ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵚⴻⵏⵟⵉⵏⴰ 2015 : ⵔⵔⴰⵏ ⵜⴰⵊⵎⵉⵍⵜ ⵉⵖⴻⴼ ⴰⵔⴰ ⵏⴻⵛⴼⵓ ⵉ ⵜⵎⴻⵕⵃⵓⵎⵜ ⵡⴰⵔⴷⴰ ⴻⵍ ⴷⵊⴰⵣⴰïⵔⵉⴰ

ⵇⵚⴻⵏⵟⵉⵏⴰ – ⵉⵛⴻⵏⵏⴰⵢⴻⵏ ⵉⵎⴻⵇⵔⴰⵏⴻⵏ ⵏ ⵛⵛⵏⴰ ⴰⵣⵣⴰⵢⵔⵉ ⴷ ⵡⵉⴷ ⵏ ⵡⴰⵄⵔⴰⴱⴻⵏ, ⵙⴼⵓⴳⵍⴻⵏ, ⵛⵏⴰⵏ, ⵔⵔⴰⵏ-ⵜⵜ-ⴷ ⴰⵣⴰⵍ ⵏ ⵓⴽⵓⴷ ⵏ ⵜⵎⴻⴷⴷⵉⵜ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵣⴻⵇⵇⴰ ⴰⵀⵎⴻⴷ ⴱⴻⵢ ⵏ ⵇⵚⴻⵏⵟⵉⵏⴰ, ⵜⴰⵛⴻⵏⵏⴰⵢⵜ ⵜⴰⵎⴻⵇⵔⴰⵏⵜ ⵏ ⵛⵛⵏⴰ ⴰⵄⵔⴰⴱ, ⵜⴰⵎⴻⵔⵃⵓⵎⵜ ⵡⴰⵔⴷⴰ ⴻⵍ ⴷⵊⴰⵣⴰⵉⵔⵉⴰ, ⵔⵔⴰⵏ-ⴰⵙ ⵜⴰⵊⵎⵉⵍⵜ ⵉⵖⴻⴼ ⴰⵔⴰ ⵏⴻⵛⴼⵓ ⵉ ⵍⵎⴻⵏⴷ ⵏ ⵜⵎⴻⵖⵔⴰ ⵢⴻⵟⵟⴼⴻⵏ ⴰⵔⵎⵉ ⴷ ⵜⵉⵙⴻⵄⵜⵉⵏ ⵜⵉⵎⴻⵣⵡⵓⵔⴰ ⵏ ⵡⴰⵙⵙ.

ⴷⴻⴳ ⵢⵉⵡⴻⵜ ⵏ ⵜⵣⴻⵇⵇⴰ ⵢⴻⵞⵞⵓⵔⴻⵏ ⴰⵎ ⵜⵎⴻⵍⵍⴰⵍⵜ, ⵉⴷⴻⴳ ⴰⴽⴽ ⵉⵎⴻⵙⵀⴰⵏⴰⵢⴻⵏ ⴱⵔⴰⵏ-ⴷ ⵉ ⵢⵉⵃⵓⵍⴼⴰⵏ-ⵏⵙⴻⵏ ⵏ ⵓⵃⴻⵎⵎⴻⵍ ⴷ ⵍⴼⴻⵔⵃ, ⵎⵔⴰⵡ ⴽⵔⴰⴹ ⵉⵛⴻⵏⵏⴰⵢⴻⵏ, ⵔⵣⴰⵏ ⵖⴻⴼ ⵡⴰⵢⴻⵏ ⴰⴽⴽ ⵜⴻⵛⵏⴰ. ⵓⴳⴰⵔ ⵏ ⴽⵓⵥ ⵏ ⵜⵙⴰⵄⵜⵉⵏ ⵏⵉⵜⵏⵉ ⵛⴻⵏⵏⵓⵏ ⵜⵉⵣⵍⴰⵜⵉⵏ ⵜⵉⵎⴻⵔⴽⴰⵏⵜⵉⵢⵉⵏ ⵏ ⵜⴳⴻⵍⴷⵓⵏⵜ ⵏ ⵛⵛⵏⴰ ⴰⵄⵔⴰⴱ. ⴷ ⵜⵉⵣⵍⴰⵜⵉⵏ ⵉ ⴷ-ⵢⴻⵜⵜⵎⴻⵙⵍⴰⵢⴻⵏ ⵖⴻⴼ ⵍⴻⵣⵣⴰⵢⴻⵔ, ⵖⴻⴼ ⵜⴰⵢⵔⵉ ⴷ ⵜⵓⴷⴻⵔⵜ, ⵡⵡⵉⵏⵜ ⵢⵉⴷ-ⵙⴻⵏⵜ ⵉⵎⴻⵙⵀⴰⵏⴰⵢⴻⵏ ⴷⴻⴳ ⵓⵎⴰⴹⴰⵍ ⵜⴰⵔⴳⵉⵜ ⵏ ’’ⵛⵛⵏⴰ’’ ⵙ ⵓⵥⴰⵡⴰⵏ ⵥⵉⴷⴻⵏ.

