ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵍⴰⵎⴰⵎⵔⴰ ⵢⴻⴳⴳⴻⵏⵙⴻⵙ ⵍⴻⵣⵣⴰⵢⴻⵔ ⴷⴻⴳ ⵜⵖⵉⵎⵉⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⵏ ⵓⵙⴻⵍⴽⴰⵎ ⵏ ⵜⴻⴼⵔⵉⵇⵜ ⵢⴻⴷⴷⵓⴽⵍⴻⵏ (ⵓⴰ) ⴷⴻⴳ ⵊⵓⵀⴰⵏⵙⴱⵓⵔⴳ
ⵍⴻⵣⵣⴰⵢⴻⵔ (ⵜⴰⵏⴻⴳⴳⴰ) – ⴰⴷ ⵉⵔⵓⵃ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ ⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵊⵓⵀⴰⵏⵙⴱⵓⵔⴳ (ⵜⴰⴼⵔⵉⵇⵜ ⵏ ⵓⵏⵥⵓⵍ) ⴰⵏⴷⴰ ⴰⵔⴰ ⵢⴻⵙⵙⴻⴷⴷⵓ ⵜⴰⵎⴰⴳⵍⴰ ⵜⴰⵣⵣⴰⵢⵔⵉⵜ ⴷⴻⴳ ⵢⵉⵎⴰⵀⵉⵍⴻⵏ ⵏ ⵜⵖⵉⵎⵉⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⵏ ⵓⵙⴻⵍⴽⴰⵎ ⵏ ⵜⴻⴼⵔⵉⵇⵜ ⵢⴻⴷⴷⵓⴽⵍⴻⵏ (ⵓⴰ), ⴰⵔⴰ ⵉⵀⴻⴳⴳⵉⵏ ⵜⵉⵖⵉⵎⵉⵜ ⵜⵉⵙ 25 ⵏ ⵓⵙⴰⵔⴰⴳ ⵏ ⵢⵉⵖⴻⵍⵍⴰⵜⴻⵏ ⵏ ⵢⵉⵡⵓⵏⴰⴽ ⴷ ⵡⵉⴷ ⵏ ⵢⵉⵏⴰⴱⴰⴹⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.
ⵜⵉⵎⵍⵉⵍⵉⵜ-ⴰ ⵜⴻⵔⵙ ⴰⵙⴻⴳⴳⴰⵙ-ⴰ ⴷⴷⴰⵡ ⵓⵙⴻⵏⵜⴻⵍ : ‘’ⴰⵙⵍⴻⵍⵍⵉ ⵏ ⵜⵍⴰⵡⵉⵏ ⴷ ⵜⵏⴻⴼⵍⵉⵜ ⴰⴽⴽⴻⵏ ⴰⴷ ⵏⴻⵙⵙⴻⴹⵔⵓ ⴰⵀⵉⵍ ⵏ 2063 ⵉ ⵜⴻⴼⵔⵉⵇⵜ.
ⵉ ⵍⵎⴻⵏⴷ ⵏ ⵡⴰⵢⴰ, ⴰⵙⴻⵇⵇⴰⵎⵓ ⵏ ⵓⵙⴻⵍⴽⴰⵎ ⵢⴻⵙⵙⴻⴼⴽ ⴰⴷ ⵢⴻⵙⵙⴻⴽⵢⴻⴷ ⴰⵖⴰⵡⴰⵙ ⴰⵎⴻⵣⵡⴰⵔⵓ ⵏ ⵜⴻⵎⵔⴰⵡⵜ ⵏ ⵓⵙⴻⴷⴷⵓ ⵏ ⵓⵀⵉⵍ 2063 ⴷ ⵓⵙⴻⵏⴼⴰⵔ ⵏ ⵜⴻⴷⵔⵉⵎⵜ ⴰⵔⴰ ⵜⵚⴻⵕⵕⴻⴼ ⵜⵓⴷⴷⵙⴰ ⴷⴻⴳ ⵓⵙⴻⴳⴳⴰⵙ ⵏ 2016.
ⴰⴷ ⵉⴹⵉⵍ ⴷⴰⵖⴻⵏ ⵓⵙⴻⵇⵇⴰⵎⵓ ⵖⴻⴼ ⵢⴻⵔⵎⵓⴷⴻⵏ ⵢⴻⵎⵎⴻⵥⵍⵉⵏ ⵉ ⵢⴻⵔⵙⴻⵏ ⴷⴻⴳ ⵓⴽⴰⵜⴰⵔ ⵏ ⵓⵙⴻⴷⴷⵓ ⵏ ⵓⵀⵉⵍ ⵏ ⵓⵎⵙⵉⴷⴻⴼ ⴰⴷⴰⵎⵙⴰⵏ ⵉ ⵜⴻⴼⵔⵉⵇⵜ ⴷ ⵓⵀⴻⴳⴳⵉ ⵏ ⵜⵉⴽⴽⵉⵏ ⵏ ⵜⴻⴼⵔⵉⵇⵜ ⴷⴻⴳ ⵜⵖⵉⵎⵉⵜ ⵜⵉⵙ 21 ⵏ ⵓⵙⴰⵔⴰⴳ ⵏ ⵢⵉⵎⴻⴽⴽⵉⵢⴻⵏ ⴷⴻⴳ ⵓⵎⵜⴰⵡⴰ ⴰⴽⴰⵜⴰⵔⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵖⴻⴼ ⵓⴱⴻⴷⴷⴻⵍ ⴰⵏⴻⵣⵡⴰⵏ (ⵛⵧⵒ21) ⴰⵔⴰ ⴷ-ⵢⵉⵍⵉⵏ ⴷⴻⴳ ⵒⴰⵔⵉⵙ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ 2015.
ⵉⵏⴻⵖⵍⴰⴼⴻⵏ ⵉⴼⵔⵉⵇⵉⵢⴻⵏ ⴰⴷ ⵍⵀⵉⵏ ⴷⴰⵖⴻⵏ, ⴷ ⵡⵓⴳⵓⵔⴻⵏ ⵏ ⵔⵔⴻⴱⵔⴰⴱ ⴷ ⵜⵎⵓⵖⵍⵉ ⵜⵉⵎⵉⵅⴼⵉⵡⵜ ⵜⴰⴼⴻⴳⴳⴰⴳⵜ, ⴷ ⵢⵉⵏⵉⴳ, ⴷ ⵍⴽⴻⵔⵀ ⵏ ⵢⵉⵎⵉⵏⵉⴳⴻⵏ ⴷ ⵜⴻⵏⴱⴰⴹⵜ.
ⴰⵖⴻⵍⵍⴰ ⵏ ⵜⴷⵉⵒⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⴰⴷ ⵢⴻⵙⵄⵓ ⵉⵎⵛⴰⵡⴰⵔⴻⵏ ⵓⵛⵔⵉⴽⴻⵏ ⴷ ⵍⴻⵎⵜⴻⵍ-ⵉⵙ ⵖⴻⵔ ⵜⴰⵎⴰ ⵏ ⵜⴻⵎⵍⵉⵍⵉⵢⵉⵏ ⵜⵉⵙⵓⴷⴰⵏⵉⵏ.
