ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵖⴻⴼ ⵜⵓⴳⵉⵏ ⵏ ⵒⵧⵍⵉⵙⴰⵔⵉⵧ ⴰⴽⴽⴻⵏ ⴰⴷ ⵢⴻⵜⵜⵡⴰⵙⵜⴻⵏⵢⵉ ⵡⴻⵎⵜⴰⵡⴰ ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴰⴷ ⴷ-ⵜⵉⵍⵉ ⴷⴻⴳ ⵜⵍⴻⵎⵎⴰⵙⵜ ⵏ ⵢⵓⵏⵢⵓ

ⵍⵓⵅⴻⵎⴱⵓⵔⴳ – ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵍⵓⵅⴻⵎⴱⵧⵓⵔⴳ ⵉⵃⵓⴷⴷ-ⴷ ⴰⵙⵙ ⵏ 15 ⵢⵓⵏⵢⵓ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵖⵉⵎⵉⵜ ⵖⴻⴼ ⵓⵛⵛⴻⵜⴽⵉ ⵏ ⵒⵧⵍⵉⵙⴰⵔⵉⵧ ⵖⴻⴼ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵜⴼⴻⵍⵍⴰⵃⵜ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⴰⵢⴷⴻⴳ ⴷ-ⴷⴷⴰⵏ ⵓⵍⴰ ⴷ ⵉⴽⴰⵍⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⴽⵛⴻⴼ ⵢⵉⵡⴻⵏ ⵏ ⵡⴻⵍⵖⵓ.

ⴰⵍⵖⵓ-ⴰ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵛⵛⴻⵜⴽⴰ ⴰⵙⵙ ⵏ 19 ⵡⴰⵎⴱⴻⵕ 2012 ⵖⴻⵔ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵖⴻⴼ ⵡⴻⵎⵜⴰⵡⴰ ⵏ ⵡⴻⵙⵏⴻⵔⵏⵉ ⵏ 8 ⵎⴻⵖⵔⴻⵙ 2012 ⵏ ⵡⴻⵎⵜⴰⵡⴰ ⵏ ⵜⴼⴻⵍⵍⴰⵃⵜ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ, ⵢⴻⵔⵏⴰ ⵢⴻⵍⵍⴰ-ⴷ ⵓⵛⵛⴻⵜⴽⵉ-ⴰ ⵖⴻⴼ ⵙⵏⴰⵜ ⵏ ⵙⵙⴻⴱⴱⴰⵜ ⵜⵉⵎⴻⵇⵔⴰⵏⵉⵏ.

ⵜⴰⵎⴻⵣⵡⴰⵔⵓⵜ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴻⴳ ⴰⵎⵜⴰⵡⴰ ⴰⵔⴰ ⴷ-ⵉⵃⴰⵣⴻⵏ ⴰⵏⴻⵥⵔⵓⴼ ⵓⵜⵔⵉⵎ ⵢⵉⵍⵉ ⵓⵍⴰ ⴷ ⵢⵉⵡⴻⵜ ⵏ ⵜⵎⵓⵔⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵓⵔ ⵜⴻⵙⵜⴻⵄⵕⴻⴼ ⵙ ⵡⴻⵣⵔⴻⴼ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴻⵃⴽⴻⵎ ⴰⵏⴻⵥⵔⵓⴼ ⵓⵜⵔⵉⵎ.

ⵜⵉⵙ ⵙⵏⴰⵜ, ⵜⴰⴷⵓⴽⵍⵉ ⵜⵓⵕⵓⴼⵉⵜ ⵓⵔ ⵜⴻⵣⵎⵉⵔ ⴰⵔⴰ ⴰⴷ ⵜⴻⵙⵄⵓ ⴰⵙⵙⴰⵖⴻⵏ ⵉⴼⴰⵣⴻⵏ ⴷ ⵎⴻⵕⵕⵓⴽ ⵢⵉⵍⵉ ⵜⴰⵏⴻⴳⴳⴰⵔⵓⵜ-ⴰ, ⵉⵎⵉ ⴰⵢ ⵜⴻⵙⵙⴻⵀⵔⴻⵙ (ⵜⴻⵙⵜⴻⵄⵎⴻⵕ) ⴰⵏⴻⵥⵔⵓⴼ ⵓⵜⵔⵉⵎ, ⵜⴻⵄⴼⴻⵙ ⵖⴻⴼ ⵢⵉⵣⴻⵔⴼⴰⵏ ⵉⴳⵔⴰⵖⵍⴰⵏⴻⵏ ⵏ ⵍⵍⵙⴰⵙ.

ⴰⵛⵛⴻⵜⴽⵉ-ⴰ ⵢⴻⵍⵍⴰ-ⴷ ⵖⴻⴼ ⵕⵕⴰⵢ ⵏ ⵓⵙⴻⵇⵇⴰⵎⵓ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵢ ⵢⴻⵙⵜⴻⵏⵢⴰⵏ ⴰⵎⵜⴰⵡⴰ-ⴰ, ⵙⴰⴽⴽⵉⵏ ⵜⴰⵙⴻⵇⵇⴰⵎⵓⵜ ⵜⵓⵕⵓⴼⵉⵜ ⵜⴻⴼⵔⴻⵏ ⴰⴷ ⵜⴱⴻⴷⴷⴻⵍ ⵜⴰⵙⴻⴽⴽⵉⵔⵜ.

