ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 86% ⵏ ⵢⵉⴳⴻⵔⴷⴰⵏ ⵏ ⴷⴷⴰⵡ ⵏ 14 ⵏ ⵢⵉⵙⴻⴳⴳⴰⵙⴻⵏ ⴰⵢ « ⵢⴻⵜⵜⵡⴰⵄⴰⵇⴱⴻⵏ » ⴳⴰⵔ 2012 ⴷ 2013

ⵍⴻⵣⵣⴰⵢⴻⵔ– ⴰⵣⴰⵍ ⵏ 86% ⵙⴻⴳ ⵢⵉⴳⴻⵔⴷⴰⵏ ⵏ ⴳⴰⵔ 2 ⴷ 14 ⵏ ⵢⵉⵙⴻⴳⴳⴰⵙⴻⵏ ⴰⵢ « ⵢⴻⵜⵜⵡⴰⵄⴰⵇⴱⴻⵏ » ⴷⴻⴳ ⵜⴼⴻⴽⴽⴰ-ⵏⵙⴻⵏ ⵏⴻⵖ ⴷⴻⴳ ⵍⴱⴰⵍ-ⵏⵙⴻⵏ ⴳⴰⵔ 2012 ⴷ 2013, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⵙⴻⵙⵜⴰⵏⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴷⴰⵡⵙⴰ (ⵚⵚⴻⵃⵃⴰ) ⵏ ⵜⵎⴻⵟⵟⵓⵜ ⴷ ⵡⴻⴳⵔⵓⴷ ⵙ ⵢⵉⵎⴰⵜⴰⵔⴻⵏ ⵢⴻⵎⴳⴻⵔⵔⴰⴷⴻⵏ (ⵎⵉⵛⵙ4) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⵜⴰⵙⴻⵙⵜⴰⵏⵜ-ⴰ ⵜⴻⴻⴹⴹⴻⴼ 3 ⵏ ⵡⴰⵢⵢⵓⵔⴻⵏ (ⵙⴻⴳ ⵟⵓⴱⴻⵔ ⵏ 2012 ⵖⴻⵔ ⵢⴻⵏⵏⴰⵢⴻⵔ ⵏ 2013), ⵢⴻⵔⵏⴰ ⵉⵇⴻⴷⴷⴻⵎ-ⵉⵜⵜ-ⵉⴷ ⴰⵎⴰⵔ ⵧⵓⴰⵍⵉ, ⴰⵏⴻⵎⵀⴰⵍ ⵏ ⵢⵉⵎⴻⵣⴷⴰⵖⴻⵏ ⴷⴻⴳ ⵡⴻⵖⵍⵉⴼ ⵏ ⵜⴷⴰⵡⵙⴰ, ⵏ ⵢⵉⵎⴻⵣⴷⴰⵖⴻⵏ ⴷ ⵜⵙⴻⵎⵎⴻⵙⴽⴻⵍⵜ ⵏ ⵢⴻⵙⴱⵉⵟⴰⵔⴻⵏ, ⵢⴻⵔⵏⴰ ⵜⵃⵓⵣⴰ-ⴷ ⵜⵙⴻⵙⵜⴰⵏⵜ-ⴰ 28.000 ⵏ ⵜⵡⴰⵛⵓⵍⵉⵏ ⴰⵢ ⴷ-ⵢⴻⵜⵜⴳⴻⵏⵙⵉⵙⴻⵏ ⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⴽⵛⴻⴼ ⵙ « ⵓⴷⴻⵇⵇⴻⵇ » ⴷ « ⵜⵜⴼⴰⵚⵉⵍ » ⵜⴰⴳⵏⵉⵜ ⵏ ⵢⵉⴳⴻⵔⴷⴰⵏ ⴷ ⵜⵍⴰⵡⵉⵏ ⴷⴻⴳ ⵍⴷⵣⴰⵢⴻⵔ ⵙ ⵢⵉⵎⴰⵜⴰⵔⴻⵏ ⵢⴻⵎⴳⴻⵔⵔⴰⴷⴻⵏ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴳⴻⵔⴷⴰⵏ ⴰⵢ ⵙⵙⴻⵇⵙⴰⵏ ⵄⵓⵇⴱⴻⵏ-ⵜⴻⵏ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵍⵍⴰⵏ ⵓⵇⴱⴻⵍ ⵜⵙⴻⵙⵜⴰⵏⵜ-ⴰ ⵢⴻⵔⵏⴰ 71% ⵙⴻⴳ-ⵙⴻⵏ ⵜⵜⵡⴰⵄⴰⵇⴱⴻⵏ ⴷⴻⴳ ⵜⴼⴻⴽⴽⴰ-ⵏⵙⴻⵏ, ⵎⴰ ⴷ 23% ⵜⵜⵡⴰⵄⴰⵇⴱⴻⵏ ⴰⵄⴰⵇⴻⴱ ⴷ « ⴰⵡⴻⵄⵕⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵣⵔⴰⵡⵜ-ⴰ.

ⵜⴰⵙⴻⵙⵜⴰⵏⵜ-ⴰ ⵜⴻⴽⵛⴻⴼ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⴰⵣⴰⵍ ⵏ 6% ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 5 ⴷ 14 ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⵔⵣⴰ ⵓⵅⴻⴷⴷⵉⵎ, ⵢⴻⵔⵏⴰ ⵉⵇⵛⵉⵛⴻⵏ ⴷ ⵏⵉⵜⵏⵉ ⴰⵢ ⵢⴻⵜⵜⵡⴰⵄⴰⵇⴰⴱⴻⵏ ⵓⴳⴰⵔ ⵏ ⵜⴻⵇⵛⵉⵛⵉⵏ.