ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵡⴰⵢ ⴰⵚⴻⵃⵔⴰⵡⵉ ⵉⴳⴻⵔ-ⴷ ⵜⵉⵖⵔⵉ ⵉ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⴳⵔⴻⵏ ⵉⵎⴰⵏ-ⵏⵙⴻⵏ ⴷⴻⴳ ⵜⴻⵎⵙⴰⵍⵜ ⵏ ⵜⴻⴽⴱⴻⵔ ⵀⴰⴷⴷⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ

ⴱⵉⵔ ⵍⴻⵃⵍⵓ (ⵉⴽⴰⵍⵍⴻⵏ ⵢⴻⵜⵜⵡⴰⵙⵍⴻⵍⵍⵉⵏ) – ⴰⵙⴻⵍⵡⴰⵢ ⵏ ⵓⵏⴻⵥⵔⵓⴼ ⵓⵜⵔⵉⵎ ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵜⵜⵍⴰⵜⴰ ⵉ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⴽⴽⴻⵏ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵙ ⵍⵄⴻⵊⵍⴰⵏ ⴷⴻⴳ ⵜⴻⵎⵙⴰⵍⵜ ⵏ ⵜⵖⴻⵔⵎⴰⵏⵜ ⵜⴰⵚⴻⵃⵔⴰⵡⵉⵜ ⵜⴻⴽⴱⴻⵔ ⵀⴰⴷⴷⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ ⵙⴷⴻⴼⴼⵉⵔ ⵏⵖⴰⵏ ⵢⴻⵎⵀⵓⵔⴰⵙ ⵉⵎⴻⵕⵕⵓⴽⵉⵢⴻⵏ ⵎⴻⵎⵎⵉ-ⵙ ⴷⴻⴳ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵓⴳⵉⵏ ⴰⴷ ⴰⵙ-ⴷ-ⴳⴻⵏ ⴰⵢⴻⵏ ⴷ-ⵜⴻⵙⵙⵓⵜⴻⵔ.

« ⵏⴻⴱⵖⴰ ⴰⴷ ⴷ-ⵏⴻⵊⴱⴻⴷ ⵍⵡⴻⵍⵀⴰ-ⵏⵡⴻⵏ ⵖⴻⴼ ⵜⴻⴳⵏⵉⵜ ⵏ ⵜⴷⴰⵡⵙⴰ (ⵜⴰⵣⵎⴻⵔⵜ) ⵉⵡⴻⵄⵕⴻⵏ ⴰⵢⴷⴻⴳ ⵜⴻⵍⵍⴰ ⵜⵖⴻⵔⵎⴰⵏⵜ ⵜⴻⴽⴱⴻⵔ ⵀⴻⴷⴷⵉ, ⵢⴻⵎⵎⴰ-ⵙ ⵏ ⵜⴻⵖⵜⴻⵙⵜ ⵎⵧⵀⴰⵎⴻⴷ ⵍⴻⵎⵉⵏⴻ ⵀⴰⵉⴷⴰⵍⵍⴰ, ⴰⵢ ⴷ-ⵢⴻⴱⴷⴰⵏ ⴰⵙⵓⵏⴷⴻⴷ ⵏ ⵍⴰⵥ ⵉⵔⴻⵥⵎⴻⵏ ⵙⴷⴰⵜ ⵜⵇⴻⵏⵚⵓⵍⵉⵜ ⵏ ⵎⴻⵕⵕⵓⴽ ⴷⴻⴳ ⵍⴰⵙ ⵒⴰⵍⵎⴰⵙ, ⴷⴻⴳ ⵙⵒⴻⵏⵢⵓⵍ, ⵙⴻⴳ ⵡⴰⵙⵙ ⵏ 15 ⵎⴰⵢⵓ 2015, ⵢⴻⵔⵏⴰ ⴰⵙⵙⵓⵜⴻⵔ-ⵏⵏⴻⵙ ⵓⵔ ⵜ-ⵇⴻⵢⵢⵎⴻⵏ ⴰⵔⴰ ⵢⵉⴷⵓⴱⴰ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ » ⵙ ⵡⴻⴱⵔⵉⴷ ⵏ ⵜⵇⴻⵏⵚⵓⵍⵉⵜ-ⵏⵏⴻⵙ ⵢⴻⵍⵍⴰⵏ ⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ, ⴰⵎⴰⵔⵓ ⴰⵎⴰⵜⵓ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⴰⵙⵙ ⵏ ⵜⵜⵍⴰⵜⴰ ⵉ ⵎⴰⵙⵙ ⴱⴰⵏ ⴽⵉ-ⵎⵧⵧⵏ.

