ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵅⵚⵉⵎⴻⵏ ⵉⵍⵉⴱⵉⵢⴻⵏ ⴷⴻⴳ ⴱⴻⵔⵍⵉⵏ ⴰⴽⴽⴻⵏ ⴰⴷ ⵎⵍⵉⵍⴻⵏ ⴷ ⵢⴻⵎⴹⴻⴱⴱⵔⴻⵏ ⵉⴳⵔⴰⵖⵍⴰⵏⴻⵏ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵉⵅⵚⵉⵎⴻⵏ ⵉⵍⵉⴱⵉⵢⴻⵏ ⴰⴷ ⵎⵍⵉⵍⴻⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵍⴰⵍⵎⴰⵏ ⴷ ⵢⴻⵎⴹⴻⴱⴱⵔⴻⵏ ⵉⴳⵔⴰⵖⵍⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⵓⵖⴷⴰⴹⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ (ⵎⴰⵏⵓⵍ) ⵙⴰⵎⵉⵔ ⴳⵀⴰⵜⵜⴰⵙ ⴷⴻⴳ ⵜⴻⵙⵡⵉⵄⵜ ⴰⵢⴷⴻⴳ ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵙⵓⵎⴻⵔ-ⴷ ⴰⵙⴻⵏⴼⴰⵔ ⵏ ⵡⴻⵎⵜⴰⵡⴰ.
« ⴰⴷ ⵏⴻⴷⴷⵓ ⴰⴽⴽⴻⵏ ⵎⴰ ⵏⴻⵍⵍⴰ ⵖⴻⵔ ⴱⴻⵔⵍⵉⵏ ⴰⴽⴽⴻⵏ ⴰⴷ ⵏⴻⵎⵍⵉⵍ ⴷ ⵢⴻⵎⴹⴻⴱⴱⵔⴻⵏ ⵓⵕⵓⴼⵉⵢⴻⵏ ⴷ ⵡⵉⴷ ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⴰⵜⵜⴰⵙ ⵉ ⵜⵖⴻⵎⵙⴰ.
ⵜⵉⵎⵓⵔⴰ ⵏ ⵜⴻⴳⵔⴰⵡⵜ ⵏ 7 (ⴳ7) ⴰⵢ ⵢⴻⵎⵍⴰⵍⴻⵏ ⴷⴻⴳ ⵍⴰⵍⵎⴰⵏ ⵃⴻⵕⵙⴻⵏⵜ ⵜⵉⴳⵔⴰⵡⵉⵏ ⵜⵉⵍⵉⴱⵉⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵜⴰⵍⵓⴼⵜ ⴰⴽⴽⴻⵏ « ⴰⴷ ⴷⴷⵎⴻⵏⵜ ⵍⴻⵕⵢⵓⵢ ⵉⵙⴻⵔⵜⵉⵢⴻⵏ » ⴰⵔⴰ ⵢⴻⵙⵙⴻⴷⴷⵓⵏ ⵜⵉⵖⴰⵡⵙⵉⵡⵉⵏ ⵖⴻⵔ ⵙⴷⴰⵜ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵢⴻⵙⵙⵓⵎⴻⵔ-ⴷ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵡⴻⵎⵜⴰⵡⴰ.
ⴷⴻⴳ ⵜⵉⴷⴻⵜ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵄⴻⵔⵔⴹⴻⵏ, ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ, ⴰⴷ ⴷ-ⴰⴼⴻⵏ ⴰⵎⵙⴻⴼⵀⴰⵎ ⴰⵔⴰ ⵢⴻⵊⵊⴻⵏ ⵉⵍⵉⴱⵉⵢⴻⵏ ⴰⴷ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵜⵓⴷⴷⵙⴰ-ⴰ ⵍⴰ ⵜⴻⵙⵙⴰⵔⴰⵎ ⴰⴷ ⵜⴻⵏ-ⵜⴻⵙⵙⵉⵡⴻⴹ ⴰⴷ ⵎⵙⴻⴼⵀⴰⵎⴻⵏ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵡⴰⵢⵢⵓⵔ ⵉⵎⵇⴻⴷⴷⴻⵙ ⵏ ⵔⴻⵎⴹⴰⵏ.