ⵢⵉⵡⴻⵏ ⵙⴻⴳ ⵢⵉⵛⴻⵏⵏⴰⵢⴻⵏ ⵃⴻⵎⵍⴻⵏ ⵎⴻⴷⴷⴻⵏ ⵏ ⵛⵛⵏⴰ ⴰⵄⵔⴰⴱ, ⴰⵜⵓⵏⵙⵉ ⵙⴰⴱⴻⵔ ⵔⴻⴱⴰⵉ, ⵢⴻⵙⵄⴰⵏ ⵜⴰⵖⴻⵛⵜ ⵉⴵⴻⵀⴷⴻⵏ ⴷ ⵜⵉⵍⵉⵏ ⵢⴻⵞⵞⴰⵞⵞⴰⵔⴻⵏ ⵜⵉⵟ ⵖⴻⴼ ⵜⴻⵏⵛⵉⵔⵉⵏ ⵏ ⵓⵙⴰⵢⴻⵙ, ⵢⴻⵜⵜⵉ ⵜⴰⴳⵏⵉⵜ ⵢⴻⵔⵡⵉ-ⵜⵜ ⵙ ⵜⴻⵣⵍⵉⵜ ⵢⴻⵀⴷⴰ ⵉ ⵡⴰⵔⴷⴰ, ⴰⵙⴻⴼⵔⵓ-ⵙ ⵢⵓⵔⴰ-ⵜ ⵀⴰⵏⵉ ⴰⴱⴷⴻⵍⴽⵔⵉⵎ ⵎⴰ ⴷ ⴰⵥⴰⵡⴰⵏ ⵏ ⵙⴰⵎⵉ ⵎⴰⴰⵜⵧⵓⴽⵉ, ⵙⴰⴽⵉⵏ ⵢⴻⵛⵏⴰ-ⴷ ⴽⵔⴰ ⵏ ⵜⴻⵣⵍⴰⵜⵉⵏ ‘’ⵎⴻⵛⵀⵓⵔⴻⵏ’’, ⵜⵉⴷ ⵢⴻⵜⵜⵡⴰⵙⵏⴻⵏ ⵓⴳⴰⵔ ⴰⵎⴻⴷⵢⴰ ⵏ ’’ⴰⵏⴷⴰⵀ ⴰⵍⵍⵉⴽ’’, ‘‘ⴰⵍⴰ ⴰⵉⵏⵉ’’, ‘‘ⵀⴰⵔⴰⵎⵜ ⴰⵀⵉⴱⴻⴽ’’, ⵚⵚⴰⵡⴹⴻⵏⵜ ⵉⵎⴻⵙⵀⴰⵏⴰⵢⴻⵏ, ⵉⴷⴻⴳ ⵢⴻⵍⵍⴰ ⵓⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴷ ⵢⵉⵏⴻⴱⴳⴰⵡⴻⵏ ⵏ ⵍⵃⴻⵔⵎⴰ ⵉⴷⴻⴳ ⵍⵍⴰⵏ ⵙⴰⴱⴰⵀ ⴼⴰⴽⵀⵔⵉ, ⵉⵍⵀⴰⵎ ⵛⵀⴰⵀⵉⵏⴻ, ⵡⴰⵍⵉⴷ ⵜⴰⵧⵓⴼⵉⴽ, ⵔⴰⴱⴰⵀ ⴷⵔⵉⴰⵙⵙⴰ ⵔⵏⵓ ⴷⴰⵖⴻⵏ ⵎⵧⵀⴰⵎⴻⴷ-ⵜⴰⵀⴰⵔ ⴼⴻⵔⴳⴰⵏⵉ ⴱⴻⴷⴷⴻⵏ ⴰⴽⴽⴻⵏ ⴰⴷ ⵡⵡⵜⴻⵏ ⴰⴼⵓⵙ ⵉ ⵓⵎⴰⵀⵉⵍ ⵏ ⵙⴰⴱⴻⵔ, ⴷⴻⴳ ⵜⵍⴻⵎⵎⴰⵙⵜ ⵏ ⵜⵜⵍⵉⵍⵉⵡ ⵉ ⵢⴻⴽⴽⴰⵏ ⵙⴻⴳ ⵜⵖⴻⵎⵎⴰⵔ ⵏ ⵜⵣⴻⵇⵇⴰ.

