ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ: ⵜⵉⵖⵙⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵏ ⴱⴻⵔⵔⴰⵇⵉ ⴷ ⴱⵏⵉ ⵎⴻⵙⵙⵓⵙ ⴰⴷ ⵔⵏⵓⵏⵜ ⴰⵅⴻⴷⴷⵉⵎ-ⵏⵙⴻⵏⵜ ⵙ ⵙⵏⴰⵜ ⵏ ⵜⵉⴽⴽⴰⵍ ⴷⴻⴳ ⵢⵓⵍⵢⵓ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⵉⵣⴻⵎⵎⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵏ ⵜⴻⵖⵙⴰⵔ ⵏ ⴱⴻⵔⵔⴰⵇⵉ ⴷ ⴱⵏⵉ ⵎⴻⵙⵙⵓⵙ ⴰⴷ ⵔⵏⵓⵏⵜ ⵙ ⵙⵏⴰⵜ ⵏ ⵜⵉⴽⴽⴰⵍ ⴰⵙⵎⵉ ⴰⵔⴰ ⴱⴷⵓⵏ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⴰⴷ ⵜⵜⴻⴷⴷⵓⵏ ⴷⴻⴳ-ⵙⴻⵏⵜ ⴷⴻⴳ ⵢⵓⵍⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵓⵡⴰⵍⵉ ⴰⴱⴷⴻⵍⴽⴰⴷⴻⵔ ⵣⵧⵓⴽⵀ.

« ⴰⴼⵎⵉⴹⵉ ⵏ ⵓⵙⴻⴽⴽⴻⵔ ⵏ ⵡⴰⵎⴰⵏ ⵢⵓⵎⵙⴻⵏ ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ ⴰⵜⴰⵏ ⵉⵎⵉⵔ-ⴰ 65%. ⴰⴼⵎⵉⴹⵉ-ⴰ ⴰⴷ ⵢⴰⵡⴻⴹ ⵖⴻⵔ 85% ⵙ ⴱⴻⴷⴷⵓ ⵏ ⵓⵅⴻⴷⴷⵉⵎ, ⴷⴻⴳ ⵢⵓⵍⵢⵓ, ⵏ ⵜⵜⴰⵡⵉⵍⴰⵜ ⵏ ⵓⵙⵙⴻⵎⵖⴻⵔ ⴰⵢ ⵢⴻⵍⵍⴰⵏ ⴷⴻⴳ ⴱⴻⵔⵔⴰⵇⵉ ⴷ ⴱⵏⵉ ⵎⴻⵙⵙⵓⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵧⵓⴽⵀ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵙⵉⵏ ⵏ ⵢⵉⵛⴰⵏⵟⵉⵢⴻⵏ.

ⵜⴰⵖⵙⴻⵔⵜ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⵓⵎⵙⴻⵏ ⵏ ⴱⴻⵔⵔⴰⵇⵉ ⵜⴻⴱⴷⴰ ⴰⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ 1989, ⵙⴰⴽⴽⵉⵏ ⵜⴻⴽⴽⴰ ⵜⴰⵍⵍⵉⵜ ⵖⴻⵣⵣⵉⴼⴻⵏ ⵏⴻⵜⵜⴰⵜ ⵜⴻⵖⵍⴻⵇ. ⵙⴷⴻⴼⴼⵉⵔ ⵎⴰ ⵚⴻⴳⴳⵎⴻⵏ-ⵜⵜ, ⵜⵄⴰⵡⴻⴷ ⵜⴻⵔⵥⴻⵎ ⴷⴻⴳ 2008 ⵢⴻⵔⵏⴰ ⵜⴻⵇⵇⴻⵍ ⵜⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵉ ⵡⴰⵣⴰⵍ ⵏ 900.000 ⵏ ⵢⵉⵎⴻⵣⴷⴰⵖⴻⵏ. ⵜⴰⵣⵎⴻⵔⵜ-ⵏⵏⴻⵙ ⴰⴷ ⵜⴻⵔⵏⵓ ⵙ ⵙⵏⴰⵜ ⵏ ⵜⵉⴽⴽⴰⵍ ⴰⴽⴽⴻⵏ ⴰⴷ ⵜⴰⵡⴻⴹ ⴰⴷ ⵜⴻⵙⵙⵉⵣⴷⵉⴳ ⴰⵎⴰⵏ ⵉ ⵡⴰⵣⴰⵍ ⵏ 1,8 ⴷ ⴰⵎⴻⵍⵢⵓⵏ ⵏ ⵢⵉⵎⴻⵣⴷⴰⵖⴻⵏ ⵉⵎⵉ ⴰⵢ ⵢⴻⴱⴷⴰ ⵡⴻⵃⵔⵉⵛ ⵡⵉⵙ ⵙⵉⵏ ⵏ ⵜⴻⵖⵙⴻⵔⵜ-ⴰ ⴰⵎⴰⵀⵉⵍ. ⵏⴰⵇⴰⵍ ⴰⵃⵔⵉⵛ-ⴰ ⴰⴷ ⵢⴻⴱⴷⵓ ⴰⵎⴰⵀⵉⵍ ⴷⴻⴳ ⵢⴻⴱⵔⵉⵔ ⵢⴻⵣⵔⵉⵏ, ⵎⴰⵛⴰ ⵉⵎⵉⵔ-ⴰ ⴰⴷ ⵢⴻⴱⴷⵓ ⴷⴻⴳ ⵢⵓⵍⵢⵓ.

ⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵍⴻⴱⵏⵉ ⵏ ⵡⴻⵃⵔⵉⵛ-ⴰ ⴷ ⴰⵢⴻⵏ ⴰⵢ ⴷ-ⵢⴻⵙⵇⴰⵎⴻⵏ 8,798 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⴱⴷⴰⵏ-ⴷ ⴷⴻⴳ ⵢⴻⴱⵔⵉⵔ ⵏ 2012 ⵉ ⵜⴰⵍⵍⵉⵜ ⵏ 32 ⵏ ⵡⴰⵢⵢⵓⵔⴻⵏ (ⵢⴻⵏⵏⴰⵢⴻⵔ 2015). ⵉⵎⵉⵔ-ⴰ, ⴰⵛⴰⵏⵟⵉ-ⴰ ⵢⴻⵡⵊⴻⴷ ⵙ 90%, ⵢⴻⵔⵏⴰ ⵢⴻⵡⵡⴻⴹ ⵖⴻⵔ ⵜⴻⵙⵡⵉⵄⵜ ⵏ ⵓⵜⴻⵡⵡⴻⵍ, ⵢⴻⵔⵏⴰ ⴼⵓⴽⴻⵏ ⴰⴽⴽ ⵍⴻⵛⵖⴰⵍ ⵏ ⵍⴻⴱⵏⵉ, ⵖⴻⴼ ⵍⴻⵃⵙⴰⴱ ⵏ ⵜⵙⴻⵏⵜⵓⵜ ⵜⴰⵜⴻⴽⵏⵉⵜ ⵏ ⵓⵙⴻⵏⴼⴰⵔ-ⴰ.

ⵎⵉ ⴰⵔⴰ ⵢⴻⴱⴷⵓ ⵡⴻⵃⵔⵉⵛ ⵡⵉⵙ ⵙⵉⵏ ⵏ ⵜⴻⵖⵙⴻⵔⵜ ⵏ ⴱⴻⵔⵔⴰⵇⵉ ⴰⵎⴰⵀⵉⵍ, ⵜⴰⵖⵙⴻⵔⵜ-ⴰ ⴰⴷ ⵜⴻⵇⵇⴻⵍ ⴰⴷ ⵜⴻⵙⵙⵉⵣⴷⵉⴳ ⴰⵎⴰⵏ ⵢⵓⵎⵙⴻⵏ ⵏ 30 ⵏ ⵜⵖⵉⵡⴰⵏⵉⵏ ⵏ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵍⴷⵣⴰⵢⴻⵔ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⵢⴻⵔⵏⴰ ⵍⴰ ⴷ-ⵜⴻⵜⵜⵉⵍⵉ ⵜⴻⵣⵔⴰⵡⵜ ⴰⴽⴽⴻⵏ ⴰⴷ ⴷ-ⵔⵏⵓⵏ ⴰⵃⵔⵉⵛ ⵡⵉⵙ 3 ⵉ ⵜⴻⵖⵙⴻⵔⵜ-ⴰ.