ⵎⵧⵀⴰⵎⴻⴷ ⵍⴻⵎⵉⵏⴻ ⵀⴰⵉⴷⴰⵍⵍⴰ ⵢⴻⵎⵎⵓⵜ ⴰⵙⵙ ⵏ 8 ⴼⵓⵕⴰⵕ 2015 ⴷⴻⴳ ⵡⴻⵙⴱⵉⵟⴰⵔ ⵏ ⵜⴻⵎⴷⵉⵏⵜ ⵜⴰⵎⴻⵕⵕⵓⴽⵉⵜ ⵏ ⴰⴳⴰⴷⵉⵔ, « ⵙⴷⴻⴼⴼⵉⵔ ⵎⴰ ⵜⵄⴻⴷⴷⴰⵏ ⴼⴻⵍⵍ-ⴰⵙ ⴷⴻⴳ ⵜⴻⵎⴷⵉⵏⵜ ⵏ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⴷ ⵡⵉⵏ ⴰⵢⴷⴻⴳ ⵜⵜⴻⴽⴽⴰⵏ 5 ⵏ ⵢⴻⵎⵀⵓⵔⴰⵙ ⵉⵎⴻⵕⵕⵓⴽⵉⵢⴻⵏ ⴷⴻⵀ ⵡⴰⵙⵙ ⵏ 3 ⴼⵓⵕⴰⵕ, ⵢⴻⵔⵏⴰ ⵉⴷⵓⴱⴰ ⴼⴽⴰⵏ ⴰⴼⵓⵙ, ⵉⵎⵉ ⴰⵢ ⵢⴻⵍⵍⴰ ⵢⴰⴳⵉ ⵢⴻⵏⴹⴻⵔⵔ ⵓⵇⴱⴻⵍ ⵎⴰ ⵢⴻⵎⵎⵓⵜ ⴰⵛⴽⵓ ⵢⴻⵜⵜⵡⴰⵄⴻⵜⵜⴻⴱ ⵢⴰⴳⵉ, ⵢⴻⵔⵏⴰ ⵊⵊⴰⵏ-ⵜ ⵓⵔ ⵜ-ⴷⵉⵡⴰⵏ ⴰⵔⴰ ⴰⵎⴰ ⴷⴻⴳ ⵡⴰⵎⵎⴰⵙⴻⵏ ⵏ ⵜⴻⵎⵙⵓⵍⵜⴰ, ⴰⵎⴰ ⴷⴻⴳ ⵢⴻⵙⴱⵉⵟⴰⵔⴻⵏ, ⴰⵎⴰ ⴷⴻⴳ ⵢⴻⵅⵅⴰⵎⴻⵏ ⵏ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍⴰⵣⵉⵣ ⴷⴻⴳ ⵜⴻⴱⵕⴰⵜ-ⵏⵏⴻⵙ ⴰⵢ ⴷ-ⵜⴻⵙⵙⵓⴼⴼⴻⵖ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).

ⵏⵏⵉⴳ ⵡⴰⵢⴰ, « ⵙⴷⴻⴼⴼⵔ ⵎⴰ ⵜⴻⵍⵍⴰ-ⴷ ⴼⴻⵍⵍ-ⴰⵙ ⵜⴻⵊⵔⵉⵎⵜ-ⴰ ⵢⴻⵙⵙⴻⵅⵍⴰⵄⴻⵏ, (ⵀⴰⵉⴷⴰⵍⵍⴰ) ⵢⴻⵜⵜⵡⴰⵎⴹⴻⵍ ⵙ ⵜⵖⴰⵡⵍⴰ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ ⵓⵔ ⵢⴻⵚⴼⵉⵏ ⴰⵔⴰ, ⵢⴻⵔⵏⴰ ⵓⵍⴰ ⵎⴰ ⵜⴰⵡⴰⵛⵓⵍⵜ-ⵏⵏⴻⵙ ⵜⴻⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵡⴻⵃⵜⴰⵛ ⵖⴻⴼ ⵡⴰⵎⴻⴽ ⴰⵢ ⵢⴻⵎⵎⵓⵜ ⵢⴻⵔⵏⴰ ⵜⴻⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵓⵛⴻⵍⵍⴻⵃ ⵉⵍⴻⵍⵍⵉ ⵏ ⵜⴼⴻⴽⴽⴰ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵙⵙⴻⴱⴱⴰ ⵏ ⵜⵎⴻⵜⵜⴰⵏⵜ-ⵏⵏⴻⵙ ⴷ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ » ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵓⴳⵉⵏ ⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⴰⴱⴷⴻⵍⴰⵣⵉⵣ ⵢⴻⵊⴱⴻⴷ-ⴷ ⴷⴰⵖ ⵍⵡⴻⵍⵀⴰ ⵏ ⵎⴰⵙⵙ ⴱⴰⵏ ⴷⴰⴽⴽⴻⵏ « ⵜⴰ ⵎⴰⵛⵉ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⵉⴷⵓⴱⴰ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⴰⴷ ⵙⵇⴻⴷⵛⴻⵏⵜ ⵜⴰⵔⵔⴰⵢⵜ-ⴰ, ⵢⴻⵔⵏⴰ ⴰⵟⴰⵙ ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵎⵎⵓⵜⴻⵏ ⴰⵎ ⵡⴰⴽⴽⴰ ⵙⴻⴳ ⵡⴰⵙⵎⵉ ⴰⵢ ⴷ-ⵥⴻⴷⵎⴻⵏ ⵢⵉⵙⴻⵔⴷⴰⵙⴻⵏ ⵉⵎⴻⵕⵕⵓⴽⵉⵢⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ 31 ⵟⵓⴱⴻⵔ 1975 ».

