ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴰⵛⵓⵛⵜ ⵜⴰⵎⵏⴰⴹⴰⵏⵜ ⴷⴻⴳ ⴰⴱⵓⵊⴰ ⵉ ⵓⴼⴰⴽⵉ ⵏ ⵓⵙⵙⴻⵡⵊⴻⴷ ⵏ ⵢⵉⵖⴰⵍⵍⴻⵏ ⴰⵔⴰ ⵢⴻⵏⵏⴰⵖⴻⵏ ⵎⴳⴰⵍ ⴱⵧⴽⵧ ⵀⴰⵔⴰⵎ

ⵍⴻⵣⵣⴰⵢⴻⵔ – ⵉⵖⴼⴰⵡⴻⵏ ⵏ ⵓⵡⴰⵏⴰⴽ ⵏ ⵏⵉⵊⵉⵔⵢⴰ, ⵏⵉⵊⵉⵔ, ⵞⴰⴷ, ⴽⴰⵎⵔⵓⵏ ⴷ ⴱⵉⵏⵉⵏ ⵎⵍⴰⵍⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵎⴰⵏⴻⵖⵜ ⵜⴰⵏⵉⵊⵉⵔⵢⴰⵏⵜ ⵏ ⴰⴱⵓⵊⴰ ⴰⴽⴽⴻⵏ ⴰⴷ ⴼⴰⴽⴻⵏ ⴰⵙⵙⴻⵡⵊⴻⴷ ⴷ ⵓⵙⵙⴻⴱⴷⴻⴷ ⵏ ⵢⵉⵖⴰⵍⵍⴻⵏ ⵉⵎⵏⴰⴹⴰⵏⴻⵏ ⴷⴻⴳ ⴰⵔⴰ ⵢⵉⵍⵉⵏ 9.000 ⵏ ⵢⵉⵙⴻⵔⴷⴰⵙⴻⵏ, ⵢⴻⵔⵏⴰ ⴷ ⵡⵉⴷ ⴰⵔⴰ ⵙⵇⴻⴷⵛⴻⵏ ⴷⴻⴳ ⵢⵉⵎⴻⵏⵖⵉ ⴰⵔⴰ ⵢⴻⵙⵏⴻⴳⵔⴻⵏ ⵜⴰⴳⵔⴰⵡⵜ ⵜⴰⵎⴻⴹⴹⴰⵔⴼⵓⵜ ⵜⵉⵎⵙⴻⵍⵍⴻⵃⵜ ⵜⴰⵏⵉⵊⵉⵔⵢⴰⵏⵜ ⵏ ⴱⵧⴽⵧ ⵀⴰⵔⴰⵎ.

ⵜⴰⵇⴰⵛⵓⵛⵜ-ⴰ ⵙⵡⴻⵊⴷⴻⵏ-ⵜⵜ-ⵉⴷ ⵙ ⵙⵉⵏ ⵡⵓⵙⵙⴰⵏ ⵏ ⵓⵎⵛⵉⵡⴻⵕ ⴳⴰⵔ ⵢⵉⵏⴻⵖⵍⴰⴼⴻⵏ ⵏ ⵜⴻⵎⵃⴰⴷⴷⵉⵜ ⴷ ⵢⵉⵎⴹⴻⴱⵔⴱⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵜⵎⵓⵔⴰ-ⴰ.

ⵜⴰⵇⴰⵛⵓⵛⵜ-ⴰ ⴷ ⵜⵉⵏ ⴷⴻⴳ ⴰⵔⴰ ⴼⴰⴽⴻⵏ ⵜⵜⴼⴰⵚⵉⵍ ⵉⵏⴻⴳⴳⵓⵔⴰ ⵏ ⵜⴷⵓⵙⵉ ⵏ ⵜⴳⴻⵔⵎⴰⵏⵜ ⵜⵓⵛⵔⵉⴽⵜ ⵜⴰⴳⵜⴰⵖⵍⴰⵏⵜ (ⵎⵏⵊⵜⴼ) ⴷⴻⴳ ⴰⵔⴰ ⵜⵜⴻⴽⴽⵉⵏ 8.700 ⵏ ⵢⵉⵙⴻⵔⴷⴰⵙⴻⵏ, ⵉⵎⵙⵓⵍⵜⴰ ⴷ ⵢⵉⵖⴰⵔⵉⵎⴻⵏ ⴰⵔⴰ ⴷ-ⴼⴽⴻⵏⵜ ⵙⴻⵎⵎⵓⵙ-ⴰ (5) ⵏ ⵜⵎⵓⵔⴰ, ⵢⴻⵔⵏⴰ ⴰⵎⵎⴰⵙ ⵏ ⵜⴷⵓⵙⵉ-ⴰ ⴰⴷ ⵢⵉⵍⵉ ⴷⴻⴳ ⵜⵎⴰⵏⴻⵖⵜ ⵜⴰⵞⴰⴷⵉⵜ ⵏ ⵏ’ⴷⵊⴰⵎⴻⵏⴰ. ⴷ ⴰⵊⵉⵏⵉⵕⴰⵍ ⴰⵏⵉⵊⵉⵔⵢⴰⵏ ⵜⵓⴽⵓⵔ ⴱⵓⵔⴰⵜⴰⵉ ⴰⵔⴰ ⵢⵉⵍⵉⵏ ⴷ ⵉⵎⴹⴻⴱⴱⴻⵔ-ⵏⵏⴻⵙ.

