ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵚⵚⵢⴰⴷⴰ ⵏ ⵓⵎⴻⵕⵊⴰⵏ ⵜⴻⵃⵡⴰⵊ ⵜⵉⵅⵅⴰⵎⵉⵏ ⵏ ⵡⴰⴷⴰⴷ ⵏ ⵡⴻⵙⴱⵉⵟⴰⵔ ⵏ ⵍⵇⴰⵍⴰ
ⵟⵟⴰⵔⴻⴼ – ⵚⵚⵢⴰⴷⴰ ⵏ ⵓⵎⴻⵕⵊⴰⵏ ⵓⵔ ⵜⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵜⴻⴱⴷⵓ ⵉ ⵓⵙⴻⴳⴳⴰⵙ-ⴰ, ⵢⴻⵔⵏⴰ ⴰⴽⴽⴻⵏ ⴰⴷ ⴷ-ⵜⵉⵍⵉ ⵚⵚⵢⴰⴷⴰ-ⴰ ⴰⴽⴽⴻⵏ ⵉⵡⴰⵜⴰ, ⵢⴻⵙⵙⴻⴼⴽ ⴰⴷ ⴷ-ⵙⵡⴻⵊⴷⴻⵏ ⵜⵉⵅⵅⴰⵎⵉⵏ ⵏ ⵡⴰⴷⴰⴷ ⴷⴻⴳ ⵡⴻⵙⴱⵉⵟⴰⵔ ⵏ ⵍⵇⴰⵍⴰ (ⵟⵟⴰⵔⴻⴼ) ⴰⴽⴽⴻⵏ ⴰⴷ ⴷⴰⵡⵉⵏ ⵉⵚⴻⵢⵢⴰⴷⴻⵏ ⵏ ⵓⵎⴻⵕⵊⴰⵏ ⴰⵢ ⵉⵣⴻⵎⵔⴻⵏ ⴰⴷ ⵏⴹⴻⵔⵔⴻⵏ ⵙⴻⴳ ⵡⴻⵏⴹⴰⴱ ⴷⴷⴰⵡ ⵡⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵏⴻⵎⵀⴰⵍ ⵏ ⵓⵖⴻⵔⴱⴰⵣ ⵏ ⵓⵙⵙⵉⵍⴻⵖ ⴰⵜⴻⴽⵏⵉ ⵏ ⵚⵚⵢⴰⴷⴰ ⴷ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ (ⴻⴼⵜⵒⴰ), ⵏⴰⴷⵉⵔ ⵜⵧⵓⴰⵜⵉ.
ⵢⵉⵡⴻⵏ ⵏ ⵡⴰⵙⵙ ⵓⵇⴱⴻⵍ, ⵢⴻⵍⵍⴰ-ⴷ ⵢⵉⵡⴻⵏ ⵏ ⵓⵙⴻⵀⵡⵓ ⴷ ⵢⵉⵡⴻⵏ ⵏ ⵓⵎⴻⵏⴹⴰⴱ ⴷⴻⴳ ⵍⴻⴱⵃⴻⵕ ⵏ ⵍⵇⴰⵍⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ-ⴰ ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵢⴻⵇⵇⴻⵍ ⵡⴻⵙⴽⴰⵙⵉ ⵖⴻⴼ ⵓⵙⵙⴻⵎⵔⴻⵙ ⵏ ⵜⴻⵙⵏⴰⵊⵢⴰ ⵏ ⵡⴰⴷⴰⴷ ⴷⴻⴳ ⵍⴷⵣⴰⵢⴻⵔ, ⵍⴰⴷⵖⴰ ⵉⵎⵉ ⴰⵢ ⵇⵔⵉⴱ ⴰⴷ ⴷ-ⵜⴻⵇⵇⴻⵍ ⵚⵚⵢⴰⴷⴰ ⵏ ⵓⵎⴻⵕⵊⴰⵏ ».