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ « ⵜⵉⵎⴻⵏⵖⵉⵡⵉⵏ ⵙ ⵓⵊⴻⵎⵎⴰⵍ ⵏⴻⵖ ⵏ ⵢⴻⵎⴷⴰⵏⴻⵏ ⵙ ⵓⵙⵙⴻⵔⵖⵉ, ⵙ ⵡⴻⵎⴹⴰⵍ ⵏⴻⵖ ⵙ ⵓⴹⴻⵢⵢⴻⵔ ⵙⴻⴳ ⵢⵉⵙⴰⴼⴰⴳⴻⵏ ⴷ ⵜⴰⵔⵔⴰⵢⵉⵏ ⵜⵉⵡⴻⵃⵛⵉⵢⵉⵏ ⵏⵉⴹⴻⵏ ».

« ⵍⵉⵃⴰⵍⴰⵜ ⵜⵉⵏⴻⴳⴳⵓⵔⴰ ⴰⵢⴷⴻⴳ ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵏ ⵜⵓⴹⴹⴼⴰ ⵄⴻⵔⴹⴻⵏ ⴰⴷ ⴼⴼⵔⴻⵏ ⵜⵉⴷⴻⵜ ⵖⴻⴼ ⵡⴰⵎⴻⴽ ⴰⵢ ⴷ-ⵜⴻⵍⵍⴰ ⵜⵎⴻⵜⵜⴰⵏⵜ ⴷ ⵜⵉⴷ ⵏ ⵙⴰⵉⴷ ⴷⴻⵎⴱⴰⵔ ⴰⵢ ⵢⴻⵎⵎⵓⵜⴻⵏ ⴷⴻⴳ 2012, ⴷ ⵓⵎⴻⵃⴱⵓⵙ ⴰⵙⴻⵔⵜⵉ ⵀⴰⵙⵙⴰⵏ ⴻⵍ ⵡⴰⵍⵉ ⴷⴻⴳ 2014.

ⴰⵙⴻⵍⵡⴰⵢ ⴰⵚⴻⵃⵔⴰⵡⵉ ⵉⵄⴻⵢⵢⴻⵏ-ⴷ ⴷⴰⴽⴽⴻⵏ « ⵍⴻⵎⵎⴻⵔ ⵓⵔ ⴷ-ⵜⴻⵜⵜⵉⵍⵉ ⴰⵔⴰ ⵜⴳⴻⵔⵎⴰⵏⵜ ⵜⴰⴳⵔⴰⵖⵍⴰⵏⵜ ⵉⵊⴻⵀⴷⴻⵏ, (ⴰⵡⴰⵏⴰⴽ ⴰⵎⴻⵕⵕⵓⴽⵉ) ⵍⴰ ⵢⴻⵜⵜⵏⴰⴷⵉ ⴰⴷ ⵢⴻⵔⵔ ⵜⴰⵊⵔⵉⵎⵜ-ⴰ ⵜⴰⵎⴻⵇⵔⴰⵏⵜ ⴷ ⵜⴰⵖⴰⵡⵙⴰ ⵏ ⵎⴻⵏⵡⴰⵍⴰ ⴰⵢⵖⴻⴼ ⵓⵔ ⵢⴻⵜⵜⵡⴰⵄⴰⵇⴰⴱ ⴰⵔⴰ, ⵢⵉⵍⵉ ⴰⵢⴰ ⴷ ⴰⵄⴼⴰⵙ ⵓⴼⴹⵉⵃ ⵏ ⵢⵉⵎⴻⵏⵣⴰⵢⴻⵏ ⵏ ⵍⵍⵙⴰⵙ ⵏ ⵢⵉⵣⴻⵔⴼⴰⵏ ⵉⴳⵔⴰⵖⵍⴰⵏⴻⵏ ⵏ ⵡⴻⵎⴷⴰⵏ ».