Asebter amenzawi

Tuddsa taɛṛabt n uxeddim: yessefk ad nfaṛes seg ttejṛiba n Ldzayer deg wemciweṛ d yixeddamen

Lezzayer – Anemhal amatu n Tuddsa taɛṛabt n umahil (axeddim), Faiz Matiri yenna-d deg Geneve (Sswis) dakken afaṛes seg ttejṛiba n Ldzayer deg wayen yerzan amciweṛ d yixeddamen d ḍḍmana d ayen yesɛan azal, ɣef wakken ay d-yebder yiwen n welɣu n weɣlif n umahil (uxeddim), n ussemres d tɣellist tanmettit.

Mass Matiri yemmuger-it deg Geneve uneɣlaf n umahil, n ussemres d tɣellist tanmettit, Mohamed El Ghazi, yerna yeckeṛ-d, deg yijifeṛ n temlilit tis 104 n Usarag agraɣlan n umahil, ttejṛiba n Ldzayer deg wayen yerzan amciweṛ d yixeddamen d tɣellist tanmettit.

Mass Matiri yenna-d dakken yessefk « ad nfaṛes seg ttejṛiba-a s ussejhed n wahilebn n wemɛawen gar tmura taɛṛabin deg ukatar n Tuddsa taɛṛabt n umahil i lmend n beḍḍu d wesmatu n ttejṛiba-a ».

Seg yidis-nnes, Mass El Ghazi iɛawed iwekked-d « abdad n Ldzayer ɣer yidis n ussefɛel n yeswan n Tuddsa Taɛṛabt n Umahil deg wayen yerzan asselhu n tegnatin n umahil yettqadaren axeddam d ussejhed n tɣellist tanmettit i lfayda n yiɣermanen deg umaḍal aɛṛab ».