ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ ⵜⵖⵉⵎⵉⵜ ⵜⴰⵏⵓⵎⴰⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ

ⵊⵧⵀⴰⵏⵏⴻⵙⴱⵓⵔⴳ – ⵜⵉⵖⵉⵎⵉⵜ ⵜⴰⵏⵓⵎⴰⵏⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵜⴻⴱⴷⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ (ⵜⴰⴼⵔⵉⵇⵜ ⵏ ⵓⵏⵥⵓⵍ) ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵔⵏⴰ ⵡⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵢⵉⵕⴰⴱⵓⵍⴻⵏ ⴷ ⵍⴻⵡⵚⴰⵢⴰⵜ ⴰⵔⴰ ⵢⴻⵜⵜⵓⵏⴻⴼⴽⴻⵏ ⵉ ⵜⵇⴰⵛⵓⵛⵜ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵉⴼⵔⵉⵇⵉⵢⴻⵏ ⴰⵔⴰ ⴷ-ⵢⵉⵍⵉⵏ ⴳⴰⵔ 14 ⴷ 15 ⵢⵓⵏⵢⵓ ⴰⴽⴽⴻⵏ ⴰⴷ ⵜⵜⵡⴰⵙⴼⴻⵄⵍⴻⵏ.

ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵜⴰⴼⵔⵉⵇⵉⵜ ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ ⵣⵓⵎⴰ ⵜⴳⴻⵔ-ⴷ ⵜⵉⵖⵔⵉ, ⴷⴻⴳ ⵜⵉⵏⴰⵡⵜ ⵏ ⵓⵔⵥⴰⵎ ⵏ ⵜⵖⵉⵎⵉⵜ, ⵉ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴰⴽⴽⴻⵏ « ⴰⴷ ⵉⵍⵉⵏⵜ ⵓⴽⵉⵏⵜ » ⵢⴻⵔⵏⴰ ⴰⴷ ⵙⵡⴻⵊⴷⴻⵏⵜ ⵉⵎⴰⵏ-ⵏⵙⴻⵏⵜ ⴰⴷ ⵇⴰⴱⵍⴻⵏⵜ ⵉⵛⵇⵉⵔⵔⵡⴻⵏ ⴷ ⵡⵓⴳⵓⵔⴻⵏ ⴷⴻⴳ ⵓⴽⴰⵜⴰⵔ ⵏ ⵜⴻⵙⵎⴻⴽⵜⴰⵢⵜ ⵏ 2063. ⵜⴰⵙⵎⴻⴽⵜⴰⵢⵜ-ⴰ ⵙ ⵜⵉⵎⵎⴰⴷ-ⵏⵏⴻⵙ ⴷ ⴰⵙⴻⵏⴼⴰⵔ ⵢⴻⵔⵏⴰ ⴷ ⴰⵖⴰⵡⴰⵙ ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵍⴻⵀⵏⴰ ⴷ ⵜⴷⵓⴽⵍⵉ ⵏ ⵜⴻⴼⵔⵉⵇⵜ.

ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵓⵙⵙⴻⴼⵄⴻⵍ ⵏ ⵜⴻⵙⵎⴻⴽⵜⴰⵢⵜ ⵏ 2063, ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ-ⵣⵓⵎⴰ ⵜⴻⵏⵛⴻⴷ-ⴷ ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⵖⵉⵎⵉⵜ ⵜⵉⵙ 27 ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵢⵉⵎⵉⵀⵉⵜⴻⵏ ⵉⴳⴻⵏⵙⵉⵢⴻⵏ ⴷ ⵡⵓⴼⴼⵉⵖⴻⵏ, ⴳⴰⵔ-ⴰⵙⴻⵏ ⵜⵉⵎⵙⴰⵍ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ, ⴰⵎⵉⵀⵉ ⵏ ⵜⴰⵥⴻⵢⵜ ⵏ ⵜⵉⴽⵍⵉ ⴷⴻⴳ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⵍⴻⴱⵏⵉ ⵏ ⵜⴷⵓⵎⵚⵉⵡⵉⴽⵉⵏ ⴷ ⵓⵏⴻⵡⵡⴻⵄ ⵏ ⵜⴷⴰⵎⵙⴰ.

