ ⵓⵙⴻⵔⴳⵉ ⵏ ⵍⵉⵙⵜⵉⵄⵎⴰⵔ ⵙⴻⴳ ⵚⵚⴰⵃⵕⴰ ⵜⴰⴹⴻⵀⵕⵉⵜ ⴰⵔⵏⵉ ⵜⵎⵓⵜⵔⵉ ⵏ ⴷⵣⴰⵢⴻⵔ ⴰⴷ ⵜⵉⵍⵉ ⵜⴻⵙⵖⵉⵎⵉⵜ ⵜⵓⵏⵚⵉⴱⵜ ⵉ ⵜⴰⵎⴰ ⵏ ⵜⴻⴼⵔⵉⵇⵜ ⴷⴻⴳ ⵓⵙⴻⵇⵇⴰⵎⵓ ⵏ ⵍⴰⵎⴰⵏ ».
ⵙⴻⴳ ⵓⵖⵉⵔ-ⵏⵏⴻⵙ ⵉⵡⴻⴽⴽⴻⴷ ⵓⵙⴻⵍⵡⴰⵢ ⵏ ⵜⴻⵔⴱⴰⵄⵜ ⵏ ⵜⵉⴷⴷⵓⴽⴽⵍⴰ ⵜⴰⵎⴰⵜⵓⵜ ⵏ ⵍ’ⵧⵏⵓ « ⴱⴻⵍⵍⵉ ⴰⵖⵔⴻⴼ ⵏ ⵚⵚⴰⵃⵕⴰ ⵜⴰⴹⴻⵀⵕⵉⵜ
ⵖⴻⵔ-ⵙ ⴰⵣⵔⴻⴼ ⴰⴷ ⵢⴻⵚⴽⴰ ⵜⴰⵎⴻⴷⴷⵓⵔⵜ-ⵏⵏⴻⵙ ⴱⵍⴰ ⵎⴰ ⵀⴰⴷ ⵢⴻⵜⵜⵓ ⵉⵙⵓⵔⴰⴼ ⴰ ⵜⴻⵅⴷⴻⵎ ⴷⵣⴰⵢⴻⵔ ⴷⴻⴳ ⵓⵙⴻⵖⵎⵉ ⴷ ⵓⵙⴻⴳⴷⴻⵔ ⵏ ⵎⴻⵏⵏⴰⵡⵜ ⵏ ⵢⴻⵃⵔⵉⵛⴻⵏ ⵙ ⵍⴻⵅⵚⵓⵚ ⵜⴰⴷⴰⵎⵙⴰ ⴷ ⵜⴻⵣⵎⴻⵔⵜ ⴷ ⵜⴻⵎⵏⴰⵟ».