ⵢⴻⴹⴼⴻⵔ ⵍⴰⵜⴻⵕ ⵏ ⵓⵣⴰⵍ ⵏ 60 ⵉⵙⴻⴳⴳⴰⵙⴻⵏ ⵏ ⵜⵓⴷⴻⵔ ⵜⴰⵥⵓⵔⴰⵏⵜ ⵢⴻⵜⵜⴼⴻⴵⴵⵉⴵⴻⵏ ⵏ ⵡⴰⵔⴷⴰ, ⴰⵛⴻⵏⵏⴰⵢ ⴰⵄⵉⵔⴰⵇⵉ ⵔⴻⴷⵀⴰ ⴰⵍ ⴰⴱⴷⴰⵍⵍⴰⵀ, ⴱⵓ ⵜⴰⵖⴻⵛⵜ ⵢⴻⵃⵎⴰⵏ ⵢⴻⵙⵙⴻⵔⴳⴰⴳⵉⵏ ⵉⵎⵙⴻⴼⵍⵉⴷⴻⵏ, ⴰⵏⴷⴰ ⵉ ⵏⴳⴻⵔ ⵜⴰⵎⴰⵡⵜ ⴱⴻⵍⵍⵉ ⵢⴻⵍⵍⴰ ⴷⴰⵖⴻⵏ ⵔⵉⴰⴷ ⴽⴻⵙⵔⵉ, ⵎⵎⵉ-ⵙ ⵏ ⵡⴰⵔⴷⴰ, ⵎⵎⴰⵛⴰⵔⴻⵏⵜ-ⴷ ⵡⴰⵍⵍⴻⵏ-ⵉⵙ ⴷ ⵉⵎⴻⵟⵟⴰⵡⴻⵏ ⵙⴻⴳ ⵜⴻⵣⵍⵉⵜ ‘‘ⴰⴽⴷⵉⴱ ⴰⵍⵍⵉⴽ’’, ⵙⴰⴽⵉⵏ, ⵢⴻⵛⵏⴰ-ⴷ ⵜⵉⵣⵍⵉⵜ ⵜⵉⵙ ⵙⵏⴰⵜ ⵢⴻⵜⵜⵡⴰⵀⴷⴰⵏ ⵉ ⵍⴻⵣⵣⴰⵢⴻⵔ ⴷ ⵓⵎⴻⵣⵔⵓⵢ-ⵉⵙ, ⴰⵟⴰⵙ ⵉ ⴰⵙ-ⵡⵡⵜⴻⵏ ⴰⴼⵓⵙ ⵢⵉⵎⴻⵙⵀⴰⵏⴰⵢⴻⵏ.

