ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵉⴱⵢⴰ: ⵎⵎⵓⵜⴻⵏ 4 ⵏ ⵢⵉⵎⴷⴰⵏⴻⵏ ⵙⴷⴻⴼⴼⵉⵔ ⵢⵉⵡⴻⵜ ⵏ ⵜⵓⵎⵎⵖⴰ ⵏ ⴷⴰⵄⴻⵛ ⴷⴻⴳ ⵎⴻⵙⵔⴰⵟⴰ
ⵟⵔⴰⴱⵍⴻⵙ – 4 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵊⴻⵔⵃⴻⵏ 3 ⵏⵉⴹⴻⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵎⴻⵙⵔⴰⵟⴰ, ⴷⴻⴳ ⵓⵜⴰⵔⴰⵎ (ⵍⵖⴻⵔⴱ) ⵏ ⵍⵉⴱⵢⴰ, ⴷⴻⴳ ⵢⵉⵡⴻⵜ ⵏ ⵜⵓⵎⵎⵖⴰ ⵖⴻⴼ ⵡⴰⴷⴰⴼ ⵏ ⵜⴻⵎⴷⵉⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⴷⵉⴳⴰⵏⵜ.
« ⴽⵓⵥ (4) ⵏ ⵢⵉⵎⴻⴳⴳⵉⵢⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⵢ ⵢⴻⵜⵜⵡⴻⵏⵖⴻⵏ ⵢⴻⵔⵏⴰ ⵊⴻⵔⵃⴻⵏ 3 ⴷⴻⴳ ⵢⵉⵡⴻⵜ ⵏ ⵜⵓⵎⵎⵖⴰ ⵜⵉⵎⵙⴻⵍⵍⴻⵃⵜ ⴷ-ⵢⴻⵍⵍⴰⵏ ⵙⵖⵓⵔ ⵜⴻⴳⵔⴰⵡⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⵉ » (ⴷⴰⵄⴻⵛ) ⵎⴳⴰⵍ ⵜⴻⵡⵡⵓⵔⵜ ⵏ ⴰⴱⵓ ⴳⵔⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵓⵙⴻⵇⵇⴰⵎⵓ ⴰⴷⵉⴳⴰⵏ ⵏ ⵎⴻⵙⵔⴰⵟⴰ.
« ⵉⵙⴰⵍⴰⵏ ⵉⵎⴻⵣⵡⵓⵔⴰ ⴽⴻⵛⴼⴻⵏ-ⴷ ⴷⴰⴽⴽⴻⵏ ⵉⵔⴳⴰⵣⴻⵏ-ⴰ ⵉⵎⵙⴻⵍⵍⵃⴻⵏ ⴰⵢ ⵢⴻⵎⵎⵖⴻⵏ ⵖⴻⴼ ⵜⴻⵡⵡⵓⵔⵜ (ⵏ ⵜⴻⵎⴷⵉⵏⵜ) ⵓⵙⴰⵏ-ⴷ ⴷⴻⴳ ⵙⵏⴰⵜ ⵏ ⵜⴽⴻⵕⵕⵓⵙⵉⵏ. ⵇⴻⵔⵔⵙⴻⵏ ⵖⴻⴼ ⵢⵉⵎⴻⴳⴳⵉⵢⴻⵏ ⵏ ⵜⵖⴻⵍⵍⵉⵙⵜ, ⵙⴰⴽⴽⵉⵏ ⵔⴻⵡⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵎⴻⵙⵔⴰⵟⴰ ⵎⵎⵖⴻⵏ-ⴷ ⵢⴰⴳⵉ ⴼⴻⵍⵍ-ⴰⵙ ⴰⵛⵃⴰⵍ ⴷ ⵜⵉⴽⴽⴻⵍⵜ ⵢⵉⵎⵙⴻⵍⵍⵃⴻⵏ ⵏ ⵓⵡⴰⵏⴰⴽ ⵉⵙⵍⴰⵎⵉ. ⴷⴷⵓⵕⵜ ⵢⴻⵣⵔⵉⵏ, ⵎⵎⵓⵜⴻⵏ 5 ⵢⴻⵔⵏⴰ ⵊⴻⵔⵃⴻⵏ 6 ⵏ ⵢⵉⵎⴷⴰⵏⴻⵏ ⵎⵉ ⴷ-ⵜⴻⵍⵍⴰ ⵢⵉⵡⴻⵜ ⵏ ⵜⴻⵏⵟⴰⴳⵜ-ⵜⴰⵏⵖⵉⵎⴰⵏⵜ ⴷⴻⴳ ⵡⴰⴷⴰⴼ ⵓⵜⵔⵉⵎ (ⴰⵖⴻⵔⴱⵉ) ⵏ ⵜⴻⵎⴷⵉⵏⵜ-ⴰ.
ⵍⵉⴱⵢⴰ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⴰⴽⴽ ⴰⵢ ⴷ-ⵉⵅⴻⴷⴷⵎⴻⵏ ⴰⵒⵉⵜⵕⵓⵍ, ⵢⴻⵔⵏⴰ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵎⵧⵓⴰⵎⵎⴰⵔ ⴻⵍ ⴳⵓⴻⴷⴷⴰⴼⵉ, ⴷⴻⴼⴼⵉⵔ ⵛⵛⵡⴰⵍ-ⵏⵏⵉ ⵏ 2011, ⵜⴰⵎⵓⵔⵜ-ⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵢⵉⵍⵉ ⴷⴻⴳ-ⵙ ⵓⴱⴻⴷⴷⴻⵍ ⵡⴰⵔ ⵛⵛⵡⴰⵍ.
