ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⴻⴳⴳⵉⵎⵜ: ⴰⴷⵣⴰⵢⵔⵉ ⴽⴰⵔⵉⵎ ⴱⵧⵓⵣⵉⴷⵉ ⵢⴻⵜⵜⵡⴰⵙⴻⵎⵎⴰ-ⴷ ⴷ ⴰⵏⴻⵎⵀⴰⵍ ⴰⵙⵍⴻⴽⵎⴰⵏ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ
ⵍⴰⵓⵙⴰⵏⵏⴻ – ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ, ⴰⵜⴰⵉⵡⴰⵏⵉ ⵛⵀⵉⵏⴳ-ⴽⵓⵧ ⵡⵓ, ⵉⵙⴻⵎⵎⴰ-ⴷ ⴰⴷⵣⴰⵢⵔⵉ ⴽⴰⵔⵉⵎ ⴱⵧⵓⵣⵉⴷⵉ ⴷ ⴰⵏⴻⵎⵀⴰⵍ ⴰⵙⵍⴻⴽⵎⴰⵏ ⵏ ⵜⵉⴷⴷⵓⴽⵍⴰ-ⴰ ⴷⴻⴳ ⵡⴻⵎⴽⴰⵏ ⵏ ⵀⵧ ⴽⵉⵎ ⵏ ⴽⵓⵔⵢⴰ ⵏ ⵡⴻⵏⵥⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵜⵜⵡⴰⵅⴻⴱⴱⴻⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵙⵖⵓⵔ ⵜⵉⴷⴷⵓⴽⵍⴰ-ⴰ.
« ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵡⴻⵃⴱⴰⵙ ⴷⴻⴳ ⵓⵎⴰⵀⵉⵍⵎ (ⴰⵅⴻⴷⴷⵉⵎ) ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ ⵙⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵜⴰⵅⴻⵔ ⵀⵧ ⴽⵉⵎ, ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⴷⵉⵏⴷⵉⵏ ⴽⴰⵏ ⵉⵙⴻⵎⵎⴰ-ⴷ ⴰⴷⵣⴰⵢⵔⵉ ⴽⴰⵔⵉⵎ ⴱⵧⵓⵣⵉⴷⵉ ⴰⴽⴽⴻⵏ ⴰⴷ ⵢⴻⵟⵟⴻⴼ ⴰⵎⴽⴰⵏ ⵏ ⵓⵏⴻⵎⵀⴰⵍ ⴰⵙⵍⴻⴽⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⴽⴰⵔⵉⵎ ⴱⵧⵓⵣⵉⴷⵉ ⴷ ⵏⴻⵜⵜⴰ ⴰⵢ ⵢⴻⴹⴹⴼⴻⵏ ⴷⴰⵖ ⴰⵎⴽⴰⵏ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵡⵧⵔⴷ ⵙⴻⵔⵉⴻⵙ ⵧⴼ ⴱⵧⵅⵉⵏⴳ (ⵡⵙⴱ) ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⵜⴻⵎⵙⵉⵣⵡⴻⵔⵜ-ⴰ ⵜⴰⵣⴻⴳⵏⴻⵎⵙⴰⴷⵓⵔⵜ ⵙⴻⴳ 2010.
« ⴷ ⴰⴽⴷⵓ ⴰⴽⴽⴻⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ ⴷ ⵓⵎⴰⴹⴰⵍ ⵏ ⵜⵍⴻⴳⴳⵉⵎⵜ ⴰⴷ ⴰⵖⴻⵏ ⴰⴱⵔⵉⴷ ⵢⴻⵍⵀⴰⵏ. ⵜⵜⵡⴰⵍⵉⵖ ⴷ ⴰⴽⴽⴻⵏ ⵜⴰⵎⵓⵖⵍⵉ ⵜⴰⵎⴰⵢⵏⵓⵜ ⴷ ⵜⵎⴻⵍⵡⵉ ⴷ ⵙⵏⴰⵜ ⵙⴻⴳ ⵜⵖⴰⵡⵙⵉⵡⵉⵏ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⵏⴻⵙⵙⴻⴼⵄⴻⵍ ⴰⵖⴰⵡⴰⵙ-ⵏⵏⴻⵖ ⴷⴻⴳ ⴽⵓⵥ (4) ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ, ⵛⵀⵉⵏⴳ-ⴽⵓⵧ ⵡⵓ.
ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ ⵢⴻⵛⴽⴻⵕ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵀⵧ ⴽⵉⵎ ⵖⴻⴼ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵡⴻⵙⵏⴻⵔⵏⵉ ⵏ ⵜⵉⴷⴷⵓⴽⵍⴰ ⴷⴻⴳ ⵟⴰⵎ-ⵏⵏⵉ (ⵜⵎⴰⵏⵢⴰ) ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵜⵜ-ⵢⴻⵟⵟⴻⴼ.
