ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1ⵓⵜ/ⵎⵛⴻ ⵍⵄⴻⵍⵎⴰ: « ⵓⵔ ⴰⵖ-ⴷ-ⵢⴻⵡⵡⵉⴹ ⴰⵔⴰ ⴰⴽⴽ ⴽⵔⴰ ⵏ ⵓⵙⵙⵓⵎⴻⵔ ⵖⴻⴼ ⴷⴻⵔⵔⴰⵔⴷⵊⴰ » (ⴰⵙⴻⵍⵡⴰⵢ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵓⵄⴹⵉⵍ ⴰⴱⴷⴻⵔⵔⴰⵣⴰⴰⴽ ⵀⴰⵔⴽⴰⵜ ⵏ ⵎⵛ ⵍⵄⴻⵍⵎⴰ (ⴰⵢ ⵢⵓⴷⵔⴻⵏ ⵖⴻⵔ ⵜⴻⵎⵖⵓⵏⵜ ⵜⵉⵙ 2 ⵜⴰⵎⵙⴰⴷⵓⵔⵜ ⵏ ⵜⴽⵓⵔⵜ ⵏ ⵓⴹⴰⵔ) ⵢⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴰⴽⴽⴻⵏ ⵜⴰⵎⴻⵀⵍⴰ-ⵏⵏⴻⵙ ⵓⵔ ⵜⵜ-ⵉⴷ-ⵢⴻⵡⵡⵉⴹ ⴰⵔⴰ ⴰⴽⴽ ⴽⵔⴰ ⵏ ⵓⵙⵙⵓⵎⴻⵔ ⵖⴻⴼ ⵜⵓⴽⵛⵉ ⵏ ⵓⵎⴻⵏⵟⴰⴳ-ⵏⵏⴻⵙ, ⵡⴰⵍⵉⴷ ⴷⴻⵔⵔⴰⵔⴷⵊⵉⴰ.

« ⵜⴰⵙⵡⵉⵄⵜ-ⴰ, ⵓⵔ ⴷ-ⵏⴻⴹⴹⵉⴼ ⴰⵔⴰ ⴽⵔⴰ ⵏ ⵓⵙⵙⵓⵎⴻⵔ, ⴰⵎⴰ ⵙⴻⴳ ⵙⴷⴰⵅⴻⵍ ⵏ ⵜⵎⵓⵔⵜ, ⴰⵎⴰ ⵙⴻⴳ ⵓⵣⵖⴰⵔ, ⴰⴽⴽⴻⵏ ⴰⴷ ⴰⵙ-ⵏⴱⴻⴷⴷⴻⵍ ⵜⴰⵖⵍⴰⵎⵜ ⵉ ⵡⴰⵍⵉⴷ ⴷⴻⵔⵔⴰⵔⴷⵊⴰ. ⴰⵎⴰⵔⵉⵔ-ⴰ ⵎⴰⵣⴰⵍ-ⵉⵜ ⵢⵉⴷ-ⵏⴻⵖ ⴰⵔⵎⴰ ⵉⴱⴰⵏ-ⴷ ⴽⵔⴰ ⵏ ⵓⵎⴰⵢⵏⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵀⴰⵔⴽⴰⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⴷⴻⵔⵔⴰⵔⴷⵊⴰ (24 ⵏ ⵢⵉⵙⴻⴳⴳⴰⵙⴻⵏ) ⵢⵓⵔⴰⵔ ⴰⴽⴽⴻⵏ ⵉⴳⴻⵔⵔⴻⵣ ⴷⴻⴳ ⵜⵙⴻⵎⵀⵓⵢⵜ ⵏ ⵓⵙⴻⴳⴳⴰⵙ-ⴰ ⵖⴻⵔ ⵍⵄⴻⵍⵎⴰ, ⵢⴻⵔⵏⴰ ⴷ ⵏⴻⵜⵜⴰ ⴰⵢ ⵢⴻⵙⵙⴰⴷⴼⴻⵏ ⴰⵟⴰⵙ ⴰⴽⴽ ⵏ ⵢⴻⵙⵡⴰⵏ ⴷⴻⴳ ⵜⴻⵎⵖⵓⵏⵜ 1ⵓⵜ (16 ⵏ ⵢⴻⵙⵡⴰⵏ), ⴷⵖⴰ ⴷ ⴰⵢⴰ ⴰⵢ ⵜ-ⵢⴻⵊⵊⴰⵏ ⴰⴷ ⴰⵙ-ⴷ-ⵖⵔⴻⵏ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⴰⵏⵏⴰⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ (ⵙⴻⴳ 31 ⵎⴰⵢⵓ ⵖⴻⵔ 4 ⵢⵓⵏⵢⵓ).

« ⵉⵎⵉ ⵓⵍⴰⵛ ⴷ ⴰⵛⵓ ⴰⵢ ⴷ-ⵢⴻⵡⵡⴹⴻⵏ ⵜⴰⵖⵍⴰⵎⵜ, ⵓⵔ ⵣⵎⵉⵔⴻⵖ ⴰⴷ ⴷ-ⵉⵏⵉⵖ ⴰⵛⴻⵎⵎⴰ ⵖⴻⴼ ⵓⵣⴻⴽⴽⴰ ⵏ ⴷⴻⵔⵔⴰⵔⴷⵊⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵊⵊⴰ ⵜⴰⵡⵡⵓⵔⵜ ⵜⴻⵔⵥⴻⵎ ⵉ ⵕⵕⵡⴰⵃ ⵏ ⵓⵎⴰⵔⵉⵔ-ⴰ ⵖⴻⵔ ⵜⴻⵖⵍⴰⵎⵜ ⵏⵉⴹⴻⵏ. ⵢⵓⵖ ⵍⵃⴰⵍ, ⴷ ⴷⴻⵔⵔⴰⵔⴷⵊⴰ ⴰⵢ ⴷ ⵉⵎⵙⴻⴽⵛⴻⵎ ⵉⵎⵅⴻⵢⵢⴻⵔ ⴰⴽⴽ ⵏ ⵢⴻⵙⵡⴰⵏ ⴷⴻⴳ ⵍⴷⵣⴰⵢⴻⵔ.

