ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⴻⵎⵎⴰⵙⵜ ⵏ ⵓⵙⵙⵓⴷⴻⵔ ⵏ ⵣⵣⵉⵜ ⵏ ⵓⵣⴻⵎⵎⵓⵔ ⴰⴷ ⵜⴰⵡⴻⴹ ⵖⴻⵔ 3 ⵏ ⵢⵉⴽⵉⵍⵓⴳⵕⴰⵎⴻⵏ ⵉ ⵓⵙⴻⴳⴳⴰⵙ

ⴱⵓⵎⴻⵔⴷⴰⵙ – ⴰⵎⴷⴰⵏ ⴰⴷⵣⴰⵢⵔⵉ ⵏ ⵡⴰⵙⵙ-ⴰ ⵢⴻⵙⵙⵓⴷⵓⵔ 1,5 (ⴰⴽⵉⵍⵓⴳⵕⴰⵎ ⴷ ⵡⴻⵣⴳⴻⵏ) ⵏ ⵣⵣⵉⵜ ⵏ ⵓⵣⴻⵎⵎⵓⵔ ⴷⴻⴳ ⵓⵙⴻⴳⴳⴰⵙ, ⵎⴰⵛⴰ ⴰⵙⵙⵓⴷⴻⵔ-ⴰ ⴰⴷ ⵢⴰⵡⴻⴹ ⵖⴻⵔ 3 ⵏ ⵢⵉⴽⵉⵍⵉⴳⵕⴰⵎⴻⵏ ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⴱⵓⵎⴻⵔⴷⴰⵙ, ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⵓⴷⵓ ⴰⵖⴻⵍⵏⴰⵡ ⴰⵜⴻⴽⵏⵉ ⵏ ⵜⴼⴻⵍⵍⴰⵃⵜ ⵏ ⵢⵉⵙⴻⴽⵍⴰ ⵏ ⵢⵉⴳⵓⵎⵎⴰ ⴷ ⵜⵔⵉⵡⴰ.

« ⵜⵉⵎⴻⵔⵏⵉⵡⵜ-ⴰ ⵢⴻⵜⵜⵡⴰⵙⵙⵉⵀⵍⴻⵏ ⵏ ⵓⵙⵙⵓⴷⴻⵔ ⵏ ⵣⵣⵉⵜ ⵏ ⵓⵣⴻⵎⵎⵓⵔ ⵜⵓⴷⴻⴼ ⴷⴻⴳ ⵡⴰⵀⵉⵍ ⵏ ⵓⵄⴰⵡⴻⵏ ⵏ ⵡⴻⵃⵔⵉⵛ-ⴰ ⵏ ⵜⴼⴻⵍⵍⴰⵃⵜ ⴰⵢⵖⴻⴼ ⴱⴷⴰⵏ ⵅⴻⴷⴷⵎⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴻⵏⴷⵉⵍ ⵎⴰⵀⵎⵧⵓⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ, ⴷⴻⴳ ⵢⵉⵊⵉⴼⴻⵕ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⵖⴻⴼ « ⵣⵣⵉⵜ ⵏ ⵓⵣⴻⵎⵎⵓⵔ ⴷ ⵜⴰⵎⴻⵎⵜ: ⴰⴼⴰⵔⴻⵙ, ⵜⴰⵖⴰⵔⴰ ⴷ ⵢⴻⴳⵍⵉ ⵏ ⵓⵙⵙⵉⵊⵊⴻⵡ ».

ⴰⴽⴽⴻⵏ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵢⴻⵙⵡⵉ-ⴰ, ⴰⵡⴰⵏⴰⴽ ⵢⴻⴱⴷⴰ-ⴷ ⵢⵉⵡⴻⵏ ⵏ ⵡⴰⵀⵉⵍ ⴰⵢⴷⴻⴳ, ⴷⴻⴳ 5 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, 180.000 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵏ ⵜⵣⴻⵎⵔⵉⵏ ⴰⵔⴰ ⵢⴻⴱⴷⵓⵏ ⴰⴷ ⴷ-ⵜⵜⴰⴽⴼⴻⵏ ⴰⵣⴻⵎⵎⵓⵔ, ⵢⴻⵔⵏⴰ ⵜⴰⵊⵓⵎⵎⴰ-ⴰ ⴰⴷ ⵜⴻⵔⵏⵓ ⵖⴻⵔ 200.000 ⵏ ⵢⵉⵇⴻⵟⵟⴰⵔⴻⵏ-ⵏⵏⵉ ⵢⴻⵍⵍⴰⵏ ⵢⴰⴳⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ-ⴰ.

Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⵎⴻⵏⴷⵉⵍ, « ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⵜⵉⵙ 7 ⴷⴻⴳ ⵓⵎⴰⴹⴰⵍ ⴰⵢ ⴷ-ⵉⵅⴻⴷⴷⵎⴻⵏ ⵣⵣⵉⵜ ⵏ ⵓⵣⴻⵎⵎⵓⵔ ⵙ ⵓⴼⴰⵔⴻⵙ ⵏ 50.000 ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ, ⵢⵉⵍⵉ ⴷⴻⴳ ⵓⵙⴻⴳⴳⴰⵙ ⵏ 2000, ⵜⴻⴼⴽⴰ-ⴷ ⴽⴰⵏ 19.000 ⵏ ⵢⵉⵟⵓⵏⴻⵏ ».

« ⴰⵇⵍ-ⴰⵖ ⵏⴻⴹⴹⴻⴼ ⴷⴰⵖ ⴰⵎⴽⴰⵏ ⵡⵉⵙ 5 ⴷⴻⴳ ⵓⵎⴰⴹⴰⵍ ⴷⴻⴳ ⵓⴼⴰⵔⴻⵙ ⵏ ⵣⵣⵉⵜ ⵏ ⵓⵙⵙⴻⵡⵡⵉ ⵙ 220.000 ⵏ ⵢⵉⵟⵓⵏⴻⵏ ⵉ ⵓⵙⴻⴳⴳⴰⵙ, ⵢⵉⵍⵉ ⴷⴻⴳ 2000, ⵏⴻⵅⴷⴻⵎ-ⴷ ⴽⴰⵏ 80.000 ⵏ ⵢⵉⵟⵓⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⴰⴷⴰⵎⵙⴰ ⵏ ⵜⵎⵓⵔⵜ-ⵏⵏⴻⵖ ⴰⵜⵜⴰⵏ ⴷⴻⴳ ⵢⵉⵡⴻⵜ ⵏ « ⵜⴻⴳⵏⵉⵜ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ », ⴷ ⵜⵉⵏ ⴰⵢⴷⴻⴳ ⵜⴰⴼⴻⵍⵍⴰⵃⵜ ⵏ ⵓⵣⴻⵎⵎⵓⵔ ⴷ ⵣⵣⵉⵜ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵡⴻⵍⵍⴻⵀ ⵖⴻⵔ ⵓⵙⵙⵉⵊⵊⴻⵡ ⵖⴻⵔ ⵜⵎⵓⵔⴰ ⵏ ⵡⴻⵣⵖⴰⵔ.