ⵎⴰⵙⵙⴰ ⴷⵍⴰⵎⵉⵏⵉ-ⵣⵓⵎⴰ ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ ⵏ ⵡⴰⵟⴰⵙ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⴷ ⵓⴳⵓⵔ ⴰⵎⴻⵇⵔⴰⵏ ⵉ ⵓⵔⴽⴰⴷ ⴷ ⵜⵏⴻⴼⵍⵉⵜ ⵏ ⵜⴻⴼⵔⵉⵇⵜ ».

ⴰⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵎⴰⵔⵓ ⴰⵙⵍⴻⴽⵎⴰⵏ ⵏ ⵜⵙⴻⵇⵇⴰⵎⵓⵜ ⵜⴰⴷⴰⵎⵙⴰⵏⵜ ⵉ ⵜⴻⴼⵔⵉⵇⵜ, ⵛⴰⵔⵍⵧⵙ ⵍⵧⵒⴻⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⵍⴻⴱⵏⵉ ⵏ ⵓⵣⴻⴽⴽⴰ ⵏ ⵜⴻⴼⵔⵉⵇⵜ ⵉⴱⴰⵏ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⴼⵔⵉⵇⵉⵢⴻⵏ ⵙ ⵜⵉⵎⵎⴰⴷ-ⵏⵙⴻⵏ ⵙ ⵓⵎⴰⵀⵉⵍ-ⵏⵙⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵉⴼⵔⵉⵇⵉⵢⴻⵏ ⵙⵙⴻⴽⵏⴻⵏ-ⴷ, ⴷⴻⴳ 50-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ « ⴷ ⴰⴽⴽⴻⵏ ⵣⴻⵎⵔⴻⵏ ⴰⴷ ⵅⴻⴷⵎⴻⵏ ⴰⴽⴽⴻⵏ ⴰⴷ ⴷ-ⴼⵙⵉⵏ ⵜⴰⴼⵔⵉⵇⵜ ⵙⴻⴳ ⵍⴻⵇⵢⵓⴷ ⵏ ⵓⵖⴻⵍⵍⴻⵜ ⴷ ⵎⴻⵃⵢⴰⴼ ⴰⵢ ⵜⵜ-ⵢⵓⵔⵣⴻⵏ ».

ⴰⴽⴽⴻⵏ ⴰⴷ ⵜⴻⵣⵎⴻⵔ ⵜⴻⴼⵔⵉⵇⵜ ⴰⴷ ⴷ-ⵜⴻⵏⵊⴻⵕ ⴰⴱⵔⵉⴷ-ⵏⵏⴻⵙ ⵉ ⵓⵣⴻⴽⴽⴰ, ⵎⴰⵙⵙ ⵍⵧⵒⴻⵙ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⴽⵜⴰ ⵉ ⵜⵏⴻⴼⵍⵉⵜ ⵜⴰⵙⴻⵔⵜⵉⵜ, ⵜⴰⴷⴰⵎⴰⵏⵜ ⴷ ⵜⴻⵏⵎⴻⵜⵜⵉⵜ « ⵢⴻⵙⵙⴻⴼⴽ ⴰⴷ ⴷ-ⴽⴽⴻⵏⵜ ⵙⴻⴳ ⵜⴻⴼⵔⵉⵇⵜ ⵙ ⵜⵉⵎⵎⴰⴷ-ⵏⵏⴻⵙ ⴷ ⵢⵉⵎⵉⵏⵉⴳⴻⵏ ⵉⴼⵔⵉⵇⵉⵢⴻⵏ ».