Asebter amenzawi

Taleggimt: Adzayri Karim Bouzidi yettwasemma-d d anemhal aslekman n Tiddukla Tagraɣlant n Tleggimt

LuẓANNE – Aselway n Tiddukla tagraɣlant n tleggimt, ataiwani Ching-Kuo Wu, isemma-d Adzayri Karim Bouzidi d anemhal aslekman n tiddukla-a deg wemkan n Ho Kim n Kurya n Wenẓul, ɣef wakken ay d-tettwaxebber Tnegga n Yisalan n Ldzayer sɣur tiddukla-a.

« Akken ur d-yettili ara weḥbas deg umahilm (axeddim) n Tiddukla tagraɣlant n tleggimt sdeffir ma yettwastaxer Ho Kim, aselway n Tiddukla dindin kan isemma-d Adzayri Karim Bouzidi akken ad yeḍḍef amkan n unemhal aslekman », ɣef wakken ay d-tenna teɣbalut-a.

Karim Bouzidi d netta ay yeḍḍfen daɣ amkan n unemhal amatu n Word Series of Boxing (WSB) seg wasmi ay d-tennulfa temsizwert-a tazegnemsadurt seg 2010.

« D akdu akken Tiddukla tagraɣlant n tleggimt d umaḍal n tleggimt ad aɣen abrid yelhan. Ttwaliɣ dakken tamuɣli tamaynut d tmelwi d snat seg tɣawsiwin yesɛan azal d ameqran akken ad nessefɛel aɣawas-nneɣ deg kuẓ (4) n yiseggasen ay d-yetteddun », ɣef wakken ay d-yenna uselway n Tiddukla tagraɣlant n tleggimt, Ching-Kuo Wu.

Aselway n Tiddukla tagraɣlant n tleggimt yeckeṛ-d, seg yidis niḍen, Ho Kim ɣef uttekki-nnes deg wesnerni n Tiddukla deg ṭam-nni (tmanya) n yiseggasen aydeg tt-yeḍḍef.