ⴰⴽⴽⴻⵏ ⵉ ⴷ-ⵎⵎⵚⴻⴹⴼⴰⵔⴻⵏ, ⵜⴰⵊⵓⴷⴰⵏⵉⵜ ⴷⵉⴰⵏⴰ ⴽⴰⵔⴰⵣⵧⵏ, ⵢⴻⵞⵞⵓⵔⴻⵏ ⴷ ⵙⵙⴻⵔ ⴷⴻⴳ ⵢⵉⵡⴻⵜ ⵏ ⵜⵇⴻⵏⴷⵓⵔⵜ ⵎⵎ ⵢⵉⵏⵉ ⵏ ⵓⵔⴻⵖ, ⵜⴻⵛⵏⴰ-ⴷ ‘‘ⴰⵏⴰ ⵎⴻⵍⵍⵉⵜ ⵎⵉⵏ ⴰⵍⴳⵀⵧⵔⴱⴰ’’. ⵙⴰⴽⵉⵏ ⵢⴻⴹⴼⴻⵔ-ⵉⵜⵜ-ⵉⴷ ⵓⵍⵉⴱⵉ ⴰⵢⵎⴻⵏ ⴰⵍ ⴰⵔⵜⴰⵔ, ⴷ ⴰⴱⴰⵍⵎⵓ ⵏ ⵜⴻⵙⴳⵉⵍⵜ ⵏ ⵜⵍⵉⵥⵔⵉ ‘’ⵙⵜⴰⵔ ⴰⵛⴰⴷⴻⵎⵢ’’, ⵉ ⴷ-ⵢⴻⵛⵏⴰⵏ ‘‘ⵍⴰⵧⵓⵍⴰ ⴻⵍ ⵎⴰⵍⴰⵎⴰ’’. ⵜⴻⵔⵏⴰ-ⴷ ⵜⵎⴻⵕⵕⵓⴽⵉⵜ ⵀⵧⵓⴷⴰ ⵙⴰâⴷ ⵉ ⵢⴻⵛⵏⴰⵏ ⵜⵉⵣⵍⵉⵜ ⵏ ‘‘ⴰⵍ ⵡⴰⴷⴰâ’’.

ⴰⴷ ⴰⵙ-ⵜⵉⵏⵉⴹ ⴷ ⵜⴰⵔⴳⵉⵜ, ⴰⴽⴽⴻⵏ ⴰⴽⴽ ⵉ ⴷⴷⵓⴽⵍⴻⵏ ⵢⵉⵏⴰⵥⵓⵔⴻⵏ ⴷ ⵢⵉⵎⴻⵙⵀⴰⵏⴰⵢⴻⵏ, ⵜⴰⵎⴻⵖⵔⴰ ⵏ ⵜⴻⵊⵎⵉⵍⵜ ⵉ ⵜⵎⴻⵔⵃⵓⵎⵜ ⵡⴰⵔⴷⴰ, ⵉ ⴷ-ⵢⴻⵎⵍⴰⵍⴻⵏ ⴷⴰⵖⴻⵏ ⴷ ⵓⵙⴼⵓⴳⴻⵍ ⵏ ⵡⴰⵙⵙ ⵏ ⵓⵏⴰⵥⵓⵔ, ⵜⴽⴻⵎⵎⴻⵍ ⵙ ⵓⵛⴻⵏⵏⴰⵢ ⴰⵎⴻⵇⵔⴰⵏ ⴰⵍⵓⴱⵏⴰⵏⵉ ⵡⴰⴻⵍ ⵊⴰⵙⵙⴰⵔ ⵉ ⵢⴻⵙⵀⵓⵣⵣⴻⵏ ⵎⴻⴷⴷⴻⵏ ⵙ ⵜⴻⵣⵍⵉⵜ ‘‘ⴰⵍ ⴻⵉⵀ ⴱⵉⵢⴻⵙ'ⴰⵍⵧⵓⵏⵉ’’, ⵢⴻⵛⵏⴰ-ⵜⵜ ⵙ ⵡⴰⵟⴰⵙ ⵏ ⵢⵉⵃⵓⵍⴼⴰⵏ.

