ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵏ ⵢⴰⵎⴰⵏ: ⴰⵙⴻⵍⵡⴰⵢ ⵀⴰⴷⵉ ⵢⴻⵏⵏⴰ-ⴷ ⵓⵍⴰⵛ ⴰⵎⵙⵓⵖⴰⵍ ⴷ ⵢⵉⵃⵓⵜⵉⵢⴻⵏ ⴷⴻⴳ ⴳⴻⵏⴻⵠⴻ
ⴷⵓⴱⴰⵢ – ⴰⵙⴻⵎⵡⴰⵢ ⴰⵢⴰⵎⴰⵏⵉ ⵉⵎⴻⵏⵏⴻⵊⵍⵉ, ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ, ⵢⴻⵏⵏⴰ-ⴷ ⴷⴰⴽⴽⴻⵏ ⵓⵔ ⵢⴻⵇⴱⵉⵍ ⴰⵔⴰ ⴰⵎⵙⵓⵖⴰⵍ ⴻⴷ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⴷⴻⴳ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴰⵢ ⵙⵙⴻⴼⵔⴰⵏ ⴰⴷ ⴷ-ⵉⵍⵉⵏⵜ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⴷ ⴰⵙⴰⵡⴻⵏ ⴷⴻⴳ ⴳⴻⵏⴻⵠⴻ ⴷⴷⴰⵡ ⵍⴻⵄⵏⴰⵢⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⵓⵔ ⵜⵜⵉⵍⵉⵏⵜ ⴰⵔⴰ ⵍⴻⵎⵛⴰⵡⵕⴰⵜ. ⴰⴷ ⴷ-ⵢⵉⵍⵉ ⴽⴰⵏ ⵡⴰⵡⴰⵍ ⵖⴻⴼ ⵡⴰⵎⴻⴽ ⴰⵔⴰ ⵜⴻⵜⵜⵡⴰⵙⵙⴻⴼⵄⴻⵍ ⵜⵏⴻⵖⵜⵓⵙⵜ 2216 ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵉⵎⴻⵏⵏⴻⵊⵍⵉ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⴷⴻⴳ ⵢⵉⵡⴻⵜ ⵏ ⵜⴷⵉⵡⴻⵏⵏⵉⵜ ⴰⵢ ⴷ-ⵙⵄⴻⴷⴷⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴻⵔⴳⴰ ⵏ ⵜⵍⵉⵥⵔⵉ ⵏ ⵓⴳⴻⵏⵙⴰ ⴰⵍ-ⴰⵔⴰⴱⵉⵢⴰ.
ⴰⵏⴰⴱⴰⴹ ⵉⵎⴻⵏⵏⴻⵊⵍⵉ ⵏ ⵎⴰⵙⵙ ⵀⴰⴷⵉ ⴷ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵡⴻⴽⴽⴷⴻⵏ-ⴷ ⴷⴰⴽⴽⴻⵏ ⴰⴷ ⵜⵜⴻⴽⴽⵉⵏ, ⵍⴻⵎⵎⴻⵔ ⴷ ⵍⴻⴱⵖⵉ ⵡⴰⵔ ⵛⵛⴻⵔⴹ, ⴷⴻⴳ ⵍⴻⵎⵛⴰⵡⵕⴰⵜ ⵏ ⴳⴻⵏⴻⵠⴻ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⴼⴰⴽⴻⵏ ⵜⴰⵍⵓⴼⵜ ⴷⴻⴳ ⵜⵎⵓⵔⵜ-ⵏⵙⴻⵏ.
ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵎⴰ ⵢⴻⵍⵍⴰ ⵍⴻⵎⵛⴰⵡⵕⴰⵔ ⵏ ⴳⴻⵏⴻⵠⴻ ⴰⴷ ⴷ-ⵃⴰⵣⴻⵏⵜ ⴰⵎⵙⵓⵖⴰⵍ ⴷ ⵢⵉⵃⵓⵜⵉⵢⴻⵏ, ⵎⴰⵙⵙ ⵀⴰⴷⵉ ⵢⴻⵏⵏⴰ-ⴷ: « ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⴰⴽⴽ ⵡⴰⵢⴰ ».