ⵎⴰ ⴷ ⵜⴰⵖⵙⴻⵔⵜ ⵏ ⴱⵏⵉ ⵎⴻⵙⵙⵓⵙ ⵜⴻⵙⵄⴰ ⵜⴰⵣⵎⴻⵔⵜ ⵏ ⵓⵙⵙⵉⵣⴷⴻⴳ ⵏ 250.000 ⵏ ⵢⵉⵎⴻⵣⴷⴰⵖⴻⵏ, ⵢⴻⵔⵏⴰ ⵍⴰ ⵜⴻⵜⵜⴻⴷⴷⵓ ⵙⴻⴳ 2007. ⵜⴰⵣⵎⴻⵔⵜ-ⵏⵏⴻⵙ ⵏ ⵓⵙⵙⵉⵣⴷⴻⴳ ⴰⴷ ⵜⴻⵔⵏⵓ ⵙ ⵙⵏⴰⵜ ⵏ ⵜⵉⴽⴽⴰⵍ ⴰⴽⴽⴻⵏ ⴰⴷ ⵜⴻⵙⵙⵉⵣⴷⵉⴳ ⴰⵎⴰⵏ ⵏ ⵡⴰⵣⴰⵍ ⵏ 500.000 ⵏ ⵢⵉⵎⴻⵣⴷⴰⵖⴻⵏ ⴰⵙⵎⵉ ⴰⵔⴰ ⵢⴻⴱⴷⵓ ⵡⴻⵃⵔⵉⵛ-ⵏⵏⴻⵙ ⵡⵉⵙ ⵙⵉⵏ ⴷⴻⴳ Ɣⵓⵛⵜ ⵏ 2015, ⵖⴻⴼ ⵍⴻⵃⵙⴰⴱ ⵏ ⵢⴻⵎⴹⴻⴱⴱⵔⴻⵏ ⵏ ⵓⵛⴰⵏⵟⵉ-ⴰ, ⵎⴰⵛⴰ ⵎⴰⵙⵙ ⵣⵧⵓⴽⵀ ⵢⴻⵛⵔⴻⴹ-ⴷ ⴰⴷ ⴷ-ⵜⴻⵡⵊⴻⴷ ⴷⴻⴳ ⵡⴰⵢⵢⵓⵔ ⵏ ⵢⵓⵍⵢⵓ.

ⵉⵎⵓⵀⴰⵍ (ⵉⵅⴻⴷⴷⵉⵎⴻⵏ) ⵏ ⵡⴻⵃⵔⵉⵛ-ⴰ ⵡⵉⵙ ⵙⵉⵏ ⵙⵇⴰⵎⴻⵏ-ⴷ 2,656 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⵡⴻⵊⴷⴻⵏ-ⴷ ⵙ 80%. ⴰⵙⵎⵉ ⴰⵔⴰ ⴷ-ⵢⴻⵡⵊⴻⴷ ⵡⴻⵃⵔⵉⵛ-ⴰ, ⴰⴷ ⵜⴻⵇⵇⴻⵍ ⵜⴻⵖⵙⴻⵔⵜ-ⴰ ⴰⴷ ⵜⴻⵙⵙⵉⵣⴷⵉⴳ ⴰⵎⴰⵏ ⵢⵓⵎⵙⴻⵏ ⵏ 6 ⵏ ⵜⵖⵉⵡⴰⵏⵉⵏ ⵏ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⴰⵏⴻⵖⵜ, ⵜⵉ ⴷ ⵜⵉⵖⵉⵡⴰⵏⵉⵏ ⵏ ⴱⵏⵉ ⵎⴻⵙⵙⵓⵙ, ⵄⵉⵏ ⵍⴱⴻⵏⵢⴰⵏ, ⵛⵛⵔⴰⴳⴰ, ⵙⵟⴰⵡⴰⵍⵉ, ⴷⵉⵍⵉ ⴱⵕⴰⵀⵉⵎ ⴷ ⵡⵍⴰⴷ ⴼⴰⵢⴻⵜ.

ⴰⵎⴰⵏ ⵢⴻⵜⵜⵡⴰⵙⴻⴽⴽⵔⴻⵏ ⴷⴻⴳ ⵜⴻⵖⵙⴻⵔⵜ-ⴰ ⴰⴷ ⵄⴰⵡⴷⴻⵏ ⴰⴷ ⵜⴻⵏ-ⵙⵇⴻⴷⵛⴻⵏ ⴷⴻⴳ ⵜⴼⴻⵍⵍⴰⵃⵜ ⴷ ⵡⴻⵙⵙⵡⴰⵢ ⵏ ⵜⴰⵍⵍⵓⵏⵉⵏ ⵜⵉⵣⴻⴳⵣⴰⵡⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵡⵉⵍⴰⵢⵜ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ, ⵙⵎⴰⵉⵍ ⴰⵎⵉⵔⵧⵓⵛⵀⴻ, ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⴷⴰⵖ ⵓⵙⴻⵏⴼⴰⵔ ⵉ ⵓⵙⵙⵉⵡⴻⴹ ⵏ ⵡⴰⵎⴰⵏ-ⴰ ⵙ ⵢⵉⵇⵓⴷⴰⵙ ⵖⴻⵔ ⴱⴰⵢⵏⴰⵎ, ⴱⵓⵛⴰⵡⵉ ⴷ ⵡⵓⵔⵜⵉ ⵏ ⵡⴰⴹⵓⵜⴻⵏ ⵉⵎⴻⵇⵔⴰⵏⴻⵏ (ⴷⵉⵍⵉ ⴱⵕⴰⵀⵉⵎ).