ⵜⵉⴽⵍⵉ-ⴰ ⵜⴻⵃⵡⴰⵊ ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵜⴼⴻⵍⵍⴰⵃⵜ-ⴰ ⵙ ⵍⴻⴽⵎⴰⵍ-ⵏⵏⴻⵙ ⵢⴻⵔⵏⴰ ⴷⴻⴳ ⵡⴰⴽⴽ ⵉⵙⵡⵉⵔⴻⵏ, « ⵙ ⵡⴻⵙⵏⵓⵍⴼⵓ ⵏ ⵙⵙⵓⵇ ⴰⵖⴻⵍⵏⴰⵡ ⴰⵔⴰ ⵢⵉⵍⵉⵏ ⴷ ⴰⴼⵔⴰⵡⴰⵏ ⵢⴻⵔⵏⴰ ⵉⵚⴻⴳⴳⴻⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⴰⵔⴻⵙ ⵏ ⵜⴰⵎⴻⵎⵜ, ⵜⴰⵒⵕⵓⴼⵉⵙⵓⵔⵜ ⴰⵍⵉⵍⴻⵛⵀⴻ ⴽⵀⵧⵓⴽⵀⴰ ⵏ ⵜⴻⵙⴷⴰⵡⵉⵜ ⵏ ⵍⴻⴱⵍⵉⴷⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⵉⵙⴻⵍⵍⴰⴹⴻⵏ ⵏ ⵢⵉⵏⴻⴳⵎⵉⵢⴻⵏ ⵏⵏⴰⵏ-ⴷ ⴷⴰⴽⴽⴻⵏ 95% ⵙⴻⴳ ⵜⴰⵎⴻⵎⵜ ⵏ ⵍⴷⵣⴰⵢⴻⵔ « ⵜⴻⵍⵀⴰ ⵜⵖⴰⵔⴰ-ⵏⵏⴻⵙ ⵢⴻⵔⵏⴰ ⵜⵡⵓⵜⴰ ⵉ ⵡⵓⵛⵛⵉ », ⴰⵛⴽⵓ « ⵜⴻⵜⵜⵡⴰⴼⴰⵔⴻⵙ-ⴷ ⵙ ⵜⴰⵔⵔⴰⵢⵜ ⵜⴰⵎⴻⵏⵙⴰⵢⵜ ⵜⴰⴳⴰⵎⴰⵏⵜ ».

ⵎⴰⵙⵙⴰ ⴰⵍⵉⵍⴻⵛⵀⴻ ⵜⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵜⵓⴽⵛⵉ ⵏ ⵡⴰⵣⴰⵍ ⴷ ⵡⴻⵙⵎⴰⵍ ⵏ ⵓⴼⴰⵔⵉⵙ ⴰⵖⴻⵍⵏⴰⵡ, ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵜⵉⵙⵍⴰⴹ-ⴰ ⵙⵙⴻⴽⵏⴻⵏⵜ-ⴷ ⴷⴰⴽⴽⴻⵏ 70% ⵙⴻⴳ ⵜⴰⵎⴻⵎⵜ ⴰⵢ ⴷ-ⵜⵜⴰⵊⵊⵡⴻⵏ ⵙⴻⴳ ⵜⵎⵓⵔⴰ ⵏ ⵡⴻⵣⵖⴰⵔ « ⵓⵔ ⵜⴻⵍⵀⵉ ⴰⵔⴰ ⵉ ⵡⵓⵛⵛⵉ », ⴰⵛⴽⵓ ⵔⵔⴰⵏ-ⴰⵙ ⵉⴼⴻⵔⴷⵉⵙⴻⵏ ⵉⴽⵔⵓⵔⴰⵏⴻⵏ ⵓⵔ ⵢⴻⵍⵍⵉⵏ ⴰⵔⴰ ⴷ ⵉⴳⴰⵎⴰⵏⴻⵏ.

ⴰⵟⴰⵙ ⵙⴻⴳ ⵢⵉⴳⴻⵏⵙⴰⵙⴻⵏ ⵏ ⵢⵉⵏⴻⴳⵎⵉⵢⴻⵏ ⵉⵖⴻⵍⵏⴰⵡⴻⵏ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴰⵙⵙ-ⴰ ⵏ ⵜⴻⵣⵔⴰⵡⵜ ⴰⵢ ⴷ-ⵙⵙⵓⴷⴷⵙⴻⵏ ⵢⵉⵏⴻⴳⵎⵉⵢⴻⵏ ⵏ ⵜⴻⵙⴷⴰⵡⵉⵜ ⵏ ⴱⵓⵎⴻⵔⴷⴰⵙ, ⵙ ⵡⴻⵎⵄⴰⵡⴻⵏ ⴷ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ, ⵢⴻⵔⵏⴰ ⵍⵍⴰⵏ-ⴷ ⴷⴻⴳ-ⵙ ⴰⵟⴰⵙ ⵏ ⵢⵉⵙⴰⵔⴰⴳⴻⵏ ⵖⴻⴼ ⵓⵙⴻⵏⵜⴻⵍ ⵏ ⵡⴻⵎⵢⴰⴳⴻⵔ-ⴰ.