ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

135 ⵏ ⵢⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⴼⴰⵙⴽⴰ ⵜⴰⵖⴻⵍⵏⴰⵡⵜ ⵏ ⵢⵉⵖⴻⵔⴱⴰⵣⴻⵏ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⵏ ⵙⴽⵉⴽⴷⴰ

ⵙⴽⵉⴽⴷⴰ- 135 ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴼⴰⵙⴽⴰ ⵜⴰⵖⴻⵍⵏⴰⵡⵜ ⵏ ⵢⵉⵖⴻⵔⴱⴰⵣⴻⵏ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⴰⵢ ⵉⵔⴻⵥⵎⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵙⴽⵉⴽⴷⴰ.

ⵉⵎⴰⵔⵉⵔⴻⵏ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴷⵢⴰⵏⵜ-ⴰ ⵏ 3 ⵏ ⵡⵓⵙⵙⴰⵏ (ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⴷ ⵓⵏⵔⴰⵔ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⴷⴻⴳ ⵓⵎⵕⴰⵃ ⴰⴳⴻⵊⴷⴰⵏ ⵏ ⵍⵇⵓⵍ) ⵓⵙⴰⵏ-ⴷ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⴳⴰⵔ-ⴰⵙⴻⵏⵜ ⵜⵉⵣⵉ ⵡⴻⵣⵣⵓ, ⵜⵉⵒⴰⵣⴰ, ⵍⴻⵣⵣⴰⵢⴻⵔ, ⵙⴹⵉⴼ, ⵓⵎ ⵍⴻⴱⵡⴰⵇⵉ, ⴱⴳⴰⵢⴻⵜ, ⵍⴻⵖⵡⴰⵟ, ⵙⴽⵉⴽⴷⴰ, ⵡⴻⵀⵕⴰⵏ ⴷ ⵙⵄⵉⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⵡⵉⵍⴰⵢⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ, ⴰⵎⴰⵔ ⴱⵧⵓⴽⴻⵍⵧⵓⴰ.

ⵜⴰⴼⴰⵙⴽⴰ-ⴰ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵓⵙⵙⵉⵍⴻⵖ ⴰⵢ ⴷ-ⵢⴻⴱⴷⴰ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ ⵜⴰⵎⵓⵙⵙⵏⵉ ⵏ ⵢⵉⵍⴻⵎⵥⵉⵢⴻⵏ ⵓⵥⵡⵉⵔⴻⵏ ⵉⵎⴰⵢⵏⵓⵜⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵜⵜⵡⴰⴼⴻⵔⵏⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ ⵢⵉⵍⴻⵎⵥⵉⵢⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ 2018, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵎⴻⴽⵜⵉ ⴷ ⴰⴽⴽⴻⵏ ⵜⴰⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ ⵜⴼⴰⵙⴽⴰ-ⴰ ⵜⴻⵍⵍⴰ-ⴷ ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ.

ⵜⴰⴼⴰⵙⴽⴰ-ⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵏⴰⴷⴷⴰⵍⴻⵏ ⵉⵍⴻⵎⵥⵉⵢⴻⵏ ⵢⴻⵙⵄⴰⵏ ⴷⴷⴰⵡ 18 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵜⵜⴹⴰⴼⴰⵔⴻⵏ-ⵜⵜ 20 ⵏ ⵢⵉⵎⴻⵙⵜⴻⴽⵏⵉⵢⴻⵏ ⴰⵢ ⴷ-ⵙⴻⵎⵎⴰⵏⵜ ⵜⵎⴻⵀⵍⵉⵡⵉⵏ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵜⵡⵉⵍⴰⵢⵉⵏ ⵢⴻⵜⵜⴻⴽⴽⴰⵏ.