ⴰⴼⵎⵉⴹⵉ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵢⴻⵍⵍⴰ, ⴷⴻⴳ 2006, 6%, ⵙⴰⴽⴽⵉⵏ ⵢⴻⵡⵡⴻⴹ ⵖⴻⵔ 60% ⴷⴻⴳ 2014, ⵢⴻⵔⵏⴰ ⵉⵙⵡⵉ ⵏⴻⵜⵜⴰ ⴷ ⴰⵡⵡⴰⴹ ⵖⴻⵔ 85% ⴷⴻⴳ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⴷⴻⴳ 2015 ⴷ 100% ⴷⴻⴳ 2018, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵧⵓⴽⵀ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵡⴰⵍⵉ ⵢⴻⵙⵙⴻⴼⵇⴻⴷ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵓⵙⴻⴳⵔⴰⵡ ⴰⵎⴰⵢⵏⵓ ⵏ ⵡⴰⵎⴰⵏ ⴳⴰⵔ ⵜⵖⵉⵡⴰⵏⵉⵏ (ⵍⴻⴱⵢⴰⵔ-ⵙⵉⴷⵉ ⵎⵃⴻⵎⵎⴻⴷ) ⴰⵢ ⴷ-ⵢⴻⴱⴷⴰⵏ ⴷⴻⴳ 2004. ⴰⵙⵎⵉ ⴰⵔⴰ ⵢⴻⴱⴷⵓ ⴰⵎⴰⵀⵉⵍ (ⴰⵅⴻⴷⴷⵉⵎ), ⴷⴻⴳ ⵢⵓⵍⵢⵓ, ⴰⵙⴻⴳⵔⴰⵡ-ⴰ ⵏ ⵡⴰⵎⴰⵏ ⴰⴷ ⵢⴻⵜⵜⴰⵡⵉ ⴰⵎⴰⵏ ⵢⵓⵎⵙⴻⵏ ⴷ ⵡⴰⵎⴰⵏ ⵏ ⵓⴳⴻⴼⴼⵓⵔ, ⵢⴻⵔⵏⴰ ⴰⴷ ⵉⵃⵓⴷⴷ ⴰⵙⴰⴳⴻⵏ (ⵍⵎⴻⵔⵚⴰ) ⵏ ⵍⴷⵣⴰⵢⴻⵔ ⵙⴻⴳ ⵡⴰⵎⵎⵓⵙ ⵏ ⵡⴰⵎⴰⵏ, ⵖⴻⴼ ⵍⴻⵃⵙⴰⴱ ⵏ ⵢⴻⵎⴹⴻⴱⴱⵔⴻⵏ ⵏ ⵓⵛⴰⵏⵟⵉ-ⴰ.

ⵎⴰⵙⵙ ⵣⵧⵓⴽⵀ ⵢⴻⵔⵣⴰ ⴷⴰⵖ ⵖⴻⴼ ⵢⵉⵎⵓⴽⴰⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵛⴰⵏⵟⵉ ⵏ ⵓⵙⵙⵉⵣⴷⴻⴳ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ, ⴳⴰⵔ-ⴰⵙⴻⵏ ⴰⴳⴻⵎⵎⴰⴹ ⴰⵢⴻⴼⴼⵓⵙ ⵏ ⵡⴰⵙⵉⴼ-ⴰ ⴰⵏⴷⴰ ⴰⵢ ⵢⴻⵜⵜⴻⵏⵖⴰⵍ ⵖⴻⵔ ⵢⵉⵍⴻⵍ, ⴷ ⴰⵎⴽⴰⵏ ⴰⵢ ⵉⵔⴻⵥⵎⴻⵏ ⵉ ⵍⵖⴰⵛⵉ ⴷⴻⴳ ⵜⴻⵣⵡⴰⵔⴰ ⵏ ⵜⵙⴻⵎⵀⵓⵢⵜ ⵏ ⵓⵏⴻⴱⴷⵓ ⵏ 2015.