ⵜⴰⵙⵓⵔⵉⵜ ⵔⵧⵓⴰïⴷⴰ ⴰⵜⵜⵉⴰ, ⵏⴻⵜⵜⴰⵜ ⴷⴰⵖⴻⵏ ⵜⴻⵙⵙⴻⵡⵀⴻⵎ ⵙ ⵜⴻⵣⵍⵉⵜ ⵏ ‘‘ⵉⵙⵙⵎⴰⵧⵓⵏⵉ’’. ⵙⴰⴽⵉⵏ ⴷ ⵏⵏⵓⴱⴰ ⵏ ⵜⴻⵣⵣⴰⵢⵔⵉⵜ ⵏⴰⴷⴰ ⴻⵍ ⵔⴰⵢⵀⴰⵏⴻ ⵉ ⴷ-ⵢⴻⵛⵏⴰⵏ ⵜⵉⵣⵍⵉⵜ-ⵏⵏⵉ ⵢⴻⵜⵜⵡⴰⵙⵏⴻⵏ ⵏ ⵡⴰⵔⴷⴰ, ‘‘ⴱⵉⵍⴰⴷⵉ ⵧⵓⵀⵉⴱⵧⵓⴽⵉ’’.

ⵜⴻⵟⵟⴻⴼ ⵜⴰⵎⴰ ⵏ ⵓⵥⴰⵡⴰⵏ ⵜⴻⵔⴱⴰⵜ ⵏ ⵢⵉⵎⵥⴰⵡⴰⵏⴻⵏ ⵉⴷⴻⴳ ⵍⵍⴰⵏ ⵢⵉⵣⵣⴰⵢⵔⵉⵢⴻⵏ, ⵉⵙⵓⵔⵉⵢⴻⵏ, ⵉⵍⵓⴱⵏⴰⵏⵉⵢⴻⵏ ⴷ ⵢⵉⵜⵓⵏⵙⵉⵢⴻⵏ, ⴷⴷⴰⵡ ⵓⵖⴻⵍⵍⴰ ⵏ ⵜⴻⵔⴱⴰⵜ ⴰⵎⴰⵢⵉⵙⵟⵔⵓ ⴱⴻⵙⵙⴰⵎ ⴱⴻⴷⴷⵧⵓⵔ. ⵜⴰⵏⴰⵥⵓⵔⵜ ⵜⴰⵎⴰⵚⵔⵉⵜ ⴳⵀⴰⴷⴰ ⵔⴰⵊⴰⴱ ⵉ ⴷ-ⵢⴻⵛⵏⴰⵏ ‘‘ⴼⵉ ⵢⵧⵓⵎ ⵧⵓ ⵍⵉⵍⴰ’’, ⵜⴻⵙⵙⵓⵍⵉ-ⴷ ⴰⴽⴽ ⵛⵛⴼⴰⵡⴰⵜ ⵢⴻⵔⵣⴰⵏ ⵜⴰⵎⴻⵔⵃⵓⵎⵜ ⵡⴰⵔⴷⴰ.

ⴰⴽⴽⴻⵏ ⴷⴰⵖⴻⵏ ⴷⴰⵖⴻⵏ, ⵓⵍⴰ ⵢⵧⵓⵛⴻⴼⵉ ⵜⵧⵓⴼⵉⴽ ⵉ ⴷ-ⵢⴻⵛⵏⴰⵏ ⵜⵉⵣⵍⵉⵜ-ⵏⵏⵉ ⵏ ‘‘ⴰⵉⴷ ⴻⵍ ⴽⴰⵔⴰⵎⴰ’’ ⴷ ⵜⵜⵓⵏⵙⵉⵜ ⵏⴰⴷⵊⴰⵜ ⴰⵜⵜⵉⴰ ⵉ ⴷ-ⵢⴻⵛⵏⴰⵏ ⵙ ⵢⵉⵡⴻⵜ ⵏ ⵜⵖⴰⵔⴰ ⵜⴰⴳⴻⵍⴷⴰⵏⵜ ‘‘ⵛⵀⵧⵓ’ⵧⵓⵔⵉ ⵏⴰⵀⵢⵉⵜⴻⴽ’’.

