Asebter amenzawi

Tajmilt deg Ldzayer i umeddakel n Tegrawla tadzayrit Henri Maillot

LDZAYER TAMANEƔT – Gan ass n ssebt deg Ldzayer Tamaneɣt tajmilt i umeddakel n Tegrawla taɣelnawt, Henri Maillot, d anelmad-afesyan afṛensis ay yellan yettwasseqneɛ s telqey s uzref n Yidzayriyen akken ad awin tilelli-nsen yerna d aya ay t-yejjan ad d-yaker, deg 1956, tteɛbeyya n leslaḥ akken ad tt-yessiweḍ i Yigen n uslelli aɣelnaw.

Tajmilt-a ḥedṛen deg-s s umata wid ay as-yettilin d kra seg yirfiqen n leslaḥ n umeɣnas-a ay yennuɣen mgal ussehres (listiɛmaṛ), yerna ddan ɣer tmeqbert tamasiḥit n tɣiwant n Lmadaneyya akken ad as-ssiwḍen ṛṛeḥma i « umeɣrus »-a (ccahid) n Tegrawla taɣelnawt.

Henri Maillot ilil deg 21 Ṭuber 1928 deg Ldzayer Tamaneɣt, yerna deg 1953 ay d-yufa tidet ɣef yimenɣi d uzref n Yidzayriyen akken ad awin tilelli-nsen. Deg 4 Yebrir n 1956, Maillot yeɛzem ad yettekki deg umahil (axeddim), yerna yesserwel yiwet n tteɛbeyya n leslaḥ ɣer Yigen n uslelli aɣelnaw. Deg Yigen-a, Maillot tettunefk-as tfesna n ugenses, yerna qqnen-t ɣer Twilayt tagrawalt tis 4.

Henri Maillot yeɣli deg yiger n yiseɣ deg Yunyu n 1956, s leslaḥ deg ufus, deg yiwen n ukmin ay as-ndin yiserdasen ifṛensisen deg Lkarimeyya, deg twilayt n Cclef.