ⴷⴻⴳ ⵎⴰⵢⵓ ⵏ 2014 ⴰⵢ ⵜⵜ-ⵉⴷ-ⴼⵔⴰⵏ ⴰⴷ ⴷ-ⵙⴱⴻⴷⴷⴻⵏ ⵜⴰⴷⵓⵙⵉ-ⴰ ⵜⴰⵎⴰⵢⵏⵓⵜ, ⵙⴷⴻⴼⴼⵉⵔ ⵎⴰ ⵜⵜⵡⴰⵅⴻⴹⴼⴻⵏⵜ ⵓⴳⴰⵔ ⵏ 200 ⵏ ⵜⵏⴻⵍⵎⴰⴷⵉⵏ ⵏ ⵜⴻⵙⵏⴰⵡⵉⵜ ⴷⴻⴳ ⵛⵀⵉⴱⵧⴽ, ⴷⴻⴳ ⵏⵉⵊⵉⵔⵢⴰ. ⵜⴰⴷⵓⵙⵉ-ⴰ ⵙⵙⴻⴼⵔⴰⵏ ⵏⴰⵇⴰⵍ ⴰⴷ ⴷ-ⵜⴻⵡⵊⴻⴷ ⴷⴻⴳ ⵡⴰⵎⴱⴻⵕ ⵢⴻⵣⵔⵉⵏ, ⵎⴰⵛⴰ ⵉⵎⵉ ⴰⵢ ⴷ-ⵍⵍⴰⵏ ⵡⵓⴳⵓⵔⴻⵏ ⴳⴰⵔ ⴽⵔⴰ ⵏ ⵜⵎⵓⵔⴰ, ⴰⵙⵙⴻⵡⵊⴻⴷ-ⵏⵏⴻⵙ ⵉⵄⴻⴹⴹⴻⵍ.

ⵜⴰⴷⵓⵙⵉ-ⴰ ⵜⴻⴱⴷⴻⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⵔ ⵢⵉⴷⵉⵙ-ⵏⵏⴻⵙ, ⵢⴻⵔⵏⴰ ⴰⵎⴰⵀⵉⵍ-ⵏⵏⴻⵙ (ⴰⵅⴻⴷⴷⵉⵎ) ⴰⴷ ⴷ-ⵢⵉⵍⵉ ⴷⴻⴳ-ⵙ ⵡⵓⴳⴰⵔ ⵏ ⵓⵎⵙⴻⴼⵀⴰⵎ ⵎⴰ ⵏⵇⵓⵔⴻⵏ-ⵉⵜⵜ ⵖⴻⵔ ⵜⴻⵎⵙⵉⵙⵉⵜ ⵜⴰⵙⴻⵔⴷⴰⵙⵉⵜ ⵜⴰⴼⵔⵉⵇⵉⵜ ⴰⵢ ⵍⴰ ⵢⴻⵜⵜⵏⴰⵖⴻⵏ ⵓⵙⵙⴰⵏ-ⴰ ⵎⴳⴰⵍ ⴱⵧⴽⵧ ⵀⴰⵔⴰⵎ. ⵍⴻⴱⵏⵓ ⵏ ⵡⴰⵎⵎⴰⵙ-ⵏⵏⴻⵙ ⴰⴷ ⴷ-ⵢⴻⵙⵇⴰⵎ 30 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵢⴻⵔⵏⴰ ⴰⴷ ⵢⴻⵟⵟⴻⴼ 12 ⵏ ⵡⴰⵢⵢⵓⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵙⴰⵏⵓⵙⵉ ⵉⵎⵔⴰⵏ ⴰⴱⴷⵓⵍⵍⴰⵀⵓ, ⴰⵖⴻⵍⵍⴰ ⵏ ⵜⵙⴻⵇⵇⴰⵎⵓⵜ ⵏ ⵜⴻⵎⴷⴰ ⵏ ⵓⴳⴻⵍⵎⵉⵎ ⵏ ⵞⴰⴷ.