ⵜⴻⵙⵙⵓⴷⴷⴻⵙ-ⵉⵜⵜ-ⵉⴷ ⵜⵙⵓⴷⵓⵜ ⵜⴰⵖⴻⵍⵏⴰⵡⵜ ⵏ ⵢⵉⴷⵍⴻⵙ ⴷ ⵢⵉⵙⴰⵍⴰⵏ (ⵧⵏⵛⵉ), ⵜⴻⵔⵙ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵏ’’ⵇⵚⴻⵏⵟⵉⵏⴰ, ⵜⴰⵎⴰⵏⴻⵖⵜ 2015 ⵏ ⵢⵉⴷⵍⴻⵙ ⴰⵄⵔⴰⴱ’’, ⵃⴻⴷⵔⴻⵏ ⴷⴰⵖⴻⵏ ⴷⴻⴳ ⵜⵎⴻⵖⵔⴰ-ⵏⵏⵉ ⴰⵟⴰⵙ ⵏ ⵢⵉⵏⵎⵓⵀⴰⵍ ⵏ ⵜⵎⵓⵔⴰ ⵜⵉⵄⵔⴰⴱⵉⵏ.

ⵎⵉ ⴷ-ⵢⴻⴼⴼⴻⵖ ⵙⴻⴳ ⵜⵣⴻⵇⵇⴰ ⵏ ⵢⵉⵀⴰⵏⴰⵢⴻⵏ ⴰⵀⵎⴻⴷ-ⴱⴻⵢ, ⴰⵏⴻⵖⵍⴰⴼ ⵏ ⵢⵉⴷⵍⴻⵙ ⴰⵣⵣⴻⴷⵉⵏⴻ ⵎⵉⵀⵧⵓⴱⵉ ⵢⴻⵏⵏⴰ-ⴷ ⵉ ⵜⵖⴰⵎⵙⴰ ⴱⴻⵍⵍⵉ ⵜⴰⵎⴻⵖⵔⴰ-ⴰ ‘’ⴰⵎ ⵜⴰⵔⴳⵉⵜ, ⵜⴻⵏⴵⴻⵃ’’ ⴰⵎ ⵡⴰⴽⴽⴻⵏ ⵉ ⵜⴻⵍⵍⴰ ⴷ ⵜⴰⵏⴰⴳⴰ ‘’ⵜⴷⵓⴽⵍⵉ ⵏ ⵢⵉⵎⴻⵙⵀⴰⵏⴰⵢⴻⵏ ⴷ ⵢⵉⵏⴰⵥⵓⵔⴻⵏ ⵉ ⴷ-ⵉⵄⴻⴷⴷⴰⵏ ⴰⴽⴽⴻⵏ ⴰⴷ ⵜⴻⵇⵇⵉⵎ ⵡⴰⵔⴷⴰ ⵉ ⵍⴻⴱⴷⴰ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴱⴻⵍⵍⵉ ⵜⴰⵎⴻⵖⵔⴰ-ⴰ ⴷ ’’ⵜⴰⵢⵉⵡⴻⵏⵜ’’, ⴷ ⴰⵎⴻⴷⵢⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴷⴷⵙⴰ, ⵜⴻⴼⴽⴰ-ⴷ ‘’ⵜⵓⴳⵏⴰ ⵏ ⵍⴻⵣⵣⴰⵢⴻⵔ ⵉⴵⴻⵀⴷⴻⵏ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵔⴰⴱ, ⵙ ⵇⵚⴻⵏⵟⵉⵏⴰ.