ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵃⵉⵊⵊ: ⵢⴻⵍⵍⴰ-ⴷ ⵓⵅⴻⵎⵎⴻⵎ ⵖⴻⴼ ⵓⵃⵓⴷⴷⵓ ⵏ ⵡⴰⵛⵃⴰⵍ ⵏ ⵢⵉⴷⵣⴰⵢⵔⵉⵢⴻⵏ ⴰⵔⴰ ⵢⴻⴷⴷⵓⵏ ⵖⴻⵔ ⵍⵃⵉⵊⵊ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⴷⴰⴽⴽⴻⵏ ⵢⴻⵍⵍⴰ-ⴷ ⵓⵅⴻⵎⵎⴻⵎ ⴷ ⵓⵎⵛⵉⵡⴻⵕ ⵖⴻⴼ ⵓⵃⵓⴷⴷⵓ ⵏ ⵡⴰⵛⵃⴰⵍ ⵏ ⵢⵉⴷⵣⴰⵢⵔⵉⵢⴻⵏ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⴰⵔⴰ ⵢⴻⵜⵜⴻⴷⴷⵓⵏ ⵖⴻⵔ ⵍⵃⵉⵊⵊ, ⵢⴻⵔⵏⴰ ⴰⵎⵛⵉⵡⴻⵕ-ⴰ ⵍⴰ ⴷ-ⵢⴻⵜⵜⵉⵍⵉ ⴷ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.
« ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⵍⴰ ⵉⵅⴻⴷⴷⴻⵎ, ⵙ ⵓⵎⵄⴰⵡⴻⵏ ⴷ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵍⵃⵉⵊⵊ ⴷ ⵍⵄⵓⵎⵕⴰ ⴷ ⵢⵉⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵍⵃⵉⵊⵊ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵜⴻⵎⵙⴰⵍⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⵔⵔⴰⵏ ⵖⴻⴼ ⵢⵉⵡⴻⵔⵜ ⵏ ⵜⵓⵜⵜⵔⴰ ⵜⵉⵎⴰⵡⵉⵜ ⵏ ⵢⵉⵡⴻⵜ ⵏ ⵜⵎⴰⵣⴰⵏⵜ ⵏ ⵓⴽⴰⴱⴰⵔ ⵏ ⵔⵏⴷ (ⴰⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ) ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵢ ⴷ-ⵢⴻⵍⵍⴰⵏ ⵉ ⵜⵓⵜⵜⵔⵉⵡⵉⵏ ⵜⵉⵎⴰⵡⵉⵢⵉⵏ.
ⴰⵏⴻⵖⵍⴰⴼ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴰⵣⴰⵏⴻⵏ ⴰⵢ ⴷ-ⵢⴻⵜⵜⴳⴻⵏⵙⵉⵙⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⴰⴽⴽⴻⵏ ⴰⴷ ⴷ-ⴳⴻⵏ ⵉⵙⵓⵎⴰⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵃⵓⴷⴷⵓ ⵏ ⵡⴰⵛⵃⴰⵍ ⵏ ⵢⵉⴷⵣⴰⵢⵔⵉⵢⴻⵏ ⵉⵎⵉⵏⵉⴳⴻⵏ ⴰⵔⴰ ⵉⵃⵉⵊⵊⴻⵏ ⴷ ⴰⵢⴻⵏ ⴰⵢ ⵢⴻⵃⵡⴰⵊⴻⵏ ⵉⵃⴻⵣⵣⵉⴱⴻⵏ ⴷ ⵓⵍⵎⵉⵙⴻⵏ.
ⵎⵧⵀⴰⵎⴻⴷ ⴰⵉⵙⵙⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⵙⵄⴰⵏ ⵉⵣⴻⵔⴼⴰⵏ ⴷ ⵡⴰⵖⴰⵏⴻⵏ (ⵍⵡⴰⵊⴱⴰⵜ) ⵙⵡⴰⵙⵡⴰ ⴰⵎ ⵡⵉⴷ ⴰⵢ ⵙⵄⴰⵏ ⵡⴰⵔⵔⴰⵡ ⵏ ⵜⵎⵓⵔⵜ-ⵏⵙⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵍⴷⵣⴰⵢⴻⵔ, ⵢⴻⵔⵏⴰ ⵍⵃⵉⵊⵊ ⵢⴻⵔⵣⴰ ⴰⴽⴽ ⵉⴷⵣⴰⵢⵔⵉⵢⴻⵏ, ⴰⴽⴽⴻⵏ ⴱⵖⵓⵏ ⵉⵍⵉⵏ.
ⵉ ⵍⵎⴻⵏⴷ ⵏ ⵜⵉⵊⵊⵉⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵓⵣⵖⴰⵔ ⴰⴷ ⴹⴹⴼⴻⵏ ⴷⴻⴳ ⴷⴷⵉⵏ ⵏ ⵍⵉⵙⵍⴰⵎ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵢⴻⵜⵜⴹⴰⴼⴰⵔ ⵍⴻⵛⵖⴰⵍ ⵏ ⴷⴷⵉⵏ ⵢⴻⵔⵏⴰ ⴰⴷ ⵢⴰⵣⴻⵏ ⵍⵉⵎⴰⵎⴰⵜ ⴷ ⵜⵙⴻⵍⵎⴰⴷⵉⵏ ⵏ ⴷⴷⵉⵏ ⵖⴻⵔ ⵓⵣⵖⴰⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⴰⵎⴻⵙⴳⵉⴷⴰ ⵜⴰⵎⴻⵇⵔⴰⵏⵜ ⵏ ⵒⴰⵔⵉⵙ ⵜⴻⵙⵄⴰ ⴰⵣⴰⵍ ⴷ ⴷⴷⵓⵕ ⴷ ⵉⵎⴻⵇⵔⴰⵏⴻⵏ ⴷⴻⴳ ⵓⵙⵙⵓⴷⴷⴻⵙ ⴷ ⵓⴹⴼⴰⵔ ⵏ ⵜⵥⴰⵍⵍⵉⵜ ⴷ ⵜⵜⵕⴰⵡⵉⵃ ⴷⴻⴳ ⵡⴰⵢⵢⵓⵔ ⵉⵎⵇⴻⴷⴷⴻⵙ ⵏ ⵔⴻⵎⴹⴰⵏ ⴷ ⵜⵉⵊⵊⵉⵏ ⵏ ⵢⵉⴷⵣⴰⵢⵔⵉⵢⴻⵏ ⵉⵎⵉⵏⵉⴳⴻⵏ ⴰⴷ ⵄⴻⴱⴷⴻⵏ ⵕⴻⴱⴱⵉ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ».
