ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵛⴰⵏ-2017 - ⵜⵉⵎⵍⵉⵍⵉⵜ ⵏ ⵓⵄⴻⴷⴷⵉ ⴳⴰⵔ ⵍⴷⵣⴰⵢⴻⵔ ⴷ ⵙⴻⵢⵛⵀⴻⵍⵍⴻⵙ: « ⵜⴰⵎⵃⴰⴷⴷⵉⵜ ⵙ 10 ⵎⴳⴰⵍ ⵍⴷⵣⴰⵢⴻⵔ »
ⵍⵇⴰⵀⵉⵔⴰ – ⴰⵙⵏⴻⴼⵔⴰⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵙⴻⵢⵛⵀⴻⵍⵍⴻⵙ, ⵓⵍⵔⵉⵛⵀ ⵎⴰⵜⵀⵉⵧⵜ, ⵢⴻⵙⵜⴻⵄⵕⴻⴼ ⴷⴰⴽⴽⴻⵏ ⵜⴰⵖⵍⴰⵎⵜ-ⵏⵏⴻⵙ ⵜⴻⵣⵎⴻⵔ ⴰⴷ ⵜⵜ-ⵜⴻⵔⵔ ⵜⵎⴰⵔⴰ ⴰⴷ ⵜⵓⵔⴰⵔ ⵙ 10 ⴽⴰⵏ ⵏ ⵢⵉⵎⴰⵔⵉⵔⴻⵏ ⵎⴳⴰⵍ ⵍⴷⵣⴰⵢⴻⵔ ⴰⵙⵙ ⵏ ⵙⵙⴻⴱⵜ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ, ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ ⵏ ⵛⴰⵏ-2017 ⵏ ⵜⴽⵓⵔⵜ ⵏ ⵓⴹⴰⵔ.
« ⵓⵔ ⵏⴻⵙⵄⵉ ⴰⵔⴰ ⵍⵅⴻⵜⵢⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⴰⵥⴷⴰⵎ ⵎⴳⴰⵍ ⵍⴷⵣⴰⵢⴻⵔ ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⴰⵖ-ⵢⴻⴼⴽ ⴰⵅⴻⵚⵚⴰⵔ, ⵉⵎⵉ ⵜⴰⵖⵍⴰⵎⵜ-ⴰ ⴷ ⵜⴰⵎⴻⵇⵔⴰⵏⵜ ⵢⴻⵔⵏⴰ ⵜⴻⵙⵄⴰ ⵉⵎⴰⵔⵉⵔⴻⵏ ⵉⵥⴻⵡⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⴷⴻⴳ ⵓⴷⴻⴳ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ.
ⵜⴰⵖⵍⴰⵎⵜ ⵏ ⵙⴻⵢⵛⵀⴻⵍⵍⴻⵙ ⴰⵜⵜⴰⵏ ⴷⴻⴳ ⵍⴷⵣⴰⵢⴻⵔ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⵢⴻⵔⵏⴰ ⵍⴰ ⵜⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⵙⴻⴳ ⵡⵓⵍ ⵉ ⵜⴻⵎⵍⵉⵍⵉⵜ-ⴰ. ⵎⴰ ⴷ ⴰⵙⵍⴻⵖⵎⴰⵢ-ⵏⵏⴻⵙ ⵓⵔ ⴷ-ⵢⴻⴷⴷⵉ ⴰⵔⴰ ⵢⵉⴷ-ⵙ ⵖⴻⴼ ⵍⵊⴰⵍ ⵏ ⵛⵛⵖⴻⵍ ⴰⵢ ⵜ-ⵢⴻⴹⴹⴼⴻⵏ, ⵉⵎⵉ ⵏⴻⵜⵜⴰ ⴷ ⴰⵙⴻⵍⵎⴰⴷ ⴷⴻⴳ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ.
ⵉⵎⵉ ⴰⵢ ⵉⵖⴰⴱ ⵓⵍⵔⵉⵛⵀ ⵎⴰⵜⵀⵉⵧⵜ, ⴷ ⵛⵍⵉⴼⴼ ⵏⵧⵍⵉⵏ (ⴰⵎⴰⵍⴰⵍ ⵏ ⵡⴻⵙⵍⴻⵖⵎⴰⵢ) ⴷ ⵡⴻⵙⵍⴻⵖⵎⴰⵢ ⵏ ⵢⵉⵄⴻⵙⵙⴰⵙⴻⵏ, ⴷⴰⵏⵏⵢ ⵍⴰⵓⵔⴻⵜⵜⴻ, ⴰⵔⴰ ⵢⴻⵙⵍⴻⵖⵎⵓⵏ ⵜⴰⵖⵍⴰⵎⵜ ⵏ ⵙⴻⵢⵛⵀⴻⵍⵍⴻⵙ ⴰⴽⴽⴻⵏ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵢⵉⵏ-ⵏⵏⴻⵙ ⵎⴳⴰⵍ ⵍⴷⵣⴰⵢⴻⵔ ⴷ ⵎⵓⵣⴰⵎⴱⵉⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵜⵀⵉⵧⵜ.
ⵜⴰⵖⵍⴰⵎⵜ ⵏ ⵙⴻⵢⵛⵀⴻⵍⵍⴻⵙ ⴰⴷ ⵜⵓⵔⴰⵔ ⵎⴳⴰⵍ ⵍⴷⵣⴰⵢⴻⵔ ⴰⵙⵙ ⵏ 13 ⵢⵓⵏⵢⵓ ⵖⴻⴼ 8ⵙ30 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ, ⵙⴰⴽⴽⵉⵏ ⴰⴷ ⵜⴻⴷⴷⵓ ⵖⴻⵔ ⵎⵓⵣⴰⵎⴱⵉⴽ ⴰⴽⴽⴻⵏ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵜ ⴰⵙⵙ ⵏ 20 ⵢⵓⵏⵢⵓ ⴷⴻⴳ ⵓⴽⴰⵜⴰⵔ ⵏ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ ⵛⵀⴰⵏ-2016.
