ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵜⴰⵡⴰ ⵏ ⵜⴰⵍⵡⵉⵜ ⵏ ⵎⴰⵍⵉ: ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⵛⴽⴻⵕ-ⴷ ⵔⵔⴱⴻⵃ ⵏ ⵓⵎⵛⵉⵡⴻⵕ ⵉ ⵓⵙⵙⴻⵡⵊⴻⴷ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ

ⴰⴷⴷⵉⵙ ⴰⴱⴻⴱⴰ – ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ-ⵣⵓⵎⴰ, ⵜⵓⵎⴰⵔ ⵙ ⵓⵙⵜⴻⵏⵢⵉ, ⴷⴻⴳ ⵍⴷⵣⴰⵢⴻⵔ, ⵏ ⵓⵕⴰⴱⵓⵍ ⵏ ⵓⵎⵛⵉⵡⴻⵕ ⵉ ⵓⵙⵙⴻⵡⵊⴻⴷ ⵏ ⵓⵙⵙⴻⴼⵄⴻⵍ ⵏ ⵡⴻⵎⵜⴰⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⴽⴰⵍⴰ ⵏ ⵍⴷⵣⴰⵢⴻⵔ ».

ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⵓⵎⴰⵔ ⴷⴰⵖ ⵙ ⵓⵙⵜⴻⵏⵢⵉ ⵏ ⵡⴻⵎⵜⴰⵡⴰ-ⴰ ⴰⵢ ⵢⴻⵔⵣⴰⵏ « ⴰⵀⴻⵢⵢⵉ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵉ ⵡⴻⵃⴱⴰⵙ ⵏ ⵢⵉⵎⴻⵏⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵇⵇⴰⵎⵓⵜ-ⴰ ⴷⴻⴳ ⴰⴷⴷⵉⵙ ⴰⴱⴻⴱⴰ.

ⵎⴰⵙⵙⴰ ⴷⵉⵍⵎⴰ ⵜⴻⵛⴽⴻⵔⴹ-ⴷ ⴷⴰⵖ « ⴰⵄⴻⵡⵡⴻⵍ ⵓⵏⵚⵉⴱ » ⵏ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⴰⴽⴽⴻⵏ ⴰⴷ ⵜⴻⵙⵜⴻⵏⵢⵉ ⴰⵎⵜⴰⵡⴰ ⵉ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵙⵙ ⵏ 20 ⵢⵓⵏⵢⵓ 2015 ⴷⴻⴳ ⴱⴰⵎⴰⴽⵧ, ⴷ ⵓⵄⴰⵀⴻⴷ ⵏ ⵓⵏⴰⴱⴰⴹ ⴰⵎⴰⵍⵉ ⴰⴽⴽⴻⵏ « ⴰⴷ ⵢⴻⵊⵊ ⵜⴰⵡⵡⵓⵔⵜ ⵏ ⵡⴻⵎⵛⵉⵡⴻⵕ ⵜⴻⵔⵥⴻⵎ, ⴷⵖⴰ ⴷ ⴰⵢⴰ ⴰⵢ ⵢⴻⵊⵊⴰⵏ ⵜⴰⴷⵢⴰⵏⵜ-ⴰ ⵢⵓⵙⵙⵓⵎⴰⵔⴻⵏ ⴰⴷ ⴷ-ⵜⵉⵍⵉ, ⴰⵎ ⵡⴰⴽⴽⴻⵏ ⴷ ⴰⵢⴰ ⴰⵔⴰ ⵢⴻⵊⵊⴻⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴰⴷ ⵊⴻⵀⴷⴻⵏ ⴷⴻⴳ ⵎⴰⵍⵉ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⴻⵊⵀⴻⴷ ⵍⴰⵎⴰⵏ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ».

ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⴻⵏⵏⴰ-ⴷ ⴷⴰⴽⴽⴻⵏ ⵉⵀⴻⵢⵢⵉⵢⴻⵏ-ⵏⵏⵉ ⴰⵢⵖⴻⴼ ⵎⵙⴻⴼⵀⴰⵎⴻⵏ « ⵓⵔⵍ ⵍⵉⵏ ⴰⵔⴰ ⴷ ⴰⵎⵜⴰⵡⴰ ⵏⵉⴹⴻⵏ ⵏⴻⵖ ⴷ ⵜⵉⵎⴻⵔⵏⵉⵡⵜ ⵉ ⵡⴻⵎⵜⴰⵡⴰ-ⵏⵏⵉ ⴰⵢ ⵢⴻⵍⵍⴰⵏ ⵢⴰⴳⵉ, ⵢⴻⵔⵏⴰ ⵙⵙⴻⴼⵔⴰⵢⴻⵏ ⴰⴷ ⵃⴻⴱⵙⴻⵏ ⵉⵎⴻⵏⵖⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴰⴼⴰ ⵏ ⵎⴰⵍⵉ, ⵍⴰⴷⵖⴰ ⴷⴻⴳ ⵜⴻⵎⴷⵉⵏⵜ ⵏ ⵎⴻⵏⴰⴽⴰ ». ⵉⵙⵡⵉ ⵏ ⵡⴰⵢⴰ ⵏⴻⵜⵜⴰ ⴷ ⴰⴽⴻⵎⵎⴻⵍ ⵏ ⵍⴻⴱⵏⵉ ⵏ « ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⵙ ⵓⵇⴰⴷⴻⵔ ⵏ ⵓⵎⵄⴰⵀⴻⴷ ⴰⵢⵖⴻⴼ ⵎⵄⴰⵀⴰⴷⴻⵏ ⴰⴽⴽ ⵢⵉⴷⵉⵙⴰⵏ ».

ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ, ⵢⴻⵔⵏⴰ ⴰⵙⵙⴻⴼⵄⴻⵍ-ⵏⵏⴻⵙ ⵏ ⵜⵉⴷⴻⵜ ⴰⴷ ⵢⴻⵙⵙⵉⵡⴻⴹ ⵖⴻⵔ ⴼⴻⵔⵔⵓ ⴰⵔⴰ ⵉⴷⵓⵎⴻⵏ ⵏ ⵜⵍⵓⴼⴰ ⴰⵢ ⵉⵃⵓⵣⴰⵏ ⴰⴳⴰⴼⴰ ⵏ ⵎⴰⵍⵉ.

ⵏⵏⵉⴳ ⵡⴰⵢⴰ, ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⵄⴰⵡⴻⴷ ⵜⴻⵙⵏⴻⵎⵎⴻⵔ ⵍⴷⵣⴰⵢⴻⵔ ⵙ ⵢⵉⵙⴻⵎ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵉⵎⵉ ⴷ ⵍⴷⵣⴰⵢⴻⵔ ⴰⵢ ⵉⵏⴻⵀⵕⴻⵏ ⵜⴰⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ, ⴷ ⵏⴻⵜⵜⴰⵜ ⴰⵢ ⵉⴳⴰⵏ ⵍⵎⴻⵊⵀⵓⴷ ⴰⵎⴻⵇⵔⴰⵏ ⵢⴻⵔⵏⴰ ⵎⴰⵣⴰⵍ ⵜⴻⵜⵜⴻⴳ-ⵉⵜ, ⴰⴽⴽⴻⵏ ⴰⴷ ⴷ-ⵉⵍⵉⵏ ⵜⴰⵍⵡⵉⵜ ⴷ ⵡⴻⵔⴽⴰⴷ ⴷⴻⴳ ⵎⴰⵍⵉ ⴷ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⵙ ⵓⵎⴰⵜⴰ.