Asebter amenzawi

Ifser-d Laksaci azenziɣ amaynut n useẓṛef n unerni adamsan

LEZZAYER – Anebbaḍ n Tbanka n Lezzayer, Mass Mohamed Laksaci, ifser-d, ass n lexmis deg tmaneɣt, igellusen imeqranen n uzenziɣ amaynut n useẓṛef n unerni adamsan deg yiwet n teswiɛt ideg mgaraden wallalen n useẓṛef i d-yekkan seg uṣubbu iṣub uzal n upiṭrul.

Deg ufsir-is ɣef ‘’arkad n tdamsa tamatut deg Lezzayer d usiẓṛef n tbanka n unerni’’, i d-semlen i Uselway anemhal amatu (P-dg) n tbankiwin d yiɣsuren iẓṛafanen yettmahalen deg Lezzayer, anebbaḍ n Tbanka talemmas yenna-d belli azenziɣ-a amaynut yuɣal d taɣawsa yessefken ad tili akken ad nessiweḍ s atug n unerni n 7% sya ar useggas n 2019 am wakken i tt-id-isers d iswi unabaḍ.

"Ahil-a n tikli’’, ara nesmerkanti deg ubrid-nneɣ ɣer sdat, yal mi ara iban umaynut, s tikkin n tbankiwin, ad yessekcem deg usiḍen-is ayen i yes-s ara d-yeglu s wugur iweɛren yerzan aṣubbu n uzal n upiṭrul, yessefk daɣen ad nawi lfayda seg yedrimen nejmeɛ yakan, I d-yenna Mass Laksaci.