ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⵛⵉ ⵏ ⵜⵜⴻⵙⵔⵉⵃ ⵉ ⵓⵙⵙⴻⴽⵛⴻⵎ ⵏ ⵙⵙⴻⵍⵄⴰ: ⵜⵓⵣⵡⵉⵔⵜ ⵉ ⵢⵉⴷⵣⴰⵢⵔⵉⵢⴻⵏ (ⴱⴻⵏⵢⵧⵓⵏⴻⵙ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵜⵏⴻⵣⵣⵓⵜ, ⴰⵎⴰⵔⴰ ⴱⴻⵏⵢⵧⵓⵏⴻⵙ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⴷⴰⴽⴽⴻⵏ ⵜⵜⴻⵙⵔⵉⵃⴰⵜ ⵏ ⵓⵙⵙⵉⵊⵊⴻⵡ ⴷ ⵡⴰⵊⵊⴰⵡ ⵏ ⵙⵙⴻⵍⵄⴰ – ⴰⵔⴰ ⵢⴻⵜⵜⵡⴰⵙⴼⴻⵄⵍⴻⵏ ⴷⴻⴳ 2016 – ⴷ ⵏⵉⵜⵏⵉ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⴰⵔⴰ ⵢⴻⵊⵊⴻⵏ ⵜⴰⵎⵓⵔⵜ ⴰⴷ ⵜⴻⵃⴽⴻⵎ ⵜⴰⵏⴻⵣⵣⵓⵜ (ⵜⵜⵊⴰⵕⴰ) ⵜⴰⴱⴻⵕⵕⴰⵏⵉⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵓⵣⵡⵉⵔⵜ ⴰⴷ ⵜⴻⵜⵜⵓⵏⴻⴼⴽ ⵉ ⵢⵉⴷⵣⴰⵢⵔⵉⵢⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⵛⵉ ⵏ ⵜⵜⴻⵙⵔⵉⵃⴰⵜ-ⴰ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴰⵢⴰ ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵣⴰⵏⴻⵏ ⴷⴻⴳ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵔⴰ ⵉⴱⴻⴷⴷⵍⴻⵏ ⵢⴻⵔⵏⴰ ⴰⴷ ⵢⴻⵙⵙⵎⴻⴷ ⵍⴻⵡⵚⴰⵢⴰ 04-03 ⵢⴻⵔⵣⴰⵏ ⵉⵍⵓⴳⴰⵏ ⵉⵎⵓⵜⴰ ⵢⴻⵜⵜⵡⴰⵙⴼⴻⵄⵍⴻⵏ ⴷⴻⴳ ⵡⴰⵊⵊⴰⵡ ⴷ ⵓⵙⵙⵉⵊⵊⴻⵡ ⵏ ⵙⵙⴻⵍⵄⴰ. ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵎⴰⵙⵙ ⴱⴻⵏⵢⵧⵓⵏⴻⵙ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵜⴻⵙⵔⵉⵃⴰⵜ-ⴰ ⵏ ⵡⴰⵊⵊⴰⵡ ⴷ ⵓⵙⵙⵉⵊⵊⴻⵡ ⴰⴷ ⵜⵜⵓⵏⴻⴼⴽⴻⵏ ⵍⴰⴷⵖⴰ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ « ⴰⴽⴽⴻⵏ ⴰⴷ ⵉⴼⴰⴽ ⵓⵎⵓⵏⵓⵒⵓⵍ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵊⵊⴰⵡ ⵏ ⴽⵔⴰ ⵏ ⵢⵉⴼⴰⵔⵉⵙⴻⵏ ».

ⴰⵏⴻⵖⵍⴰⴼ ⵉⵅⴻⴱⴱⴻⵔ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵢⴻⵙⵙⴻⴼⵔⴰⵢ ⴰⴷ ⵉⵚⴻⴳⴳⴻⵎ ⴰⵊⵊⴰⵡ ⵏ ⵙⵙⴻⵍⵄⴰ ⵙⴻⴳ ⵓⵣⵖⴰⵔ ⵙ ⵓⵙⵙⴻⴱⴷⴻⴷ ⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⵏ ⵓⵎⵎⵓⵣⵣⴻⴳ (ⴰⵜⵅⴻⵚⵚⴻⵚ) ⴰⴽⴽⴻⵏ ⴰⵢ ⵢⴻⵍⵍⴰ ⵍⵃⴰⵍ ⴷⴻⴳ ⵜⵎⵓⵔⴰ ⵏⵉⴹⴻⵏ.

ⵎⴰⵙⵙ ⴱⴻⵏⵢⵧⵓⵏⴻⵙ ⵢⴻⵙⵎⴻⴽⵜⵉ-ⴷ ⴷⴰⵖ ⴷⴰⴽⴽⴻⵏ ⴷⴻⴳ ⵜⴳⴰⵔⴰ ⵏ 2014, ⵍⴷⵣⴰⵢⴻⵔ ⵜⴻⵍⵍⴰ ⵜⴻⵙⵄⴰ 42.000 ⵏ ⵜⴽⴻⴱⴱⴰⵏⵉⵢⵉⵏ ⵏ ⵡⴰⵊⵊⴰⵡ ⵏ ⵙⵙⴻⵍⵄⴰ ⵙⴻⴳ ⵓⵣⵖⴰⵔ, ⴷ ⴰⵛⵓ ⴽⴰⵏ, ⵓⵔ ⴷ-ⵢⴻⵍⵍⵉ ⴰⵔⴰ ⴰⴽⴽ ⵓⵚⴻⴳⴳⴻⵎ ⴷⴻⴳ ⵢⵉⵅⴻⴷⴷⵉⵎⴻⵏ-ⵏⵙⴻⵏⵜ.

ⵎⴰ ⵉⵄⴻⴷⴷⴰ ⵍⵇⴰⵏⵓⵏ-ⴰ, ⴰⴷ ⴷ-ⵙⴱⴻⴷⴷⴻⵏ ⵜⴰⵙⴻⵇⵇⴰⵎⵓⵜ ⴳⴰⵔ ⵢⴻⵖⵍⵉⴼⴻⵏ, ⴷ ⵜⵉⵏ ⴰⵢⴷⴻⴳ ⴰⵔⴰ ⵢⴻⵜⵜⴻⴽⴽⵉ ⵡⴻⵖⵍⵉⴼ ⵏ ⵜⴻⴷⵔⵉⵎⵜ, ⵡⵉⵏ ⵏ ⵜⴻⵎⴳⵓⵔⵉ ⴷ ⵡⵉⵏ ⵏ ⵜⴼⴻⵍⵍⴰⵃⵜ, ⵢⴻⵔⵏⴰ ⴷ ⴰⵖⵍⵉⴼ ⵏ ⵜⵏⴻⵣⵣⵓⵜ ⴰⵔⴰ ⵜⵜ-ⵢⴻⵙⵙⴻⵍⵡⵉⵏ. ⵜⴰⵙⴻⵇⵇⴰⵎⵓⵜ-ⴰ ⴰⴷ ⴷ-ⵜⴻⵍⵀⵓ ⵙ ⵓⵙⵙⴻⴷⴷⵓ ⵏ ⵜⵓⴽⵛⵉ ⵏ ⵜⵜⴻⵙⵔⵉⵃⴰⵜ ⵏ ⵡⴰⵊⵊⴰⵡ ⴷ ⵓⵙⵙⵉⵊⵊⴻⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.