ⵜⴰⵏⴻⵖⵜⵓⵙⵜ 2216 ⴰⵢ ⵉⵄⴻⴷⴷⴰⵏ ⴷⴻⴳ ⵢⴻⴱⵔⵉⵔ, ⵜⵃⴻⵜⵜⴻⵎ-ⴷ ⵜⴰⵃⵕⴰⵙⵜ ⵏ ⵍⴻⵙⵍⴰⵃ ⵖⴻⴼ ⵢⵉⵖⴻⵡⵡⴰⵖⴻⵏ, ⵜⴻⵛⵔⴻⴹ-ⴷ ⴰⵊⴱⴰⴷ ⵏ ⵢⴻⵎⵙⴻⵍⵍⵃⴻⵏ ⵙⴻⴳ ⵡⴰⴽⴽ ⵜⵉⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴹⴹⴼⴻⵏ, ⵢⴻⵔⵏⴰ ⴰⴷ ⴷ-ⵔⵔⴻⵏ ⴰⴽⴽ ⵍⴻⵙⵍⴰⵃ ⴰⵎⴰⵥⴰⵢ ⴰⵢ ⴹⴹⴼⴻⵏ.
ⵉⵃⵓⵜⵉⵢⴻⵏ ⴱⴷⴰⵏ-ⴷ ⵉⵎⴻⵏⵖⵉ-ⵏⵙⴻⵏ ⵙⴻⴳ ⵙⴰⵄⴷⴰ (ⵓⵍ ⵏ ⵜⴻⵎⵏⴰⴹⵜ-ⵏⵙⴻⵏ) ⴷⴻⴳ ⵛⵜⴻⵎⴱⴻⵕ ⵏ 2014, ⵢⴻⵔⵏⴰ ⴹⴹⴼⴻⵏ ⵜⴰⵎⴰⵏⴻⵖⵜ ⵚⴻⵏⵄⴰ, ⵙⴰⴽⴽⵉⵏ, ⴹⴹⴼⴻⵏ ⵜⵉⵎⵏⴰⴹⵉⵏ ⴷ ⵜⵉⵎⴻⵇⵔⴰⵏⵉⵏ ⴷⴻⴳ ⵓⴳⴰⴼⴰ ⴷ ⵓⵜⴰⵔⴰⵎ (ⵍⵖⴻⵔⴱ) ⴷ ⵜⵍⴻⵎⵎⴰⵙⵜ ⵏ ⵜⵎⵓⵔⵜ, ⵓⵇⴱⴻⵍ ⵎⴰ ⴱⴷⴰⵏ ⵜⵉⴷⴷⵉⵜ-ⵏⵙⴻⵏ ⵖⴻⵔ ⵡⴻⵏⵥⵓⵍ. ⴷ ⴰⵢⴰ ⴰⵢ ⵢⴻⵊⵊⴰⵏ ⵎⴰⵙⵙ ⵀⴰⴷⵉ ⴰⴷ ⵢⴻⵔⵡⴻⵏ ⵙⴻⴳ ⵄⴰⴷⴻⵏ (ⴷⴻⴳ ⵡⴻⵏⵥⵓⵍ) ⴰⵏⴷⴰ ⴰⵢ ⵢⴻⵍⵍⴰ ⴷ ⴰⵣⵔⴰⵣⴰⵖ, ⵢⴻⵔⵏⴰ ⵢⴻⵏⵏⴻⵊⵍⵉ ⵖⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.
ⵉⵎⵉⵔ-ⵏⵏⵉ, ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ ⵜⴻⵙⵙⴻⴱⴷⴻⴷ-ⴷ ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⵢⴻⵔⵏⴰ ⵜⵉⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⵉⵙⵉⵜ-ⴰ ⴱⴷⴰⵏⵜ-ⴷ ⵙⴻⴳ 26 ⵎⴻⵖⵔⴻⵙ ⴷ ⴰⵙⴰⵡⴻⵏ ⵢⵉⵡⴻⵜ ⵏ ⵜⵃⴻⵎⵍⴰ ⵏ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵖⴻⵡⵡⴰⵖⴻⵏ. ⵜⵉⵢⵉⵜⵉⵡⵉⵏ-ⴰ ⵄⴰⵡⵏⴻⵏ-ⵜⴻⵏⵜ ⴷⴰⵖ ⵢⵉⵙⴻⵔⴷⴰⵙⴻⵏ ⵉⵢⴰⵎⴰⵏⵉⵢⴻⵏ ⵢⴻⴷⴷⴰⵏ ⴷ ⵀⴰⴷⵉ, ⴰⴽⴽⴻⵏ ⴰⴷ ⵃⴻⴱⵙⴻⵏ ⵉⵃⵓⵜⵉⵢⴻⵏ ⵢⴻⵔⵏⴰ ⵓⵔ ⵜⴻⵏ-ⵜⵜⴰⵊⵊⴰⵏ ⴰⵔⴰ ⴰⴷ ⴹⴹⴼⴻⵏ ⴰⴽⴽ ⴰⴽⴰⵍ ⵏ ⵢⴰⵎⴰⵏ.
