Asebter amenzawi

Taqbuct n Ldzayer n 2015 n tkurt n uqecwal (taneggarut): d GS Petroliers ay tt-yewwin

LDZAYER TAMANEƔT – GS Petroliers terbeḥ-d taẓrigt tis 46 n Teqbuct n Ldzayer n tkurt n Uqecwal (imeqranen, irgazen) mi terna CRB Dar Lbiḍa s 76 ɣer 66 (azgen n wakud amezwaru 35-30) deg tneggarut ay turar ass n ssebt deg tzeɣɣa n Harcha (Ldzayer Tamaneɣt).

Taɣlamt n GSP d nettat daɣ ay irebḥen talɣuɣa n Ldzayer n tsemhuyt-a, yerna d tikkelt tis 16 aydeg ara terbeḥ Taqbuct n Ldzayer seg tallit aydeg tella tetturar s yisem n MC Ldzayer, am wakken d ta ay d tikkelt tis 5 aydeg ara tt-terbeḥ ɣef usref.

Seg yidis niḍen, CRB Dar Lbiḍa ur d-terbiḥ acemma deg umecwaṛ-nnes, yerna tikkelt tis 4 ara texṣer timlilit taneggarut ɣef usref mgal GSP, sdeffir ma turar yid-s taneggarut deg 2005, 2011 d 2012.