Asebter amenzawi
Talɣuɣa tazzayrit n usnasɣel: d imazzalen n GS Petroliers ay d-yufraren deg Galma
GALMA – D imazzalen n GS Petroliers ay d-yufraren deg temsizzelt ay d-yellan ass n lexmis, deg tezwara n telɣuɣa n Lezzayer n usnasɣel n taggayin n Tedɣert (irgazen d tlawin), Ddaw n 23 (irgazen), Imeẓyanen d Ddaw n 16 (tilawin).
Timsizzelt « mgal tsaɛet » ttekkan deg-s 36 n yimazzalen, yerna uzzlen-tt deg umeccaq n 30 n yikilumitren gar temdint n Galma d tɣiwant n Mǧez Ɛmeṛ. D Abdelkader Belmokhtar n GSP ay d-yezwaren deg-s s 42:05:21, sakkin rnan-d deffir-s Adel Berbari (seg teɣlamt-nnes) d Lamine Saidi n teɣlamt n AS Taɣellist Taɣelnawt (ASSN).
Deg tlawin ay yettekkan deg temsizzelt « mgal tasaɛet », timsizzelt-nsent uzzlent-tt deg umeccaq n 15 n yikilumitren, yerna d Aicha Tihar (n GSP) ay irebḥen, sakkin rnant-d deffir-s Radja Belkacem (Rwiba) d Lydia Kacem n teɣlamt n AS Taɣellist Taɣelnawt.
D tikkelt tamezwarut deg ara tessuddes Tfidiṛalit tadzayrit n usnesɣel timsizzelt-a taɣelnawt deg Galma, yerna yella-d waya s uɛawen n Tmehla n yilemẓiyen d waddal. Aswir n temsizzelt ay d-yellan lexmis-a yella-d « yelha » ɣef wakken ay d-yenna unemhal n teɣlamin tiɣelnawin, Smail Douzi.
Talɣuɣa-a ttekkan deg-s 122 n yimesnasɣalen, yerna ad tkemmel arma d ass n ssebt, ma d ass n ljemɛa ad yili d ass n usgunfu. Taẓrigt yezrin n Telɣuɣa n Lezzayer tella-d deg Yunyu 2014 deg Mɛeskeṛ, yerna ttekkan deg-s 150 n yimazzalen.
