ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵓⵙⴰⵔⵓ ⴰⵄⵕⴰⴱ ⵏ ⵡⴻⵀⵕⴰⵏ (ⴼⵉⵧⴼⴰ): ⴰⵙⵄⴻⴷⴷⵉ ⵏ 3 ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵉ ⵡⴻⵅⵜⴰⵎ

ⵡⴻⵀⵕⴰⵏ – ⴽⵔⴰⴹ (3) ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⴰⵢ ⴷ-ⵙⵄⴻⴷⴷⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵙⵉⵏⵉⵎⴰⵜⵉⴽⵜ ⵏ ⵡⴰⵔⴻⵙⵏⵉⵙ ⴷⴻⴳ ⵡⴻⵀⵕⴰⵏ ⵉ ⵡⴻⵅⵜⴰⵎ ⵏ ⵜⴻⵎⵙⵉⵣⵡⴻⵔⵜ ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵏ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵡⴻⵀⵕⴰⵏ ⵏ ⵓⵙⴰⵔⵓ ⴰⵄⵕⴰⴱ (ⴼⵉⵧⴼⴰ). ⴰⵙⴰⵔⵓ « ⵉⴱⵜⴰⵙⵉⵎ ⴰⵏⵜⴰ ⵜⴰⵎⵓⵜ » (ⵣⵎⵓⵎⴻⴳ, ⵍⴰ ⵜⴻⵜⵜⵎⴻⵜⵜⴰⵜⴻⴷ) ⵏ ⵡⴰⵙⵙⵉⵎ ⴻⵙⵙⴰⵉⴷ (ⵙⴻⴳ ⵙⵓⵔⵢⴰ) ⵉⵃⴻⴽⴽⵓ-ⴷ ⵜⴰⵃⴽⴰⵢⵜ ⵏ ⵢⵉⵡⴻⵏ ⵏ ⵢⴻⵎⵙⴻⴽⵏⴻⵡ (ⴰⵚⴻⵡⵡⴰⵔ), ⵙⴰⴷⵉ, ⴰⵢ ⵢⴻⵜⵜⵡⴰⵎⴻⵍⴽⴻⵏ ⵙ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⵖⴻⴼ ⵜⵖⴰⵡⵙⵉⵡⵉⵏ ⵜⵉⵡⴻⵃⵛⵉⵢⵉⵏ ⴰⵢ ⴷ-ⵙⵙⴽⴰⵏⴰⵢⴻⵏ ⵢⴰⵍ ⴰⵙⵙ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵉⵚⴻⵡⵡⴻⵔ-ⴷ ⵉⵎⴰⵏ-ⵏⵏⴻⵙ ⵎⵉ ⵢⴻⵍⵍⴰ ⵢⴻⵜⵜⵄⴰⵇⴰⴱ ⵉⵎⴰⵏ-ⵏⵏⴻⵙ, ⵙⴰⴽⴽⵉⵏ ⵜⵓⴳⵏⵉⵡⵉⵏ-ⵏⵏⵉ ⵙⵙⴻⴽⵏⴻⵏ-ⵜⴻⵏⵜ-ⵉⴷ ⴷ ⴰⵃⵔⵉⵛ ⵙⴻⴳ ⵜⴻⴷⵢⴰⵏⵉⵏ ⵏ ⵙⵓⵔⵢⴰ ⵙⴷⴻⴼⴼⵉⵔ ⵜⵎⴻⵜⵜⴰⵏⵜ-ⵏⵏⴻⵙ ⴷⴻⴳ ⵜⵔⴻⴳⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵢⵉⵙⴰⵍⴰⵏ.

ⴰⵙⴰⵔⵓ ⴰⵡⴻⵣⵍⴰⵏ ⵏ « ⵜⴰⵙⴻⴽⵜⴰ ⵏⵉⴹⴻⵏ » (ⵍ’ⴰⵓⵜⵔⴻ ⴷⵉⵎⴻⵏⵙⵉⵧⵏ) ⵏ ⵜⴻⵎⵙⴻⴹⵔⵓⵜ ⵜⵉⵎⴰⵕⴰⵜⵉⵜ ⴰⵉⵛⵀⴰ ⴻⵣ-ⵣⴻⴳⵀⴰⴱⵉ, ⴷ ⵡⵉⵏ ⴰⵢⴷⴻⴳ ⴷ-ⵜⴻⵜⵜⵓⵏⴻⴼⴽ ⵜⵓⴳⵏⴰ ⵜⴰⵎⴰⴷⵡⴰⵏⵜ ⵏ ⵡⴰⵎⴻⴽ ⴰⵔⴰ ⴼⴰⴽⴻⵏ ⵡⵉⴷ ⴰⵢ ⵢⴻⵛⵛⴹⴻⵏ ⴷⴻⴳ ⵍⵃⴻⵇⵇ ⵏ ⵡⵉⴷ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏ.

