ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴱⴰⴽ 2015: 456 ⵏ ⵍⵉⵃⴰⵍⴰⵜ ⵏ ⵍⴻⵅⴷⴻⵄ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ ⵜⵅⴻⴱⴱⴻⵔ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ 456 ⵏ ⵍⵉⵃⴰⵍⴰⵜ ⵏ ⵍⴻⵅⴷⴻⵄ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵢⴰⴷ ⵏ ⵍⴱⴰⴽ ⵏ 2015, ⵢⴻⵔⵏⴰ ⵜⴻⵏⵏⴰ-ⴷ ⵉⵏⴻⵍⵎⴰⴷⴻⵏ ⵉⵅⴻⴷⴷⴰⵄⴻⵏ ⵜⴻⵇⵡⴰ-ⴷ ⴼⴻⵍⵍ-ⴰⵙⴻⵏ ⵜⵄⴻⵙⵙⴰⵙⵜ.
ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⴽⵛⴻⴼ-ⴷ ⵉⵙⴰⵍⵉ-ⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵙⵙ ⵏ ⵓⴳⵔⵓⴷ ⴰⴼⵔⵉⵇⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵜⵉⴽⵍⵉ ⴰⵢ ⴷ-ⵡⵡⵉⵏ ⴷ ⵢⵉⵏⴻⵍⵎⴰⴷⴻⵏ ⵉⵅⴻⴷⴷⴰⵄⴻⵏ ⴷ ⵜⵉⴽⵍⵉ ⵜⴰⵇⵓⵔⴰⵏⵜ.
ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⴰⴷ ⵢⴻⵔⵏⵓ ⴰⴷ ⵢⴻⵙⵙⴻⵊⵀⴻⴷ ⵜⴰⵄⴻⵙⵙⴰⵙⵜ ⴷⴻⴳ ⵍⴱⴰⴽ ⵏ 2016 ⴰⴽⴽⴻⵏ ⴰⴷ ⵉⵇⴰⴱⴻⵍ ⵓⴳⵓⵔ ⵏ ⵍⴻⵅⴷⴻⵄ ⵙ ⵜⴻⴽⵏⵓⵙⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⴷ ⴷ-ⵢⴻⴱⴷⵓ ⵓⵙⴽⴰⵙⵉ ⴷⴻⴳ ⵢⵓⵍⵢⵓ-ⴰ ⵖⴻⴼ ⵓⵙⵙⵓⴷⴷⴻⵙ ⵏ ⵢⵉⴽⴰⵢⴰⴷⴻⵏ ⴷ ⵡⴰⵎⴻⴽ ⴰⵔⴰ ⴷ-ⵜⵜⵡⴰⵀⴻⵢⵢⵉⵏ ⵢⵉⵙⴻⵏⵜⴰⵍ ⵉ ⵍⵎⴻⵏⴷ ⵏ ⵓⵇⴻⵢⵢⴻⵎ ⵏ ⵢⵉⵏⴻⵍⵎⴰⴷⴻⵏ.
« ⵓⵍⴰ ⵎⴰ ⴰⵖⴻⵔⴱⴰⵣ ⴷ ⵜⴰⵎⵙⴰⵍⵜ ⴰⵢ ⴰⵖ-ⵢⴻⵔⵣⴰⵏ ⴰⴽⴽⴻⵏ ⵎⴰ ⵏⴻⵍⵍⴰ, ⴰⵖⵍⵉⴼ ⵢⴻⴷⴷⴻⵎ ⵜⴰⵎⴰⵙⵉⵜ-ⵏⵏⴻⵙ ⴰⴽⴽⴻⵏ ⵉⵡⴰⵜⴰ ⵢⴻⵔⵏⴰ ⵓⵔ ⵢⴻⵇⴱⵉⵍ ⴰⵔⴰ ⴰⴷ ⵢⴻⵜⵜⵡⴰⴷⴷⴻⵎ ⵕⵕⴰⵢ ⴰⵔⴰ ⵢⴻⴼⴼⵖⴻⵏ ⴽⴰⵏ ⵖⴻⴼ ⵎⴻⴷⴷⴻⵏ ⵢⵉⵍⵉ ⵢⴻⵣⵎⴻⵔ ⴰⴷ ⵉⴹⵓⵔⵔ, ⴰⵎ ⵡⴰⴽⴽⴻⵏ ⵓⵔ ⵢⴻⵇⴱⵉⵍ ⴰⵔⴰ ⵜⵉⴽⵍⵉ ⴰⵔⴰ ⴷ-ⵢⴰⵡⵉⵏ ⵍⵎⴰⴹⴻⵔⵔⴰ ⵏⴻⵖ ⴰⴷ ⵢⴻⴳ ⴰⴱⵔⵉⴷ ⵉ ⵍⴻⵅⴷⴻⵄ », ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ.
ⵜⴰⵏⴻⵖⵍⴰⴼⵜ ⵜⵄⵓⵀⴻⴷ ⴷⴰⵖ ⴰⴷ ⴷ-ⵜⴻⴳ « ⴰⴱⴻⴷⴷⴻⵍ ⵏ ⵜⵉⴷⴻⵜ » ⴷⴻⴳ ⴽⵔⴰ ⵏ ⵢⵉⵙⴻⴽⴽⵉⵢⴻⵏ ⵉⵙⵏⴻⴳⵎⴰⵏⴻⵏ ⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵜⵉⵣⴻⵎⵎⴰⵔ ⵏ ⵍⴱⴰⵍ ⵏ ⵓⴱⴰⵍⵎⵓⴷ.
ⴷⵖⴰ ⵜⴻⵏⵏⴰ-ⴷ ⴷⴻⴳ ⵜⴻⵎⵙⴰⵍⵜ-ⴰ ⴷⴰⴽⴽⴻⵏ ⴰⵡⴰⵏⴰⴽ ⵢⴻⴷⴷⴻⵎ ⵜⴰⵎⴰⵙⵉⵜ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵎⵎⴻⵙⴽⴻⵍⵜ ⵏ ⵓⵙⵙⴻⴳⵎⵉ ⵢⴻⵔⵏⴰ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵙⵙⴻⴱⴷⴻⴷ-ⴷ ⵜⴰⵙⴻⵇⵇⴰⵎⵓⵜ ⵉ ⵓⴹⵎⴰⵏ ⵏ « ⵜⴳⴰⴷⴷⴰ ⴷ ⵜⵖⴰⵔⴰ ».
