ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵒⴻⵏⵢⵓⵍ: ⵜⵉⴷⴷⵓⴽⵍⵉⵡⵉⵏ ⴳⵔⴻⵏⵜ-ⴷ ⵜⵉⵖⵔⵉ ⵉ ⵓⵏⴰⴱⴰⴹ ⴰⴽⴽⴻⵏ ⴰⴷ ⵢⴻⴳ ⵍⵡⴰⵊⴻⴱ-ⵏⵏⴻⵙ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ
ⵎⴰⴷⵔⵉⴷ – ⵜⵉⵖⴻⵔⵖⴻⵔⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⵓⴽⵍⵉⵡⵉⵏ ⵜⵉⵎⵙⴻⵜⵍⴰⵍⵉⵏ ⴷ ⵓⵏⴻⵥⵔⵓⴼ (ⵛⴻⴰⵙ-ⵙⴰⵀⴰⵔⴰ) ⵜⴳⴻⵔ-ⴷ ⵜⵉⵖⵔⵉ ⵉ ⵓⵏⴰⴱⴰⴹ ⴰⵙⵒⴻⵏⵢⵓⵍⵉ ⴰⴽⴽⴻⵏ ⴰⴷ « ⵉⵄⴻⵡⵡⴻⵍ » ⵢⴻⵔⵏⴰ ⴰⴷ ⵢⴻⵙⵄⵓ « ⵜⴰⴱⵖⴻⵙⵜ » ⴰⴷ ⵢⴻⴳ ⵍⵡⴰⵊⴻⴱ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ.
ⴰⵎⴰⵣⴷⴰⵢ ⵢⴻⴽⴽⴰⵜⴻⵏ ⵖⴻⴼ ⵢⵉⵣⴻⵔⴼⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ ⵢⴻⵙⵙⵓⴼⴼⴻⵖ-ⴷ ⵢⵉⵡⴻⵏ ⵏ ⵡⴻⵍⵖⵓ ⵖⴻⴼ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵡⴻⵙⵡⵉⵔ ⴰⵄⵍⴰⵢⴰⵏ ⴳⴰⵔ ⵙⵒⴻⵏⵢⵓⵍ ⴷ ⵎⴻⵕⵕⵓⴽ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵎⴰⴷⵔⵉⴷ, ⵢⴻⵔⵏⴰ ⵢⴻⵙⵙⵓⵜⴻⵔ ⵙⴻⴳ ⵙⵒⴻⵏⵢⵓⵍ « ⴰⴷ ⵜⴳⴻⵔ ⵉⵎⴰⵏ-ⵏⵏⴻⵙ ⴰⴽⴽⴻⵏ ⵉⵡⴰⵜⴰ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵔⵜ ⵜⴰⵙⴻⵔⵜⵉⵜ ⴰⵔⴰ ⵢⴻⵙⵜⴻⵄⵕⴼⴻⵏ ⵙ ⵢⵉⵣⴻⵔⴼⴰⵏ ⵓⵣⵔⵉⴼⴻⵏ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵓⵔ ⵉⴽⴻⵏⵏⵓ ⴰⵔⴰ ⴷⴷⴰⵡ ⵜⵓⴳⴳⵣⴰ ⵏ ⵎⴻⵕⵕⵓⴽ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⴻⵃⴱⴻⵙ ⴰⵙⵙⵉⵏⴻⴼ ⵉ ⵡⴰⵡⴰⵍ ⵖⴻⴼ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) » ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ.
Ɣⴻⴼ ⵍⴻⵃⵙⴰⴱ ⵏ ⵓⵎⴰⵣⴷⴰⵢ-ⴰ ⵏ ⵜⵉⴷⴷⵓⴽⵍⵉⵡⵉⵏ ⴰⵢⵖⴻⴼ ⴷ-ⵜⴻⵙⵙⴰⵡⴻⵍ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ), « ⴰⵢⴰ ⴷ ⵓⴳⵓⵔ ⵏ ⵜⵎⴰⵙⵉⵜ ⵜⵓⵛⵔⵉⴽⵜ, ⵢⴻⵔⵏⴰ ⵙⴽⵓⴷ ⵢⴻⵍⵍⴰ ⵡⵓⴳⵓⵔ-ⴰ, ⵓⴳⵓⵔⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵉⵍⵉⵏ ⴷ ⵡⵉⴷ ⵏ ⵜⵓⴳⴳⵣⴰ ⴷ ⵍⵇⴻⵍⵍⴰ ⵏ ⵍⴰⵎⴰⵏ ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵛⴻⴰⵙ-ⵙⴰⵀⴰⵔⴰ ⵜⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵎⴻⵕⵕⵓⴽ « ⵓⵔ ⵜⴻⵜⵜⵛⵓⵃⵃⵓ ⴰⵔⴰ ⴰⴽⴽ ⵉ ⵍⵎⴻⵊⵀⵓⴷ-ⵏⵏⴻⵙ » ⴰⴽⴽⴻⵏ « ⴰⴷ ⴷ-ⵜⴻⵣⵣⵓⵖⴻⵔ » ⵙⵒⴻⵏⵢⵓⵍ ⵖⴻⵔ ⵜⴻⴳⵏⵉⵜ ⴰⵢⴷⴻⴳ « ⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷ ⵍⵇⴰⵏⵓⵏ ⴰⴳⵔⴰⵖⵍⴰⵏ ⴰⴷ ⵜⵜⵡⴰⵄⴼⴰⵙⴻⵏ ⴷⵉⵎⴰ », ⴰⴽⴽⴻⵏ ⴰⵢ ⴷ-ⵜⴻⴹⵔⴰ ⴷ ⵜⵖⴻⵔⵎⴰⵏⵜ ⵜⴰⵚⴻⵃⵔⴰⵡⵉⵜ ⵜⴰⴽⴱⴰⵔ ⵀⴰⴷⴷⵉ.
ⵎⴰⵙⵙⴰ ⵀⴰⴷⴷⵉ ⵜⴳⴰ ⴰⵙⵓⵏⴷⴻⴷ ⵏ ⵍⴰⵥ 21 ⵏ ⵡⵓⵙⵙⴰⵏ ⴰⵢⴰ ⵙⴷⴰⵜ ⵜⵇⴻⵏⵚⵓⵍⵉⵜ ⵏ ⵎⴻⵕⵕⵓⴽ ⴷⴻⴳ ⵍⴰⵙ ⵒⴰⵍⵎⴰⵙ ⴰⴽⴽⴻⵏ ⴰⴷ ⴷ-ⵜⴻⵙⵙⵓⵜⴻⵔ ⵜⴰⴼⴻⴽⴽⴰ ⵏ ⵎⴻⵎⵎⵉ-ⵙ, ⴰⵢ ⵏⵖⴰⵏ ⵢⴻⵎⵀⵓⵔⴰⵙ ⵉⵎⴻⵕⵕⵓⴽⵉⵢⴻⵏ ⴷⴻⴳ ⵢⵉⴽⴰⵍⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⴰ ⴼⴽⴰⵏ ⴼⴻⵍⵍ-ⴰⵙ ⴰⴼⵓⵙ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ.
