ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵓⵔⵓⵏⴷⵉ: ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙⴰⵉⴷ ⴷⵊⵉⵏⵏⵉⵜ, ⵢⴻⵜⵜⴰⵅⴻⵔ ⵙⴻⴳ ⴷⴷⵓⵕ-ⵏⵏⴻⵙ ⵏ ⵓⴱⴷⴰⵎⵎⴰⵙ

ⴱⵓⵊⵓⵎⴱⵓⵔⴰ (ⴱⵓⵔⵓⵏⴷⵉ) – ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ, ⵙⴰⵉⴷ ⴷⵊⵉⵏⵏⵉⵜ, ⵢⴻⵜⵜⴰⵅⴻⵔ ⵙⴻⴳ ⴷⴷⵓⵕ-ⵏⵏⴻⵙ ⵏ ⵓⴱⴷⴰⵎⵎⴰⵙ ⴷⴻⴳ ⵓⵎⵛⵉⵡⴻⵕ ⴳⴰⵔ ⵓⵏⴰⴱⴰⴹ ⴷ ⵜⴻⵏⵎⴻⴳⵍⴰ ⴷⴻⴳ ⴱⵓⵔⵓⵏⴷⵉ ⵉ ⵍⵎⴻⵏⴷ ⵏ ⵓⵙⵙⵓⴼⴼⴻⵖ ⵏ ⵜⵎⵓⵔⵜ ⵙⴻⴳ ⵜⴰⵍⵓⴼⵜ ⴰⵢ ⴷ-ⵉⵍⵓⵍⴻⵏ ⵙⴻⴳ ⵡⵓⵔⴼⴰⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴰⵢ ⵢⴻⴱⵖⴰⵏ ⴰⴷ ⵉⵄⴰⵡⴻⴷ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ ⴽⵔⴰⴹⵜ (3), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵟⵟⴰⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵙⴰⵉⴷ ⴷⵊⵉⵏⵏⵉⵜ « ⵢⴻⵜⵜⴰⵅⴻⵔ ⵙⴻⴳ ⴷⴷⵓⵕ-ⵏⵏⴻⵙ ⵏ ⵓⴱⴷⴰⵎⵎⴰⵙ ⴷⴻⴳ ⵜⴰⵍⵓⴼⵜ ⵏ ⴱⵓⵔⵓⵏⴷⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⵓⵖⴷⴰⴹⵜ ⵜⴰⴼⵔⴰⵏⴰⵏⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴱⵓⵔⵓⵏⴷⵉ, ⵠⵍⴰⴷⵉⵎⵉⵔ ⵎⵧⵏⵜⴻⵉⵔⵧ.

ⴰⵏⴻⵟⵟⴰⵇ-ⴰ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵎⴰⵙⵙ ⴷⵊⵉⵏⵏⵉⵜ ⵎⴰⵣⴰⵍ-ⵉⵜ ⴷⴻⴳ ⵓⵎⴽⴰⵏ-ⵏⵏⴻⵙ ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴻⵎⵏⴰⴹⵜ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ.

ⵎⴰⵙⵙ ⴷⵊⵉⵏⵏⵉⵜ « ⵢⴻⴷⴷⴰ ⵉⴹⴻⵍⵍⵉ (ⵍⴰⵕⴻⴱⵄⴰ) ⵙⴻⴳ ⴱⵓⵊⵓⵎⴱⵓⵔⴰ ⴰⴽⴽⴻⵏ ⴰⴷ ⵢⴻⵃⴷⴻⵕ ⵜⴰⵇⴰⵛⵓⵛⵜ (ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ (…) ⵎⴰⵛⴰ ⵢⴻⵣⵎⴻⵔ ⴰⴷ ⴷ-ⵢⴻⵇⵇⴻⵍ ⵖⴻⵔ ⴱⵓⵊⵓⵎⴱⵓⵔⴰ ⵙ ⵢⵉⵙⴻⵎ-ⵏⵏⴻⵙ ⴷ ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴻⵎⵏⴰⴹⵜ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ ».

ⵎⴰⵙⵙ ⵎⵧⵏⵜⴻⵉⵔⵧ ⵢⴻⵏⵏⴰ-ⴷ ⴷ ⴰⴽⴽⴻⵏ ⵡⴻⵔⵄⴰⴷ ⵓⵔ ⵢⴻⵥⵔⵉ ⴰⵔⴰ, ⵜⴰⵙⵡⵉⵄⵜ-ⴰ, ⴰⵏⵡⴰ ⴰⵔⴰ ⴷ-ⵢⴻⵇⵇⵍⴻⵏ ⴷⴻⴳ ⵓⵎⴽⴰⵏ ⵏ ⵎⴰⵙⵙ ⴷⵊⵉⵏⵏⵉⵜ ⵉ ⵜⴻⴱⴷⴰⵎⵎⴰⵙⵜ ⴷⴻⴳ ⵜⴰⵍⵓⴼⵜ ⵏ ⴱⵓⵔⵓⵏⴷⵉ.

ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⵎⴰⵙⵙ ⴷⵊⵉⵏⵏⵉⵜ « ⵢⴻⵙⵏⴻⵎⵎⴻⵔ ⴰⴽⴽ ⵉⴷⵉⵙⴰⵏ ⵉⴱⵓⵔⵓⵏⴷⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵡⴻⴽⴽⴻⵍ-ⵏⵏⴻⵙ ⴰⴽⴽⴻⵏ ⴰⴷ ⵢⵉⵍⵉ ⴷ ⵉⵎⵙⵉⴼⵙⴻⵙ ».

ⵎⴰⵙⵙ ⴷⵊⵉⵏⵏⵉⵜ ⵢⴻⵙⵎⴻⴽⵜⵉ-ⴷ ⴷⴰⵖ ⴷ ⴰⴽⴽⴻⵏ « ⵙ ⵜⴻⵖⵣⴻⴼ ⵏ ⵜⴰⵍⵍⵉⵜ-ⵏⵏⵉ ⵏ ⵓⵎⵛⵉⵡⴻⵕ, ⵉⴷⵉⵙⴰⵏ ⵉⴱⵓⵔⵓⵏⴷⵉⵢⴻⵏ ⴹⴹⴼⴻⵏ ⴷⴻⴳ ⵡⴰⴷⴷⵓⴷⴻⵏ-ⵏⵙⴻⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵎⴰⵣⵡⴻⵔⵜ ⵏ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⵖⴻⵔ ⵜⴻⴼⵔⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ ⴽⵔⴰⴹⵜ », ⴷ ⴰⵛⵓ ⴽⴰⵏ, ⴷⵊⵉⵏⵏⵉⵜ ⵢⴻⵔⵏⴰ-ⴷ ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵉⵎⵉ ⴰⵢ ⴷ-ⵜⴻⵍⵍⴰ « ⵜⵉⴷⴷⵉⵜ ⵖⴻⵔ ⵙⴷⴰⵜ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵏⵉⴹⴻⵏ.

ⵍⴻⵎⵛⴰⵡⵕⴰⵜ-ⴰ ⴰⵢ ⴷ-ⵢⴻⴱⴷⴰⵏ ⴷⴻⴳ ⵜⴻⵣⵡⴰⵔⴰ ⵏ ⵎⴰⵢⵓ ⴳⴰⵔ ⵓⵙⴻⵍⵡⴰⵢ, ⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⴽⴰ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵓⵔ ⵓⵥⵉⵏ ⴰⵔⴰ ⵖⴻⵔ ⵙⴷⴰⵜ, ⵢⴻⵔⵏⴰ ⵉⵅⵚⵉⵎⴻⵏ ⵏ ⵓⵙⴻⵍⵡⴰⵢ ⵓⵔ ⵇⴱⵉⵍⴻⵏ ⴰⵔⴰ ⴰⵃⴱⴰⵙ ⵏ ⵜⵎⴻⵙⴱⴰⵏⵉⵢⵉⵏ ⴰⵢ ⴷ-ⵢⴻⵍⵍⴰⵏ ⵎⴳⴰⵍ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵙⵙⵓⵜⵔⴻⵏ ⵙⴻⴳ ⵓⵙⴻⵍⵡⴰⵢ ⴰⴷ ⵢⴻⵊⴱⴻⴷ ⵜⵉⵎⵎⴰⵣⵡⴻⵔⵜ-ⵏⵏⴻⵙ ⴷⴻⴳ ⵜⴻⴼⵔⴰⵏⵉⵏ.

ⴰⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⵢⴻⵙⵙⵓⴼⴼⴻⵖ-ⴷ, ⴰⵙⵙ ⵏ ⵍⴰⵕⴻⴱⵄⴰ, ⵢⵉⵡⴻⵏ ⵏ ⵡⴰⵏⴰⴹ ⴰⵢ ⴷ-ⵢⴻⵙⵙⴻⴼⵔⴰⵏ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ ⴷⴻⴳ ⵡⴰⵙⵙ ⵏ 29 ⵢⵓⵏⵢⵓ, ⵎⴰ ⴷ ⵜⵉⴼⵔⴰⵏⵉⵏ ⵏ ⵜⵙⴻⵍⵡⵉⵜ ⴰⵙⵙ ⵏ 15 ⵢⵓⵍⵢⵓ. ⵉⵣⴻⵎⵣⴻⵏ-ⴰ ⵓⴳⵉⵏ-ⵜⴻⵏ ⵢⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⵍⴰ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵢⴻⵔⵏⴰ ⵡⴰⵍⴰⵏ-ⵜⴻⵏ ⴷ « ⵕⵕⴰⵢ ⴰⵢ ⴷ-ⵢⴻⴽⴽⴰⵏ ⵙⴻⴳ ⵢⵉⵡⴻⵏ ⴽⴰⵏ ⵏ ⵢⵉⴷⵉⵙ » ⵢⴻⵔⵏⴰ ⴷ « ⴰⵙⵙⴻⵇⴷⴻⵛ ⵏ ⵢⵉⵖⵉⵍ » ⴰⵢ ⴷ-ⵢⴻⵍⵍⴰⵏ ⵡⴰⵔ ⴰⵛⵉⵡⴻⵕ ⵏ ⵎⴻⴷⴷⴻⵏ.