ⵏⵉⵊⵉⵔⵢⴰ ⴷ ⵢⵉⵎⵙⵉⵙⴰⵏ-ⵏⵏⴻⵙ ⴱⴷⴰⵏ-ⴷ ⵢⵉⵡⴻⵜ ⵏ ⵜⵓⵎⵎⵖⴰ ⵜⵓⵛⵔⵉⴽⵜ ⵎⴳⴰⵍ ⴱⵧⴽⵧ ⵀⴰⵔⴰⵎ ⵙⴻⴳ ⵡⴰⵢⵢⵓⵔ ⵏ ⴼⵓⵕⴰⵕ ⵢⴻⵣⵔⵉⵏ, ⵢⴻⵔⵏⴰ ⵙⵙⴰⵡⴹⴻⵏ ⴰⴷ ⴼⴽⴻⵏ ⵜⵉⵢⵜⵉⵡⵉⵏ ⴷ ⵜⵉⵎⴻⵇⵔⴰⵏⵉⵏ ⵉ ⵜⴻⴳⵔⴰⵡⵜ-ⴰ ⵜⵉⵎⵙⴻⵍⵍⴻⵃⵜ ⴰⵢ ⵢⴻⵇⵇⵍⴻⵏ ⴷ ⴰⵎⵓⵙⵙⵓ ⵉⵎⵙⴻⵍⵍⴻⵃ ⵢⴻⵇⵇⵏⴻⵏ ⵖⴻⵔ ⵜⵓⴷⴷⵙⴰ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⵉ » (ⴷⴰⵄⴻⵛ). ⴱⵧⴽⵧ ⵀⴰⵔⴰⵎ ⵎⴰⵣⴰⵉⵍ-ⵉⵜⵜ ⴷ ⵜⴰⴳⵔⴰⵡⵜ ⴰⵢ ⵉⵣⴻⵎⵔⴻⵏ ⴰⴷ ⵜⴹⵓⵔⵔ ⴰⵎⴰ ⴷ ⵜⴰⵎⵓⵔⵜ ⵏ ⵏⵉⵊⵉⵔⵢⴰ, ⴰⵎⴰ ⴷ ⵜⵉⵎⵓⵔⴰ ⵏⵉⴹⴻⵏ ⵏ ⵜⴻⵎⵏⴰⴹⵜ, ⵓⵍⴰ ⵎⴰ ⵜⵓⵖ ⴰⵟⴰⵙ ⵏ ⵜⵢⵉⵜⵉⵡⵉⵏ ⴷⴻⴳ ⵓⵏⵔⴰⵔ.

ⵉⵎⴻⵏⵖⴰⵏ ⵏ ⴱⵧⴽⵧ ⵀⴰⵔⴰⵎ ⴼⴽⴰⵏ ⴰⵟⴰⵙ ⵏ ⵢⵉⵅⴻⵚⵚⴰⵔⴻⵏ ⵉ ⵢⵉⴳⴻⵏ ⴰⵏⵉⵊⵉⵔⵢⴰⵏ ⵙⴻⴳ ⵜⵍⴻⵎⵎⴰⵙⵜ ⵏ 2014 ⴷ ⴰⵙⴰⵡⴻⵏ, ⵢⴻⵔⵏⴰ ⴱⴷⴰⵏ ⵜⵜⴻⵎⵎⵖⴻⵏ ⵓⵍⴰ ⵖⴻⴼ ⵡⴰⴽⴰⵍⴻⵏ ⴰⵢ ⴷ-ⵉⵇⴻⵔⴱⴻⵏ ⵖⴻⵔ ⵜⵍⵉⵙⴰ ⵏ ⵏⵉⵊⵉⵔⵢⴰ, ⴷⴻⴳ ⴽⴰⵎⵔⵓⵏ, ⵏⵉⵊⵉⵔ ⴷ ⵞⴰⴷ, ⴷⵖⴰ ⴷ ⴰⵢⴰ ⴰⵢ ⵢⴻⵊⵊⴰⵏ ⵜⵉⵎⵓⵔⴰ-ⴰ ⴰⴷ ⴷ-ⴳⵔⴻⵏⵜ ⵉⵎⴰⵏ-ⵏⵙⴻⵏⵜ ⴷⴻⴳ ⵜⴰⵍⵓⴼⵜ-ⴰ, ⵍⴰⴷⵖⴰ ⵞⴰⴷ.