ⴰⵎⴻⵏⴹⴰⴱ-ⵏⵏⵉ ⵉⵍⴻⵎⵥⵉ ⵓⵎⵉ ⴷ-ⵢⴻⴹⵔⴰ ⵓⵙⴻⵀⵡⵓ-ⴰ ⵏ ⵡⴻⵙⵕⵓⵃⵓ ⵏ ⵡⴰⴷⴰⴷ ⵢⵓⵙⴰ-ⴷ ⵙⴻⴳ ⵊⵉⵊⴻⵍ ⵢⴻⵔⵏⴰ ⵇⵔⵉⴱ ⵢⴻⵎⵎⵓⵜ ⵎⵉ ⵢⴻⵏⴹⴻⴱ ⵙ ⵜⴻⵍⵇⴻⵢ ⴷⴻⴳ ⵡⴰⵎⴰⵏ ⵏ ⵍⴻⴱⵃⴻⵕ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ.
ⵉⵍⴻⵎⵥⵉ-ⴰ ⵢⴻⵎⵏⴻⵄ ⵙⴻⴳ ⵜⵎⴻⵜⵜⴰⵏⵜ ⵎⵉ ⵜ-ⵔⵔⴰⵏ ⵖⴻⵔ ⵓⵙⴻⵏⴷⵓⵇ ⵏ ⵡⴰⴷⴰⴷ ⵏ ⴻⴼⵜⵒⴰ ⴰⵢ ⵙⵙⴻⵇⴷⴰⵛⴻⵏ ⵉ ⵓⵙⵙⵉⵍⴻⵖ ⵏ ⵢⵉⵏⴻⵍⵎⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⵧⵓⴰⵜⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵃⴰⵙⵙⴻⴼ ⵉⵎⵉ ⵓⵍⴰⵛ ⵉⵙⴱⵉⵟⴰⵔⴻⵏ ⴰⵢ ⵢⴻⵙⵄⴰⵏ ⵉⵙⴻⵏⴷⵓⵇⴻⵏ ⵏⴻⵖ ⵜⵉⵅⵅⴰⵎⵉⵏ ⵏ ⵡⴰⴷⴰⴷ.
ⴰⴽⴽⴻⵏ ⴰⴷ ⵢⴻⵜⵜⵡⴰⴼⵀⴻⵎ « ⵡⴰⵣⴰⵍ ⴰⵢ ⵢⴻⵙⵄⴰ ⵜⵜⴰⵡⵉⵍⵜ-ⴰ ⴷⴻⴳ ⵢⴻⵙⴱⵉⵟⴰⵔⴻⵏ », ⵉⵎⴹⴻⴱⴱⴻⵔ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵍⴻⵎⵥⵉ-ⵏⵏⵉ ⴰⵢ ⴷ-ⵙⵙⵓⴽⴽⵙⴻⵏ ⴰⵙⵙ ⵏ ⵍⵊⴻⵎⵄⴰ ⵉⴱⴰⵏ-ⴷ ⵢⴻⴽⵔⴻⴼ ⵢⴻⵔⵏⴰ ⵓⴼⴰⵏ-ⵜ ⵢⵓⵖ-ⵉⵜⴻⵏⵜ ⴷⴻⴳ ⵜⵓⵔⵉⵏ ⵎⵉ ⵢⴻⵡⵡⴻⴹ ⵖⴻⵔ ⵡⴻⵙⴱⵉⵟⴰⵔ ⵏ ⵍⵇⴰⵍⴰ ⴰⵛⴽⵓ ⵓⵔ ⵉⵇⵓⴷⴻⵔ ⴰⵔⴰ ⵉⵍⵓⴳⴰⵏ ⵏ ⵡⴰⵍⵍⵓⵢ ⵙⴻⴳ ⵜⴻⵍⵇⴻⵢ ⵏ ⵍⴻⴱⵃⴻⵕ ⴷ ⴰⵙⴰⵡⴻⵏ ⵙ ⵢⵉⵙⵓⵔⵉⴼⴻⵏ.
