ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⵓⵔⵜ ⵏ ⵓⴹⴰⵔ: ⴱⴻⵏⵜⴰⵍⴻⴱ ⴱⵖⴰⵏⵜ ⴰⴷ ⵜ-ⴰⵡⵉⵏⵜ ⵍⵉⵠⴻⵔⵒⵧⵧⵍ ⴷ ⵎⴰⵏⵛⵀⴻⵙⵜⴻⵔ ⵛⵉⵜⵢ (ⵜⵀⴻ ⵙⵓⵏ)

ⵍⵧⵏⴷⵧⵏ – ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⴰⵏⴳⵍⵉⵣⵉⵢⵉⵏ ⵏ ⵜⴻⵎⵖⵓⵏⵜ 1ⵓⵜ (ⵒⵔⴻⵎⵉⴻⵔ ⵍⴻⴰⴳⵓⴻ) ⵏ ⵜⴽⵓⵔⵜ ⵏ ⵓⴹⴰⵔ, ⵍⵉⵠⴻⵔⵒⵧⵧⵍ ⴷ ⵎⴰⵏⵛⵀⴻⵙⵜⴻⵔ ⵛⵉⵜⵢ, ⴰⵢ ⵢⴻⴱⵖⴰⵏ ⴰⴷ ⴰⵡⵉⵏⵜ ⴰⵍⴻⵎⵎⴰⵙ ⴰⴳⵔⴰⵖⵍⴰⵏ ⵏⴰⴱⵉⵍ ⴱⴻⵏⵜⴰⵍⴻⴱ (ⵏ ⵜⵧⵜⵜⴻⵏⵀⴰⵎ) ⴰⴽⴽⴻⵏ ⴰⴷ ⵢⵓⵔⴰⵔ ⵖⴻⵔ-ⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵡⴻⵖⵎⵉⵙ ⴰⵏⴳⵍⵉⵣⵉ ⵏ ⵜⵀⴻ ⵙⵓⵏ.

ⵍⵉⵠⴻⵔⵒⵧⵧⵍ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⵙⵙⵓⵎⴻⵔ 10 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⴰⴽⴽⴻⵏ ⴰⴷ ⴰⵙ-ⴷ-ⵢⴻⵜⵜⵓⵏⴻⴼⴽ ⵓⵎⴰⵔⵉⵔ-ⴰ ⴰⴷⵣⴰⵢⵔⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵖⵎⵉⵙ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⵍⴻⵖⵎⴰⵢ ⵏ ⵍⵉⵠⴻⵔⵒⵧⵧⵍ, ⴱⵔⴻⵏⴷⴰⵏ ⵔⵧⴷⴳⴻⵔⵙ, ⵢⴻⴱⵖⴰ ⴰⴷ ⵢⵓⵔⴰⵔ ⴱⴻⵏⵜⴰⵍⴻⴱ ⵖⴻⵔ ⵢⵉⴷⵉⵙ ⵏ ⵊⴰⵎⴻⵙ ⵎⵉⵍⵏⴻⵔ ⴰⵢ ⴷ-ⵡⵡⵉⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⵔ ⵜⴻⵖⵍⴰⵎⵜ-ⴰ ⵙⴻⴳ ⵎⴰⵏⵛⵀⴻⵙⵜⴻⵔ ⵛⵉⵜⵢ.

ⵉⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵜ ⵏ ⵍⵉⵠⴻⵔⵒⵧⵧⵍ ⴱⵖⴰⵏ ⴰⴷ ⴼⴰⵕⵙⴻⵏ ⵙⴻⴳ ⵜⴰⵍⵍⵉⵜ-ⴰ ⴰⵢⴷⴻⴳ ⴱⴻⵏⵜⴰⵍⴻⴱ ⵍⴰ ⵢⴻⵜⵜⴻⵎⵛⴰⵡⴰⵕ ⴷ ⵜⴻⵖⵍⴰⵎⵜ-ⵏⵏⴻⵙ ⵏ ⵜⵧⵜⵜⴻⵏⵀⴰⵎ ⵖⴻⴼ ⵍⴻⵅⵍⴰⵚ, ⴰⴽⴽⴻⵏ ⴰⴷ ⵜ-ⴰⵡⵉⵏ ⵖⴻⵔ-ⵙⴻⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴰⵏⵛⵀⴻⵙⵜⴻⵔ ⵛⵉⵜⵢ ⵜⴻⵜⵜⵡⴰⵍⵉ ⴱⴻⵏⵜⴰⵍⴻⴱ ⴷ ⵏⴻⵜⵜⴰ ⴰⵢ ⴷ ⵍⵅⴻⵜⵢⴰⵔ-ⵏⵏⴻⵙ ⵡⵉⵙ ⵙⵉⵏ ⵙⴷⴻⴼⴼⵉⵔ ⵒⴰⵓⵍ ⵒⵧⴳⴱⴰ, ⴰⵍⴻⵎⵎⴰⵙ ⴰⴳⵔⴰⵖⵍⴰⵏ ⴰⴼⵕⴻⵏⵙⵉⵙ ⴰⵢ ⵜⴻⴱⵖⴰ ⴰⴷ ⵜ-ⵉⴷ-ⵜⴰⵡⵉ ⵙⴻⴳ ⵊⵓⵠⴻⵏⵜⵓⵙ ⵏ ⵜⵧⵔⵉⵏⵧ (ⴰⵎⴰⵣⵔⴰⵔ ⴰ ⵏ ⵟⵟⴻⵍⵢⴰⵏ).

ⴰⵟⴰⵙ ⵏ ⵜⴻⵖⵍⴰⵎⵉⵏ ⵏⵉⴹⴻⵏ, ⴳⴰⵔ-ⴰⵙⴻⵏⵜ ⴰⵔⵙⴻⵏⴰⵍ (ⵍⴰⵏⴳⵍⵉⵣ), ⵊⵓⵠⴻⵏⵜⵓⵙ (ⵟⵟⴰⵍⵢⴰⵏ) ⴷ ⵒⴰⵔⵉⵙ ⵙⴰⵉⵏⵜ-ⴳⴻⵔⵎⴰⵏ (ⴼⵕⴰⵏⵙⴰ) ⴰⵢ ⵢⴻⴱⵖⴰⵏ ⴷⴰⵖ ⴰⴷ ⴰⵡⵉⵏⵜ ⴱⴻⵏⵜⴰⵍⴻⴱ ⴰⵢ ⵉⵍⵓⵍⴻⵏ ⴷⴻⴳ ⵍⵉⵍⵍⴻ (ⴼⵕⴰⵏⵙⴰ) ⵢⴻⵔⵏⴰ ⵢⴻⵙⵄⴰ ⵍⴻⵄⵇⴻⴷ ⴷ ⵜⵧⵜⵜⴻⵏⵀⴰⵎ ⴰⵔⵎⴰ ⴷ 2018.

ⴱⴻⵏⵜⴰⵍⴻⴱ ⵢⵓⵔⴰⵔ 35 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵜⵙⴻⵎⵀⵓⵢⵜ-ⴰ ⵖⴻⵔ ⵜⵧⵜⵜⴻⵏⵀⴰⵎ, ⵢⴻⵔⵏⴰ ⵢⴻⵙⵙⴰⴷⴻⴼ ⵢⵉⵡⴻⵏ ⵏ ⵢⴻⵙⵡⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵄⴻⴷⴷⴰ ⵙⵏⴰⵜ ⵏ ⵜⵉⴽⴽⴰⵍ ⵜⴰⴽⵓⵔⵜ ⴰⵢⵢⴻⵙ ⵙⵙⴰⴷⴼⴻⵏ ⵉⵙⵡⵉ.

ⴰⵎⴰⵔⵉⵔ-ⴰ ⴰⵍⴻⵎⵎⴰⵙ ⵏ ⵜⴻⵎⵃⴰⴷⴷⵉⵜ ⵢⵓⵙⴰ-ⴷ ⵖⴻⵔ ⵍⴷⵣⴰⵢⴻⵔ ⴰⵙⵙ ⵏ ⵍⵃⴻⴷⴷ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵢⵉⵡⴻⵏ ⵏ ⵡⴰⵏⵏⴰⵏ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴰⵔⴰ ⴷ-ⵢⵉⵍⵉⵏ ⵎⴳⴰⵍ ⵙⴻⵢⵛⵀⴻⵍⵍⴻⵙ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⴱⵍⵉⴷⴰ (8ⵙ30 ⵏ ⵜⵎⴻⴷⴷⵉⵜ) ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ (ⵛⴰⵏ-2017).