ⴰⵙⴰⵔⵓ-ⴰ ⵢⴻⵃⴽⴰ-ⴷ ⵜⴰⵃⴽⴰⵢⵜ ⵏ ⵢⵉⵡⴻⵏ ⵏ ⵓⵏⵓⴱⵉ ⴰⵢ ⵉⴹⵓⵔⵔⴻⵏ ⵡⵉⵢⴰⴹ ⵙⴰⴽⴽⵉⵏ ⵢⴻⴹⵔⴰ-ⴰⵙ ⵓⵙⴻⵀⵡⵓ (ⵍⴰⴽⵙⵉⴷⴰ) ⴰⵢⴷⴻⴳ ⵢⴻⵇⵇⵉⵎ ⵢⴻⵜⵜⵎⴻⴽⵜⵉ-ⴷ ⴰⴽⴽ ⵜⵓⵛⵛⴹⵉⵡⵉⵏ ⴰⵢ ⵉⴳⴰ ⴷⴻⴳ ⵢⴻⵣⵔⵉ.

ⴰⵙⴰⵔⵉ « ⵏⵙⵉⴱⵉ » (ⴰⴹⴻⵡⵡⴰⵍ-ⵉⵏⵓ) ⵏ ⵢⴻⵎⵙⴻⴹⵔⵓ ⴰⴷⵣⴰⵢⵔⵉ ⵀⴰⵙⵙⴰⵏ ⴱⴻⵍⴰⵉⴷ ⴷ ⵡⵉⵏ ⴰⵢ ⴷ-ⵢⴻⵃⴽⴰⵏ ⵜⴰⵃⴽⴰⵢⵜ ⵏ ⵢⵉⵡⴻⵏ ⵏ ⵓⵍⵓⵣⵓⴼ, ⵕⴻⵊⵊⵎⴻⵏ-ⵜ ⵢⵉⵏⴰⵔⴰⴳⴻⵏ-ⵏⵏⴻⵙ (ⵍⵊⵉⵔⴰⵏ) ⵙ ⵢⴻⵥⵔⴰ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⴷ-ⵉⵄⴻⴷⴷⵉ ⴷⴻⴳ ⵡⴻⵣⵏⵉⵇ. ⴰⵔⴳⴰⵣ ⵏ ⵡⴻⵍⵜⵎⴰ-ⵙ ⵢⵓⴼⴰ-ⴷ, ⵢⵉⵡⴻⵏ ⵢⵉⴹ, ⵜⵉⴷⴻⵜ ⵖⴻⴼ ⵓⴹⴻⵡⵡⴰⵍ-ⵏⵏⴻⵙ.

ⴷⴻⴳ ⵡⴻⵙⴽⴰⵙⵉ, ⵉⵎⵙⴻⴹⵔⵓ ⵏ ⵓⵙⴰⵔⵓ-ⴰ ⴰⵢ ⵉⵣⴻⴷⵖⴻⵏ ⴷⴻⴳ ⴼⵕⴰⵏⵙⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵍⵓⵣⵓⴼⵜ ⵜⴻⵍⵍⴰ ⵓⵍⴰ ⴷⴻⴳ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ ⵢⴻⵔⵏⴰ ⵉⵙⵡⵉ ⵏ ⵓⵙⴰⵔⵓ-ⴰ ⵏⴻⵜⵜⴰ ⴷ ⴰⵙⵙⴽⴰⵏ ⵏ ⵜⵙⴻⴷⵎⵉⵔⵜ ⵏ ⵜⵎⴻⵜⵜⵉ ⵖⴻⴼ ⵢⴻⵎⴷⴰⵏⴻⵏ-ⴰ.

ⴰⵙⴰⵔⵓ-ⴰ ⴰⵡⴻⵣⵍⴰⵏ ⴰⵏⴻⴳⴳⴰⵔⵓ ⴷ ⵡⵉⵏ ⴰⵢ ⴷ-ⵢⴻⴳⵍⴰⵏ ⵙ ⵜⵙⴻⴷⵎⵉⵔⵜ ⵉⵊⴻⵀⴷⴻⵏ ⵙⵖⵓⵔ ⵍⵖⴰⵛⵉ, ⵉⵎⵉ ⴰⵢ ⵡⴰⵍⴰⵏ ⴷⴰⴽⴽⴻⵏ ⴰⵙⴻⵏⵜⴻⵍ-ⴰ ⵉⵅⵓⵍⴻⴼ ⴰⵏⵙⴰⵢⴻⵏ ⵏ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ ⵢⴻⵍⵍⴰⵏ ⴷ ⵜⵉⵎⴻⵜⵜⵉ ⵜⴰⵎⴰⴳⴰⵥⵜ.

ⵜⵉⵎⵙⵉⵣⵡⴻⵔⵜ ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵏ ⵜⴼⴰⵙⴽⴰ ⵏ ⵡⴻⵀⵕⴰⵏ ⵜⴼⵓⴽ ⴰⵙⵙ ⵏ ⵍⴰⵕⴻⴱⵄⴰ, ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ 14 ⵏ ⵢⵉⵙⵓⵔⴰ ⵉⵡⴻⵣⵍⴰⵏⴻⵏ ⵙⴻⴳ 11 ⵏ ⵜⵎⵓⵔⴰ. ⵜⴰⵙⴻⵇⵇⴰⵎⵓⵜ ⵏ ⵓⵇⴻⵢⵢⴻⵎ ⴰⵢ ⴷ-ⵢⴻⵍⵀⴰⵏ ⵢⵉⴷ-ⵙⴻⵏ ⵢⴻⵙⵙⴻⵍⵡⵉ-ⵜⵜ ⵢⴻⵎⵙⴻⴹⵔⵓ ⵏ ⵜⵍⵉⵥⵔⵉ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵀⴰⵣⵧⵓⵔⵍⵉ.