ⵉⵎⵉ ⵉⵍⴻⵎⵥⵉ-ⴰ ⵢⵓⵖ-ⵉⵜⴻⵏⵜ ⴷⴻⴳ ⵜⴷⴰⵡⵙⴰ-ⵏⵏⴻⵙ ⵢⴻⵔⵏⴰ ⵢⴻⴱⴷⴰ ⵉⵙⴻⵄⵄⵓ ⵓⴳⵓⵔⴻⵏ ⴷⴻⴳ ⵡⵓⵍ ⴷ ⵓⵏⴻⴼⴼⴻⵙ, ⵡⵡⵉⵏ-ⵜ ⵖⴻⵔ ⵓⵖⴻⵔⴱⴰⵣ ⵏ ⴻⴼⵜⵒⴰ ⴰⵏⴷⴰ ⴰⵢ ⵜ-ⵔⵔⴰⵏ ⵖⴻⵔ ⵓⵙⴻⵏⴷⵓⵇ ⵏ ⵡⴰⴷⴰⴷ, ⵢⴻⵔⵏⴰ ⴷ ⴰⵖⴻⵔⴱⴰⵣ-ⴰ ⴰⵢ ⴷ ⴰⵡⵃⵉⴷ ⴰⵢ ⵢⴻⵙⵙⴻⵍⵎⴰⴷⴻⵏ ⴰⵏⴹⴰⴱ ⴰⵎⵙⴰⴷⵓⵔ ⴷⴻⴳ ⵜⵎⵓⵔⵜ, ⵢⴻⵔⵏⴰ ⴷ ⵏⴻⵜⵜⴰ ⴷⴰⵖ ⴰⵢ ⴷ ⴰⵖⴻⵔⴱⴰⵣ ⴰⵡⵃⵉⴷ ⴰⵢ ⵢⴻⵙⵄⴰⵏ ⵉⵙⴻⵏⴷⵓⵇⴻⵏ ⵏ ⵡⴰⴷⴰⴷ ⴷⴻⴳ ⵡⴻⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ ⵎⴻⵏⵖⵉⵔ ⵜⵉⵇⴻⵛⵍⵉⵏ (ⵍⴽⴰⵣⵉⵕⵏⴰⵜ) ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵍⵃⴰⵎⵉⵣ (ⵍⴷⵣⴰⵢⴻⵔ) ⴷ ⵎⴻⵕⵙ ⵍⴻⴽⴱⵉⵔ (ⴷⴻⴳ ⵓⵜⴰⵔⴰⵎ).
ⴰⵙⴻⵏⴷⵓⵇ ⵏ ⵡⴰⴷⴰⴷ ⵏ ⵓⵖⴻⵔⴱⴰⵣ ⵏ ⴻⴼⵜⵒⴰ ⵙⵙⴻⵇⴷⴰⵛⴻⵏ-ⵜ ⴷⴻⴳ ⵡⴻⵙⵍⴻⵖⵎⵓ ⵏ ⵢⵉⵎⴻⵏⴹⴰⴱⴻⵏ, ⵢⴻⵔⵏⴰ ⵢⴻⵙⵄⴰ ⵢⵉⵡⴻⵜ ⴽⴰⵏ ⵏ ⵜⴳⴻⵍⵎⵓⵙⵜ ⵏ ⵡⵓⴽⵙⵉⵊⵉⵏ, ⴷ ⴰⵛⵓ ⴽⴰⵏ, ⵉⵎⵙⵓⵊⵊⵉⵢⴻⵏ ⵙⵇⴻⴷⵛⴻⵏ ⵜⵜⴰⵡⵉⵍ-ⴰ ⴰⴽⴽⴻⵏ ⴰⴷ ⴷ-ⵙⵙⵓⴽⴽⵙⴻⵏ ⵉⵍⴻⵎⵥⵉ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⵧⵓⴰⵜⵉ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⴷⴰⵡⵉ ⵏ ⵢⵉⵍⴻⵎⵥⵉ-ⴰ ⵙ ⵡⵓⴽⵙⵉⵊⵉⵏ ⵢⴻⴹⴹⴻⴼ ⵓⴳⴰⵔ ⵏ 5 ⵏ ⵜⵙⴰⵄⵜⵉⵏ.
