Asebter amenzawi
Ldzayer twet-d « s ljehd » deg uxḍaf n yixeddamen n Tqenṣulit tatunsit deg Ṭrables
LDZAYER TAMANEƔT – Ldzayer tessaẓer « s ljehd » deg uxḍaf n yixeddamen n tqenṣulit tamatut n Tunes deg Ṭrables (Libya) ɣef wakken ay d-yenna ass n ssebt uneṭṭaq n uɣlif n tɣawsiwin n uzɣar, Abdelaziz Benali Cherif ay d-yennan dakken ccɣel-a d tuffɣa tufḍiḥt i lqanun agraɣlan.
« Ccɣel-a d tuffɣa tufḍiḥt yerna ur tettwaqbal i leqwanin d yilugan igraɣlanen ay iḍemnen taɣellist (laman) i yinawuren d tuɣdaḍin tidiplumatiyin d tqenṣulanin », ɣef wakken ay d-yenna Mass Benali Cherif deg yiwet n tseɣrut ay d-iga i Tnegga n Yisalan n Ldzayer.
« Nekkni nessaẓer lecɣal am wi, yerna nebɣa ad d-nessken i unabaḍ d uɣref n Tunes dakken aql-aɣ nebded abdad d ummid ɣer yidis-nsen yerna ulawen-nneɣ atni ɣer yidis n wid n twaculin n yinawuren ay yettwaxeḍfen, am wakken ay d-nger tiɣri i uḥraz-nsen d uslelli-nsen war ccuruḍ », ɣef wakken ay d-yenna Mass Benali Cherif.
Dɣa deg temsalt-a, aneṭṭaq n uɣlif n tɣawsiwin n uzɣar iɛawed iwekked-d assiẓer-nnes i « wakk lecɣal n rrebrab » am wakken ay d-iger tiɣri i « waytmaten n Libya, a tagrawt yebɣun ilin seg-s, akken ad sḥiṛṛmen takriḍt yerna ad kemmlen amciweṛ n tidet akken ad awḍen ad frun taluft s talwit yerna ad d-sɛejlen assebded n unabaḍ n tdukli taɣelnawt ara izemren ad d-yessebded tisuda timegdayin ijehden yerna ad iqabel akk uguren, ladɣa wid n tɣellist (laman) ».