ⴳⴰⵔ ⵜⴻⵖⵍⴰⵎⵉⵏ ⴰⵢ ⵢⴻⴱⵖⴰⵏ ⴰⴷ ⴰⵡⵉⵏⵜ ⴷⴻⵔⵔⴰⵔⴷⵊⴰ, ⵜⴻⵍⵍⴰ ⵎⵛ ⵍⴷⵣⴰⵢⴻⵔ ⴰⵢ ⵢⴻⴱⵖⴰⵏ ⴰⴷ ⵜⵚⴻⵔⵔⴻⴼ ⵉⴷⵔⵉⵎⴻⵏ ⴷ ⵉⵎⴻⵇⵔⴰⵏⴻⵏ ⴰⴽⴽⴻⵏ ⴰⴷ ⴷ-ⵜⴰⵡⵉ ⴰⵎⴰⵔⵉⵔ-ⴰ ⴰⵇⴱⵓⵔ ⵏ ⵏⴰ ⵃⵓⵙⵉⵏ ⴷⴰⵢ, ⴰⵢ ⴷ-ⵎⴰⵣⴰⵍ ⵢⴻⵙⵄⴰ ⵍⴻⵄⵇⴻⴷ ⴷ ⵎⵛ ⵍⵄⴻⵍⵎⴰ ⴰⵔⵎⴰ ⴷ 2016.

ⴰⵎⴰⵔⵉⵔ-ⴰ, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵔ ⵢⴻⴱⵖⵉ ⴰⵔⴰ ⴰⴷ ⵢⵓⵔⴰⵔ ⴷⴻⴳ ⵜⴻⵎⵖⵓⵏⵜ ⵜⵉⵙ 2, ⵢⴻⵔⵏⴰ ⵢⴻⵙⵎⴻⵏⵢⴰⴼ ⴰⴷ ⵢⴻⵙⵄⵓ ⴰⵥⴰⵢⴻⵔ ⴷ ⴰⴳⵔⴰⵖⵍⴰⵏ.

ⵎⵛ ⵍⵄⴻⵍⵎⴰ ⵜⴻⵔⵔⴰ-ⴷ ⵛⵀⴻⵔⵉⴼ ⵀⴰⴷⵊⴰⵔ ⴷ ⴰⵙⵍⴻⵖⵎⴰⵢ ⴷⴻⴳ ⵡⴻⵎⴽⴰⵏ ⵏ ⵓⴼⵕⴻⵏⵙⵉⵙ ⵊⵓⵍⴻⵙ ⴰⵛⵛⵧⵔⵙⵉ, ⵢⴻⵔⵏⴰ ⴰⵏⴻⴳⴳⴰⵔⵓ-ⴰ ⵔⵔⴰⵏ-ⵜ ⴷ ⴰⵏⴻⵎⵀⴰⵍ ⴰⵜⴻⴽⵏⵉ ⴰⵏⴰⴷⴷⴰⵍ.

ⵎⵛ ⵍⵄⴻⵍⵎⴰ ⵜⴻⵙⵙⴰⵡⴻⴹ ⴰⴷ ⵜⵄⴻⴷⴷⵉ ⴷⴻⴳ ⵓⵃⵔⵉⵛ ⵏ ⵜⴻⴳⵔⴰⵡⵉⵏ ⴷⴻⴳ ⵜⴻⵎⵖⵓⵏⵜ ⵏ ⵢⴻⵍⵖⵓⵖⴻⵏ ⵢⴻⵔⵏⴰ ⴰⴷ ⵜⵓⵔⴰⵔ ⴷⴻⴳ ⵜⴻⴳⵔⴰⵡⵜ ⴱ ⵖⴻⵔ ⵜⴰⵎⴰ ⵏ ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⵉⴷⵣⴰⵢⵔⵉⵢⵉⵏ ⵏⵉⴹⴻⵏ, ⴻⵙ ⵙⴹⵉⴼ (ⴰⵢ ⵉⵔⴻⴱⵃⴻⵏ ⴰⵙⴻⴳⴳⴰⵙ-ⴰ) ⴷ ⵓⵙⵎ ⵍⴷⵣⴰⵢⴻⵔ, ⵎⴰ ⴷ ⵜⴰⵖⵍⴰⵎⵜ ⵜⵉⵙ 4 ⴷⴻⴳ ⵜⴻⴳⵔⴰⵡⵜ-ⴰ ⴷ ⴰⵍ-ⵎⴰⵔⵔⴻⵉⴽⵀ ⵏ ⵙⵓⴷⴰⵏ.

ⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵏ ⵍⵄⴻⵍⵎⴰ ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ-ⵏⵙⴻⵏ ⵜⴰⵎⴻⵣⵡⴰⵔⵓⵜ ⴷⴻⴳ ⵙⵓⴷⴰⵏ ⵎⴳⴰⵍ ⴰⵍ-ⵎⴰⵔⵔⴻⵉⴽⵀ, ⴷ ⵜⵉⵎⵍⵉⵍⵉⵜ ⴰⵔⴰ ⴷ-ⵢⵉⵍⵉⵏ ⴳⴰⵔ 26 ⴷ 28 ⵢⵓⵏⵢⵓ.