« ⵉⵙⵡⵉ ⵏ ⵡⴻⵎⵙⴻⴼⵀⴰⵎ-ⴰ ⵏⴻⵜⵜⴰ ⴷ ⴰⵙⵙⴻⴱⴷⴻⴷ, ⵙ ⵜⵖⴰⵡⵍⴰ, ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵉ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵜⵙⵓⴷⴰ ⴷ ⵜⴷⴰⵎⵙⴰ ⵏ ⵍⵉⴱⵢⴰ ⴷ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵢⵉⵥⴻⴹⵡⴰⵏ ⵏ ⵜⴻⵊⵔⵉⵎⵜ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⴷⵉⵒⵍⵓⵎⴰⵜⵉⵜ ⵜⴰⴼⵕⴻⵏⵙⵉⵙⵜ, ⵎⴰⵙⵙ ⵔⵧⵎⴰⵉⵏ ⵏⴰⴷⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⵏ ⵍⵉⴱⵢⴰ, ⵜⵓⵎⵎⴷⴰ ⵏ ⵡⴰⴽⴰⵍ-ⵏⵏⴻⵙ ⴷ ⵜⵏⴰⵢⴰ-ⵏⵏⴻⵙ ⴰⵜⴻⵏⵜⵉ ⴷⴻⴳ ⵓⵎⵉⵀⵉ ⴷ ⴰⵎⴻⵇⵔⴰⵏ ».
ⵙ ⵢⵉⵙⴻⵎ ⵏ « ⵜⴷⵓⴽⵍⵉ ⵎⴳⴰⵍ ⵔⵔⴻⴱⵔⴰⴱ », ⴼⵕⴰⵏⵙⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, « ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵢⴻⵔⵏⴰ ⴰⴷ ⴷⴷⵓⴽⴽⵍⴻⵏ ⵙ ⵡⴻⵙⵜⴻⵏⵢⵉ, ⵡⴰⵔ ⵍⴻⵄⴹⵉⵍ, ⵏ ⵡⴻⵎⵜⴰⵡⴰ » ⵏ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ.
ⵍⵉⴱⵢⴰ ⵜⴻⵔⵡⵉ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵎⴰⴰⵎⴰⵔ ⴻⵍ ⴳⵓⴻⴷⴷⴰⴼⵉ ⴷⴻⴳ 2011, ⵢⴻⵔⵏⴰ ⵢⴻⵏⴽⴻⵔ ⴷⴻⴳ-ⵙ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⴳⴰⵔ ⵜⴻⵎⵍⵉⵛⵉⵏ ⵜⵉⵎⵙⴻⵍⵍⵃⵉⵏ. ⴰⵙⵙ-ⴰ, ⴰⴽⴰⵍ ⵏ ⵍⵉⴱⵢⴰ ⵢⴻⴱⴹⴰ ⴳⴰⵔ ⵙⵉⵏ ⵏ ⵢⵉⴷⵓⴱⴰ, ⵢⴻⵔⵏⴰ ⵜⴰⴳⵔⴰⵡⵜ ⵏ ⵓⵡⴰⵏⴰⴽ ⵉⵙⵍⴰⵎⵉ ⵙⵉⵎⴰⵍ ⵍⴰ ⵜⴻⵜⵜⵏⴻⵔⵏⵉ ⴷⴻⴳ ⵍⵊⴻⵀⴷ.
ⵜⴰⵎⵓⵔⵜ-ⴰ ⵜⴻⵇⵇⴻⵍ ⵜⴻⵙⵄⴰ ⵙⵉⵏ ⵏ ⵢⵉⵏⴰⴱⴰⴹⴻⵏ ⴷ ⵙⵉⵏ ⵏ ⵢⴻⵎⵏⴰⵏ ⵉⵅⵚⵉⵎⴻⵏ: ⵢⵉⵡⴻⵏ ⵏ ⵓⵏⴰⴱⴰⴹ ⴰⵜⴰⵏ ⴷⴻⴳ ⵜⵎⴰⵏⴻⵖⵜ ⵏ ⵟⵔⴰⴱⵍⴻⵙ ⴷⴷⴰⵡ ⵜⴻⵛⴹⴰⴹⵜ ⵏ ⴼⴰⵊⵔ ⵍⵉⴱⵢⴰ (ⴷ ⵜⴰⴳⵔⴰⵡⵜ ⵏ ⵜⴻⵎⵍⵉⵛⵉⵏ ⵜⵉⵎⵙⴻⵍⵍⵃⵉⵏ, ⴽⵔⴰ ⵙⴻⴳ-ⵙⴻⵏⵜ ⴷ ⵜⵉⵙⴻⵍⵎⴰⵥⵔⵉⵢⵉⵏ), ⵎⴰ ⴷ ⵡⴰⵢⴻⴹ ⴰⵜⴰⵏ ⴷⴻⴳ ⵡⴻⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ, ⵢⴻⵔⵏⴰ ⴷ ⵡⵉⵏ ⴽⴰⵏ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵡⴻⵎⵖⵉⵡⴰⵏ ⴰⴳⵔⴰⵖⵍⴰⵏ.
