ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵜⵍⵉⵜⵉⵜ/ⵜⴰⵍⵖⵓⵖⴰ ⵜⴰⵄⵕⴰⴱⵜ (ⵜⴰⴳⴳⴰⵢⵉⵏ ⵜⵉⵍⴻⵎⵥⵉⵢⵉⵏ): ⵍⴻⵣⵣⴰⵢⴻⵔ ⵜⴼⵓⴽ ⴷ ⵜⵉⵙ 5

ⵜⵓⵏⴻⵙ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴻⵜⵍⵉⵜⵉⵜ ⵏ ⵜⴰⴳⴳⴰⵢⵉⵏ ⵜⵉⵍⴻⵎⵥⵉⵢⵉⵏ (ⵉⵎⴰⵥⵓⵥⴻⵏ/ⵜⵉⵎⴰⵥⵓⵥⵉⵏ) ⵜⴼⵓⴽ ⴷⴻⴳ ⵓⵎⴽⴰⵏ ⵡⵉⵙ 5 ⴷⴻⴳ ⵜⴻⵍⵖⵓⵖⴰ ⵜⴰⵄⵕⴰⴱⵜ ⴰⵢ ⴷ-ⵢⴻⵍⵍⴰⵏ ⵙⴻⴳ 7 ⵖⴻⵔ 9 ⵢⵓⵏⵢⵓ ⴷⴻⴳ ⵜⵓⵏⴻⵙ, ⵢⴻⵔⵏⴰ ⵜⴻⵡⵡⵉ-ⴷ ⵙ ⵓⵊⴻⵎⵎⴰⵍ 7 ⵏ ⵜⵣⴰⵍⵖⵉⵡⵉⵏ (3 ⵏ ⵡⵓⵔⴻⵖ, 2 ⵏ ⵓⵥⵔⴻⴼ ⴷ 2 ⵏ ⵓⴱⵕⵓⵏⵣ).

ⵜⵓⵏⴻⵙ, ⵜⴰⵎⵓⵔⵜ ⴰⵢ ⵢⴻⵙⵙⵓⴷⴷⵙⴻⵏ ⵜⴰⴷⵢⴰⵏⵜ-ⴰ, ⴷ ⵏⴻⵜⵜⴰⵜ ⴰⵢ ⵢⴻⵡⵡⵉⵏ ⴰⵎⴽⴰⵏ ⵏ ⵜⴻⵍⵖⵓⵖⵜ ⵜⴰⵄⵕⴰⴱⵜ ⵙ 34 ⵏ ⵜⵣⴰⵍⵖⵉⵡⵉⵏ (14 ⵏ ⵡⵓⵔⴻⵖ, 9 ⵏ ⵓⵥⵔⴻⴼ ⴷ 11 ⵏ ⵓⴱⵕⵓⵏⵣ), ⵙⴰⴽⴽⵉⵏ ⵜⴻⵔⵏⴰ-ⴷ ⴷⴻⴼⴼⵉⵔ-ⴰⵙ ⵎⴰⵚⴻⵔ ⵙ 25 ⵏ ⵜⵣⴰⵍⵖⵉⵡⵉⵏ (7 ⵏ ⵡⵓⵔⴻⵖ, 10 ⵏ ⵓⵥⵔⴻⴼ ⴷ 8 ⵏ ⵓⴱⵕⵓⵏⵣ), ⵎⴰ ⴷ ⴰⵎⴽⴰⵏ ⵡⵉⵙ ⴽⵔⴰⴹ ⵉⵚⴰⵃ-ⴷ ⵉ ⵍⵄⵉⵔⴰⵇ ⵙ 4 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ.

ⴷⴻⴳ ⵜⴻⵥⵔⵉⴳⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴰⵚⴻⵔ ⴳⴰⵔ 21 ⴷ 23 ⵢⵓⵏⵢⵓ 2013, ⴷ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵡⵡⵉⵏ ⴰⵎⴽⴰⵏ ⵏ ⵜⴻⵍⵖⵓⵖⵜ ⵙ 25 ⵏ ⵜⵣⴰⵍⵖⵉⵡⵉⵏ, ⴳⴰⵔ-ⴰⵙⴻⵏⵜ 13 ⵏ ⵡⵓⵔⴻⵖ, ⵎⴰⵛⴰ ⵜⵉⴽⴽⴻⵍⵜ-ⴰ, ⵢⵓⴷⴻⵔ ⵓⵙⵡⵉⵔ-ⵏⵏⴻⵙ, ⵢⴻⵔⵏⴰ ⵜⴼⵓⴽ ⴷ ⵜⵉⵙ 5 ⴷⴻⴼⴼⵉⵔ ⵍⵄⵉⵔⴰⵇ ⴷ ⵙⵓⴷⴰⵏ.

426 ⵏ ⵢⵉⵏⴰⴷⴷⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ ⵙⴻⴳ 17 ⵏ ⵜⵎⵓⵔⴰ, ⵢⴻⵔⵏⴰ ⵜⴻⵍⵍⴰ-ⴷ ⵜⴻⵍⵖⵓⵖⴰ-ⴰ ⴷⴻⴳ ⵓⵙⴰⵔⵉⵔ ⵓⵍⵉⵎⵒⵉ ⵏ ⵔⴰⴷⴻⵙ ⴷⴻⴳ ⵜⵓⵏⴻⵙ ⴳⴰⵔ 7 ⴷ 9 ⵢⵓⵏⵢⵓ.

ⵎⴻⵏⵖⵉⵔ ⵍⴻⵣⵣⴰⵢⴻⵔ, ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵜⴻⵜⵍⵉⵜⵉⵜ ⵏ 2015 ⵜⵜⴻⴽⴽⴰⵏⵜ ⴷⴰⵖ ⴷⴻⴳ-ⵙ ⵜⵓⵏⴻⵙ (ⵜⴰⵎⵓⵔⵜ ⴷⴻⴳ ⴷ-ⵜⴻⵍⵍⴰ), ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ, ⵍⴻⴽⵡⵉⵜ, ⵇⴰⵟⴰⵔ, ⴱⴻⵃⵕⵉⵏ, ⵄⵓⵎⴰⵏ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⵎⴰⵚⴻⵔ, ⵍⵉⴱⵢⴰ, ⵙⵓⴷⴰⵏ, ⵚⵓⵎⴰⵍⵢⴰ, ⴵⵉⴱⵓⵜⵉ, ⵍⵄⵉⵔⴰⵇ, ⵍⵓⵕⴷⵓⵏ, ⴼⴰⵍⴻⵙⵟⵉⵏ ⴷ ⵍⵓⴱⵏⴰⵏ.

ⵜⵉⵎⵙⵉⵣⵡⴻⵔⵜ-ⴰ ⵜⴻⵜⵜⵉⵍⵉ-ⴷ ⴷ ⴰⵙⵙⴻⵡⵊⴻⴷ ⵉ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⴳⴳⴰⵢⵉⵏ ⵜⵉⵎⴻⵥⵢⴰⵏⵉⵏ ⴰⵔⴰ ⴷ-ⵢⵉⵍⵉⵏ ⴳⴰⵔ 15 ⴷ 19 ⵢⵓⵍⵢⵓ 2015 ⴷⴻⴳ ⵛⴰⵍⵉ (ⴽⵓⵍⵓⵎⴱⵢⴰ).