ⵎ’ⵀⴰⵎⴻⴷ ⴽⵀⴰⴷⴰⴷ, ⴰⵙⴻⵎⵢⵓⴷⴷⴰⵙ ⴰⵚⴻⵃⵔⴰⵡⵉ ⵖⴻⵔ ⵜⵓⵖⴷⴰⴹⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⵢⴻⵏⵏⴰ-ⴷ ⴷⴰⴽⴽⴻⵏ « ⵙ ⵛⵛⵕⴻⵄ-ⴰ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ ⵓⵕⵓⴼⵉ, ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵢ ⵢⴻⵔⵣⴰ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⴳⴻⵏⵙⴰⵙⵜ ⵜⴰⵡⵃⵉⴷⵜ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⴰⴷ ⵜⵃⵓⴷⴷ ⴰⵣⵔⴻⴼ ⵏ ⵓⴳⴳⵓⵛⵛⴻⵍⵎⴰⵏ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⵢⴻⵔⵏⴰ ⵙ ⵡⴰⵢⴰ ⴷⴰⵖ, ⴰⴷ ⵜⵃⵓⴷⴷ ⵜⵉⵖⴱⵓⵍⴰ ⵜⵉⴳⴰⵎⴰⵏⵉⵏ, ⵉⵎⵉ ⵜⵉⵖⴱⵓⵍⴰ-ⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⵜⵡⴰⵖⴻⵍⵍⵜⴻⵏⵜ ⵎⴰ ⵢⴻⵍⵍⴰ ⵎⴰⵛⵉ ⵉ ⵍⴼⴰⵢⴷⴰ ⵏ ⵡⴻⵖⵔⴻⴼ-ⴰ ⵢⴻⵔⵏⴰ ⴷⴷⴰⵡ ⵍⴻⵃⴽⴻⵎ-ⵏⵏⴻⵙ ».

ⵎⴰⵙⵙ ⴽⵀⴰⴷⴰⴷ ⵢⴻⵔⵏⴰ-ⴷ ⴷⴰⵖ ⴷⴰⴽⴽⴻⵏ « ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⵙⵜⴻⵏⵢⴰⵢ ⵉⵎⵜⴰⵡⴰⵢⴻⵏ ⴰⵢ ⴰⵙ-ⵢⴻⵀⵡⴰⵏ ⴷ ⵎⴻⵕⵕⵓⴽ. ⵎⴰⵛⴰ ⵉⵎⵜⴰⵡⴰⵢⴻⵏ-ⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴽⴽ ⴰⴷ ⴷ-ⵃⴰⵣⴻⵏ ⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ. ⴷ ⴰⵛⵓ ⴽⴰⵏ, ⴰⵙⵍⴰⴹ ⴰⵍⵇⴰⵢⴰⵏ ⵏ ⵜⴻⵎⵙⴰⵍⵜ-ⴰ ⵢⴻⵊⵊⴰ-ⴰⵖ ⴰⴷ ⴷ-ⵏⴰⴼ ⴷⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⴻⵍⵍⴰ ⴷⴻⴳ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⵉⵍⵉ ⴰⵎⵜⴰⵡⴰ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ ⵢⴻⵔⵣⴰ ⴽⴰⵏ ⴰⴽⴰⵍ ⵏ ⵎⴻⵕⵕⵓⴽ ⵢⴻⵔⵏⴰ ⵓⵔ ⵢⴻⴼⴽⵉ ⴰⵔⴰ ⴰⴽⴽ ⵜⵜⴻⵙⵔⵉⵃ ⵉ ⵜⵉⵍⵍⵉⵏ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵓⵔ ⵢⴻⵍⵍⵉⵏ ⴰⵔⴰ ⴷⴷⴰⵡ ⵜⵏⴰⵢⴰ ⵜⴰⵎⴻⵕⵕⵓⴽⵉⵜ ».

ⴰⵏⴻⵥⵔⵓⴼ ⵓⵜⵔⵉⵎ ⴷ ⴰⴽⴰⵍ ⵓⵔ ⵢⴻⵙⵄⵉⵏ ⴰⵔⴰ ⵜⴰⴼⵓⵍⵎⴰⵏⵜ ⵢⴻⵔⵏⴰ ⵉⵃⵓⵣⴰ-ⵜ-ⵉⴷ ⵓⵎⴰⴳⵔⴰⴷ 73 ⵏ ⵡⴻⵔⴽⴰⵡⴰⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⵎⴻⵕⵕⵓⴽ ⵓⵔ ⵜⴻⵙⵄⵉ ⴰⵔⴰ ⴰⴽⴽ ⴰⵣⵔⴻⴼ ⴰⴽⴽⴻⵏ ⴰⴷ ⵜⴻⵃⴽⴻⵎ ⴰⴽⴰⵍ-ⴰ. ⵜⴰⴳⵏⵉⵜ-ⴰ ⵏ ⵍⵇⴰⵏⵓⵏ ⴰⵢ ⴷ-ⵉⵡⴻⴽⴽⴻⴷ ⴰⵅⵅⴰⵎ ⴰⴳⵔⴰⵖⵍⴰⵏ ⵏ ⵛⵛⵕⴻⵄ ⴷⴻⴳ ⵡⴻⵍⵖⵓ-ⵏⵏⴻⵙ ⵏ 16 ⵟⵓⴱⴻⵔ 1975, ⵄⴰⵡⴷⴻⵏ ⵡⴻⴽⴽⴷⴻⵏ-ⵜ-ⵉⴷ ⴰⴽⴽ ⵓⴷⵓⵙⴻⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.